السلام عليكم

الاخ الكريم طارق,

اولا الف مبروك على العربيه وان شاء الله يكون وشها حلو عليك ويديلك خيرها ويكفيك شرها ان شاء الله والجميع.

انا لسه مستلم يوم الاحد من كم يوم بس, وهاقول لك على تجربتي عشان تنتبه لبعض الامور,

افحص العربيه كويس قبل ما تستلمها, شوف الزجاج والموتور بتاعه شغال كويس مفيش صوت وهو ينزل او يطلع الخ, لان حصلت معايا زجاج السائق كان يعمل صوت خرفشه قلت لهم عليها وانا هناك قالوا ممكن تراب على الموتور ظبطوها في 10 دقائق, جرب المكيف شوفه شغال ولا لا ومشحون ولا لا لان المفروض تستلمها وهو مشحون لان لو مش مشحون هايدفعوك 400 جنيه تعمل الغاز لما تيجي تعبيه فانتبه للنقطه دي , وبالنسبه لتشغيله في التليين انا بشغله عادي بس في المشاوير القصيره يعني ساعه مثلا ومش تقرص عليها

طبعا تجرب الكاسيت على الاقل تشوف الاف ام شغال وتجرب المالتي فنكشن الخ

شوف جسم العربي body بشكل عام مفيش خرابيس سكراتشز او متجرحه الخ

شوف الدواسات في شنطه العربيه والاستبن + شنطة العده مفكات الخ حوالي 10 قطع و الانتينا اريال العربيه , وتاكد من وجود الجراب الجلد الاسود بتاعهم مش مجرد كيس شفاف بلاستك, لان مش كان موجود عندي واصريت عليه واخدته وانا ماشي :) بعد ما تخلص وانت ماشي ومروح هاتلاقي البنزينه قدامك قريبه على اليمين, وانت ماشي لحد البنزينه جرب شوف العربيه تحدف منك ولا ايه, لو حسيت انها بتحدف او سمعت اي صوت لف وارجع لهم على طول وهايظبطوهالك في الورشه ورا في 10 دقائق عشان انت مستلم زيرو ودا حقك وعشان مش ترجع مخصوص عشان حاجه معينه او تنتظر لموعد الصيانه ال 1000

انا العربيه الحمدلله شرحتها قبل استلامها وتقريبا كانوا زهقوا مني ولو طولت شويه كانوا هايقولوا خد العربيه ببلاش وامشي وريحنا ههههه :) فا شوفها وافحصها براحتك دا حقك محدش ليه حاجه عندك وعموما الاستاذ محسن ومسؤول الصيانه اسمه محمد سويسي كويسين واي ملاحظات هايظبطوهالك ان شاء الله

بالنسبه للقرص انا مش مشيت بيها اكتر من 100 حاليا ودا الافضل في فترة التليين مش تضغط عليها وخليك في الامان وبالراحه عليها في فترة التليين وطبعا مش تحط بنزين اقل عن 92

بالنسبه للusb ممكن تركب سيدي تشينجر او جي بي اس وميموري 4 جيجا وتحط اللي انت عايزه عليه او aux , بالنسبه للصيانه طبعا لازم التوكيل او مراكز معتمده عشان الضمان.


حجزت لون ايه؟ واوتو ولا مانوال؟

ومعلش في السؤال الرخم :) انت معاك سيراتو, ليه فكرت في الجين تو؟ هل فيه حاجات مش عجباك في السيراتو 2010؟ ولا مجرد تغيير او هاتدي واحده منهم للحكومه ههه فقط للعلم

ومبروك مره اخرى عليك ان شاء الله

تحياتي