انت فكرت صح و نفذت غلط
جبت جنط اكبر و كاوتش اعرض لكن جبت ارتفاع غلط :(
MMamdouh
عرض للطباعة
شكرا اخى احمد عزت انا جبتهم 1100 جنيه
يا راجل حرام عليك حد لسة بيجيب من البطل الرومانى دة اكبر حرامى ومعروف ان معظم منتجاته فرز تانى انا اتنصب عليه فى البطاريه بتاعتة البطاريه مقعدتشى شهرين وبازت رحتله راح مغيرها بواحدة قديمة واخد بتاعتى وقالى حغيرها من التوكيل وفضل على كدة شهرين والبطاريه اللى ادهانى كانت اوحش من بتاعتى القديمه لحد ما اتخنقت معاه ورحت اشتريت من غطاطى نفسه
بس انا اللى استاهل انى مسمعتش كلام صاحبى اللى قالى انة بيبع جنوط فرز تانى وكاوتش مضروب وانه اشترى منه كاتوش مضروب او متخزن مش فاكر ومرديش يرجعه
ونصيحه متحاولشى ترجعله الجنوط لانه مش حيرجعها وحتلاقيه قليل الادب جدا و صوته عالى
بص يا مان
حسب معلوماتى الهندسية اللى والحمد لله مش قليلة لأنى لوقت قريب كنت مدير مزكز خدمة كبير
ولأنى واخد دورة كاملة عن موضوع الجنوط والكاوتش ده فى شركة بريلى
اقدر اقولك انك اختارت مقاس كاوتش يعوم العربية
حسب مقاييس الكاوتش العلامية وعلاقتها بالأطار المعدنى وزوايا عربيتك
لازم تركب كاوتش المقاس ده
195 55/14
ده هيضبط لك العربية مليون فى المية وترصص الكاوتش على ماكينة ترصيص محترمة والجنوط برة العربية مش بالترولى الترولى ده لو عندك ولو بوش بسيط فى بيض الدركسيون او العفشة هيدى قرأة غلط لوزن الرصاص
وترصص برصاص شريط مش دق ورصاص الشريط ليه وزنين فقط 5 جرام و 10 جرام فقط لا غير
فهمتنى كويس وان شاء الله هاحط لكم معادلة تغيير مقاسات الكاوتش والجنوط على السايت علشان الى عايز يغير كاوتش او جنوط يملى بيانات كاوتشة الاصلى والمعادلة هتخيرة بين عدة مقاسات للجنوط والكاوتش حسب ما يحب وربنا ان شاء الله يسهلك ضبط الموضوع ده
بس يا ناصر المقاس دة حيخلى الكاوتش اكبر من الاصلى
اما يجيب 14/60/185 او 15/50/195
MMamdouh
طب أيه رأيك في المقاس ده 16\55\215 لعربية لانسر 1600 أوتوماتيك أنا عايز أجيبه بس طالما عندك خبره ياريت تفيدني هل هايأثر على عزم العربية وعلى العفشة وعلى الأداء العام للعربية وممكن يعمل أي أرتجاج أو أصوات مش طبيعية أو رفه ياريت تقولي رأيك أيه
يا نهـــــــــــــــــــــــ ـــــــــــــــــــــــــ ـــــــــــــار.................... ......
ده أنا لسه شاري أربع جنوط برضه من عند نفس المحل وحصل نفس المشكلة بس روحت رصرصرت عند البنزينة الي في ميدان الإسماعيلية والموضوع بأه أحسن الحمد لله .أتاري الراجل بيبيع جنوط مضروووووووووبة.حسبي الله ونعم الوكيل
مقاس الكاوتش الأصلي 13/70/175 بس أنا حاليا مركب 13/60/205 على جنوط أسبور بس بتعمل رجه جامده عند السرعه 120 وبتختفي بعد ال 140رغم أني رصصتهم كتير ومافيش فايده ياريت تقولي المقاس المناسب سواء لو حبيت أركب جنوط 15 أو 16 وكاوتش عريض مايقلش عرضه عن 215 ..... ياريت تفيدني عن الموضوع ده ...... وشكرا جزيلا
طالما الراجل ده كدة مانفضحه ع السايت، ده مش بس غشاش، ده كمان قليل الأدب وبلطجي زي ما حد قال !!
أنا جاتلي فكرة دلوقتي إننا نعمل حاجة زي Black List كدة، اللي له تجربة اتغش فيها أو اتنصب عليه فيها يقول.
بس الموضوع ده عاوز مراقبة، عشان مايحصلش تشهير والكلام ده، ومحتاج كمان شكل يكون قانوني عشان مايبقاش فيه مسئولية قانونية ع السايت.