الموضوع: استلمت السايبا برايد امس

والله انا رحت امبارح مركز الخدمه اللى فى اكتوبر ودخلت وقابلت المهندس محمد ولما بقوله على الكاسيت قالى انا ماليش دعوه الكاسيت له ضمان لوحده طيب والتكيف قالى اشحنه بره انا ماليش دعوه قلت له طيب لمبه الزيت بتنور وفى صوت فى العجله الشمال قالى طيب وباقى العربيه تمام دخل العربيه وبعد حوالى ساعتين لقيت المكانيكى خارج بالعربيه يجربها ولما رجع دخلت له لاقيته بيقولى ان لمبه الباب اللى فى التابلوه معلقه واللمبه اللى فى الباب ما بتنورش فقلتله لا العربيه انا جايبها سليمه وتماام وصوتى عالى وبدات اتنرفز وسبته ورحت للمهندس لاقيته بيقولى تلاقى حضرتك مش واخد بالك ان العيب موجود من الاول فصوتى كان عالى وانا بقوله ازاى العربيه معايا بقالها اسبوع من يوم الاثنين اللى فات ازاى مش هاخد باللى ان فى لمبه منوره فى التابلوه او مطفيه فى الباب فقال انا هشوف فى ايه ودخل وبعدها بحوالى نصف ساعه دخلت عليهم فالمهندس قالى اتفضل يا فندم هو فى ايه فى العربيه من الاول فقولته على الحاجات اللى كانت فيها وجيه يجرب التكيف لاقى ان الكمبروسر مابشحنش والكهربه مش مظبوطه فقال ان الدفيره كلها عايزه يتكشف عليها من الاول لان الساعه معلقه مع لمبه السقف والكاسيت معلق مع التابلوه وقالى اتصل بى يوم الاثنين الصبح علشان يقولى اروح ولا لا علشان الدكتور الكهربائى ماكنش موجود ومش عارف هيجى يوم الاثنين ولا ولا بس بجد انا مضايق اوى اوى

انا روحت مركز الخدمه انهارده الاربعاء الصبح ودخلت الى المهندس واديته العربيه ودخل بيها وبعد حوالى ساعتين طلع بالعربيه مظبطه تمام الحمد لله الكهربه تمام وشغل الريموت تمام بس ناقص الكاسيت قال لى انه فى ضمان له لوحده فى راديوستار اللى فى عباس العقاد بس هو شغال راديو بس والكاسيت مش شغال ان شاء الله هغيره بسى دى من عندهم وادفع الفرق واشوف حكايه شحن التكيف ده فى المعرض اللى فى الطيران لانهم قالوا انهم هشحنوه فى جسر السويس هنشوف يا اما هطلع على جهاز حمايه المستهلك عدل ولا انتوا ايه رايكم