والله لو حيكون فى وسط القاهره حيكون بعيد عليا بردو...
بس لاجل الصحبه بتاعت الناس الحلوه ديا ...لازم الواحد ييجى بردو..
ياريت بس المكان يتوافر فيه انه يكون بعيد عن الزحمه.
هو داندى ده فيه يا جماعه؟؟؟؟؟؟
عرض للطباعة
شباب
داندي مول عند البوابات بتاعت اسكندريه الصحراوي
و ممكن بالفعل نغير المكان الي مكان تاني مدامت ناس كتير ممش عاجبها او صعب عليها
انا ان شاء الله النهارده باليل او بكره بالكتير هشوف الباخره بتاعت القوات المسلحه علي كورنيش المعادي قدام كوبري طره
خصوصا ان توقيت المقابله بعد الصلاه هيكون وقت غدا و لازم ناكل
يبقي ناكل و احنا في النيل و ادينا بنغير جو و صحبه جميله
انا كده كده هسئل علي الاسعار و النظام هناك
و ياريت الناس ترد عليا و نتناقش
حلو ده يا امير ...انا معنديش مانع عليه.
انا بحبذ حاجه بره البلد خالص..
بس عرفنى سكته من على الدائرى وانا من جوجل حشوف الباقى ..
وانا تحت امركم فى اى تغيير
الطريق ل داندى مول :
حوالى 20 د من ميدان لبنان
ويوم الجمعة الشوارع فاضية حوالى 15 د بس
هاتطلع المحور عادى خالص وتمشى على 90 علشان الرادار ( خلى بالك وماتسمعش كلام الميكروباصات هههه)
وفى اخر المحور هاتلاقى لافتة يمين بتقول ( مصر اسكندرية الصحراوى يمين )
تنزل الكوبرى اليمين الى بعدها على طول ( مش هاتلاقى غيرة يمين او شمال اصلااااا)
تمشى على طول بجوار توكيلات السيارات
هاتلاقية على اليمين بحوالى 500 : 600 متر من نزلة المحور
وعلية لافتة كبيرة اوى
dandy mall
وواحدة تانية كارفور
وانا بصراحة بارشحة لان فية اكتر من باركنج وفية مطاعم وكافيهات وكارفور ماركت ومحلات كتييير والاختارات فية متعدددة ومش هاتبقى قلقان على عربيتك لتتكلبش ولا تتخبط ولا حاجة
انت عايز تضايقني ليه بس:whtauwant:
ماهو الميعاد هيكون بعد صلاه الجمعه علشان الناس اللي علي سفرتلحق توصل بيوتها بعد كده
و الميعاد ده هيكون وقت غدا
يبقي نتغدي علي مركب في وسط النيل كنوع من انواع التغيير بدل ما نقعد في مكان مغلق
عموما القرار جماعي و انا بهرج معاك طبعا بس دي اسبابي و مقتنع بيها انا كشخص
و طبعا لو الكلام فضل علي داندي مفيش من ناحيتي مشاكل
ياللا بس انا عايز الناس معانا في الحوار و الكلام اخد و عطا
فكرة رائعة أننا رجال النيسان نلتقى و لكن راعو أعضاء الإسكندرية و داندى مول مناسب و سيكون مناسب جداً للإسكندرانية يعنى اللى حايضر المقابلة من القاهرة أكيد أقرب كثيراً من اللى جاى من الإسكندرية و هذا المكان مناسب لمثلى الذى لا يعرف أى حاجة عن القاهرة و شوارعها
طيب بكره ان شاء الله لما اركز كده و اعمل حصر تاني للعدد هبقي اقولكم كام واحد مأكد حضوره
و مدام في كافيهات كتير هناك و اماكن انتظار يعني الموضوع مش محتاج حجز من قبله
و عايز اعترف بحاجه بس محدش يتريق (ضحك خفيف ماشي ضرب نار لأ)
عارفين انا كنت فاكر داندي مول ده اللي في المعادي:POINTIy2[2]:
و النهارده خدت بالي انه اللي علي بوابات اسكندريه القاهره الصحراوي :POINTIy2[2]::POINTIy2[2]:
و برضو فاكر المول اللي جنب صقر قريش في المعادي اسمه ميجا مول و مطلعش اسمه ميجا مول:POINTIy2[2]::POINTIy2[2]::POINTIy2[2]:
و اتاريني بقول علي كافيه ليالي لبنان تمشيه من جنب داندي مول و شيك و حلو و محدش معبرني اساسا :8954[1]:
انا قلت يمكن فتحوا كافيه جديد هناك
عشان بقالى فتره كبيره مزرتش المنطقه دي
ههههههههههههههههه
انا عندي اقتراح كمان للى مش عارف السكه
احنا ممكن كل مجموعه تتقابل يكون معاهم واحد عارف الطريق والمكان
يعني انا ممكن اقابل اللى جاى من مصر الجديده ومناطق شرق القاهره واللى جاي من طريق السويس والاسماعيليه ونمشي كقافله نيسانيه لغايه المكان المحدد للمقابله
وواحد برضه يتطوع ويقابل سكان الجيزه والمهندسين والقادم من الاسكندريه
وهكذا
منورين يا جماعة والله .....
تحياتي الى جميع النيسانية وبالاخص التيداوية .........
مفيش مشكلة ان شاء الله يوم الجمعة 30/4 ممكن بعد الصلاة او في اي وقت يريحكم يوم الجمعة , أنا معاكم بس اهم حاجة راحة الاعضاء واللي عنده ظروف يعني .....
في داندي مول ( اللي على طريق اسكندرية الصحراوي ) مكان كويس قوي خصوصا ان فيه مكان للباركينج كبير .......
وكل سنة وانت طيب يا د.أمير وعقبال 6543682633 سنة .....
أعتقد إن دانى مول مناسب جداً للجميع حتى اللى جاى من إسكندريه هيبقى بالنسبه له آخر طريق إسكندريه - القاهره الصحراوى (و أهى فرصه يجرب العربيه و يشوف سرعتها) .... كمان اللى جاى من الأقاليم زى حالاتى مش هيبقى فيه مشكله .... و اللى راح مودرن موتورز أبورواش أكيد عدى على داندى مول ....
و اللى م يعلافش مكانه و عنده جوجل إيرث يحط الإداثيات التاليه فى مربع البحث بتاع جوجل إيرث و يضغط على على شكل العدسه اللى هلى يمينه هيعرف المكان فين و الإحداثيات هى 30°3'48"N, 31°1'38"E
و اللى م عندوش جوجل إيرث يدخل على
www.wikimapia.org
و يحط نفس الإحداثيات فى مستطيل البحث .... هيلاقى مكتوب تحت مستطيل البحث
go to this location
يضغط عليها هيلاقى متعلم على المكان بدائره حمراء داخلها كروس ... يكبر و يصغر زى م هو عاوز علشان يعرف المكان بالتحديد
و بالنسبه للى جاى من المحور (و ماشى فى إتجاه الهرم) بعد المحور ب 11.5 كيلو هيلاقى فتحه يمين يدخل فيها (اللى هى دخلة الصحراوى) ... و بعد 2.6 كيلو هيلاقى داندى مول على يمينه
و أهم ما يميز داندى مول إن المكان هادى و فيه أماكن كتير للركنه و كافيهات كتير
أعتقد إن داندى مول مناسب جداً للجميع حتى اللى جاى من إسكندريه هيبقى بالنسبه له آخر طريق إسكندريه - القاهره الصحراوى (و أهى فرصه يجرب العربيه و يشوف سرعتها) .... كمان اللى جاى من الأقاليم زى حالاتى مش هيبقى فيه مشكله .... و اللى راح مودرن موتورز أبورواش أكيد عدى على داندى مول ....
و اللى م يعرفش مكانه و عنده جوجل إيرث يحط الإحداثيات التاليه فى مربع البحث بتاع جوجل إيرث و يضغط على شكل العدسه اللى هى على يمينه هيعرف المكان فين و الإحداثيات هى
معلش الإحداثيات مش بتتكتب صح و حاولت أرفعها برضو مش بتترفع و الرابط التالى على الرابيدشير فيه ملف تيكست فيه الإحداثيات
RapidShare: 1-CLICK ... hosting - Easy Filehosting
و اللى م عندوش جوجل إيرث يدخل على
www.wikimapia.org
و يحط نفس الإحداثيات فى مستطيل البحث .... هيلاقى مكتوب تحت مستطيل البحث
go to this location
يضغط عليها هيلاقى متعلم على المكان بدائره حمراء داخلها كروس ... يكبر و يصغر زى م هو عاوز علشان يعرف المكان بالتحديد
و بالنسبه للى جاى من المحور (و ماشى فى إتجاه الهرم) بعد المحور ب 11.5 كيلو هيلاقى فتحه يمين يدخل فيها (اللى هى دخلة الصحراوى) ... و بعد 2.6 كيلو هيلاقى داندى مول على يمينه
و أهم ما يميز داندى مول إن المكان هادى و فيه أماكن كتير للركنه و كافيهات كتير
هو داندي مكان جميل بس ايه نظام اسعار الكافيهات فيه.. عايزين المناسب منها بالنسبة لاسعار المشروبات والغدا ..
وهل نظام الغدا حيبقى في نفس الكافيه ولا حنضطر نقوم لمكان تاني نتغدا فيه.. زى اى مطعم من المطاعم الكبيرة زى ماكدونالد او غيره
معلش انا بسال بالتفاصيل عشان نعمل بروجرم واضح بكل التفاصيل
لاننا عايزين نكسب وجود الكل ... وتبقى العملية مناسبة لامكانيات وظروف الجميع سواء المادية او من ناحية الوقت او المعاد وكل حاجة
فعايزين نعرف من حد راح هناك وعنده خلفية عن الدنيا والقصة ماشية ازاى
او حد يتطوع ويروح يسالنا ويقولنا ايه الكافية اللى شايفه مناسب
انا ان شاء الله معاكم بس المشكله عايزن نعرف ايه البرنامج اللى هيتعمل يعنى هيبقى فيه غداء ولا ايه وكده علشان يبقى الكل عامل حسابه
جنب داندى فيه كنتاكى و إتغديت فيه قبل كده و أعتقد إن 2 دينربوكس من كنتاكى فى حدود 50 جنيه غدا معقول جداً ... لكن م اعرفش إذا كانت الكافيهات اللى هناك فيها غدا و الا لأ
طيب شباب حاضر
انا نزلت سألت في NILE CRYSTAL علي كورنيش المعادي و سألت في مركب النهر الخالد بتاع القوات المسلحه علي كورنيش المعادي برضو قصاد كوبري طره
اولا NILE CRYSTAL :
مكان شيك
في مساحات علي الكورنيش تحت فيها مقاعد و كافيه و شيشه و اللذي منه
المركب طبعا في منتهي الشياكه و بيطلع رحلات غدا في النيل و ممكن عشا كمان بس احنا خلينا في موضوع الغدا علشان التوقيت بالنسبه للناس اللي هتكون علي سفر
الباركينج هناك واسع جدا و يساع الحبايب كلهم
بس مشكلته ان الساعه ب 4 جنيه و كسر الساعه يحسب ساعه و مفيش خصم بالنسبه للمركب في الباركنج
الغدا من 3:30 الي 5:30 و هو ده وقت حركه المركب
يعني لازم نكون هناك قبل كده يا اما تجيب معاك لوجان علشان تحصلنا في الميه!
الغدا عباره عن بوفيه مفتوح و بيكون فيه:
2 نوع فراخ
2 نوع لحمه
2 نوع سمك
شوربه
20 نوع سلطه
حلويات شرقيه و غربيه
ارز و مكرونات
محاشي
و التكلفه بتاعت الغدا و المركب هتكون 155 جنيه للفرد و للاسف الخصومات للجروبات اكتر من 70 فرد
بس شهاده لله المكان نضيف موت و شيك و المركب فخم جدا جدا
============================
ثانيا بقي مرسي النهر الخالد
طبعا تابع للقوات المسلحه فله نظام و ظبط و ربط
بس الانظمه مش قد كده خصوصا موضوع تحرك المركب وسط النيل
الراجل متر شريف قاللي الحموله كلها 100 فرد
علشان المركب يطلع في النيل لازم علي الاقل 70% من العدد يكون موجود
سألته هل ينفع العدد يكون من 15 الي 30 و ندفع 100 او 200 جنيه مثلا و نطلع احنا بالمركب في وسط النيل قاللي لأ
لازم علي الاقل و بمجهود منه يكون العدد 50% من الطاقه بتاعه المركب
بس شهاده لله المكان علي الكورنيش تحت رائع و عائلي
فيه لعب اطفال و ترابيزات و قعدات و مسطحات خضراء جميله كعاده القوات المسلحه في نواديها
بس مفيش شيشه و المتر شريف قاللي ده جيش قلتله منا عارف انا كنت مجند قبل كده بس قلت اسئل برضو يمكن!
انظمه الوجبات:
مشروب ساقع
سلاطه
حلو(شرقي-سواريه-ام علي )
طبق رئيسي و يكون واحد من التالي:
1- ماكس جريل (ارز بالخلطه-بطاطس محمره- 3 انواع مشاوي مشكل )
2- شريحه من اللحم البتلو بالمشروم
3 ماكس سي فود (سمك فيليه -سبيط- ارز صياديه)
ده بالنسبه للوجبات و الفرد بيكلف 75 جنيه
في بوفيه مفتوح و ب 100 جنيه للفرد بس للاسف لازم تاخد المركب كله (عدد 100 فرد) فمش نافع خالص اخليه بوفيه مفتوح لينا
المركب نضيفه بس متواضعه و لها سقف صغير مغطي في الدور التاني و المطعم فيها في الدور الاول
ميزه المكان النضافه و تواضع الاسعار بس علي حساب الفخامه
المسطح اللي عندهم علي الكورنيش اكتر من رائع و كبير و مناظر طبيعيه رائعه
===============================
المركبين لازم حجز دفع مبلغ تأكيد قبلها بأيام
فلو ناويين و النيه لله الجمعه الجايه ان شاء الرحمن يبقي نشارك كلنا و نرد و نتفاعل
انا بصراحه مش عايز ادفع 50 جنيه في اكله من كنتاكي و اساسا مش بحبه
و انا بتكلم و الحمد لله انا قادر ادفع بس اكيد اللي حاجه زي كده هترهقه ماديا مش هيتكلم و هيتكسف و يسكت و يمكن يعتذر و ميجيش
فخلينا نتفق و نتناقش و احنا عاملين حساب الكل برضو
انا شايف NILE CRYSTAL في منتهي الجمال و حلال فيها الفلوس بس لو السعر مش مناسب للكل يبقي بلاش منها
و نهر المرسي الخالد رائع و لو حتي المركب متحركتش مش لازم كفايه القعده هناك و المناظر الرائعه
بس متنسوش اننا هنتقابل في وقت غدا و منا اللي هيكون جاي من سفر فلازم ناكل اكيد
و للسبب ده في اول الموضوع اخترت وقت بعيد عن الغدا علشان كل واحد ياكل براحته
انما و علشان خاطر الناس اللي هتكون علي سفر فالتوقيت اتعدل الي بعد الصلاه مباشره يعني بنتكلم علي الضهر
انا عندي استعداد نتقابل في اي مكان بس للظروف احكام و بحاول اكيف الموضوع اننا نتقابل و نتجمع و ننبسط
لو عليا مش مشكله لو اتقابلنا حتي في جراج عمومي بس نتقابل!!
و بالنسبه للنهر الخالد فكل واحد هيتكلف في حدود 100 جنيه اكل و مشاريب و قعده
و بالنسبه ل NILE CRYSTAL هتكون التكلفه 155 و بارك حوالي 3 ساعات متوسط 12 جنيه و الشيشه و القعده مش عارف هتكون كام بس ممكن مبلغ 200 جنيه كده يتصرف هناك
فياريت بقي حد يساهم و يشوف التكاليف كلها بتاعت داندي مول هتكون كام لأن اكل في كنتاكي ب 50 جنيه و غير الكافيهات هناك مش رخيصه فهندخل في 100 جنيه يبقي النيل احلي و امتع
و رجاء خاص مني
انا اللي هيكون عيد ميلادي اليوم ده (يبقي اسمعو الكلام من غير جدال:O_stupid[1]:)
ياريت لما عدد من الاعضاء يوصلو لأتفاق ميجيش واحد او اتنين يحاولو يغيرو الاتفاق علشان صعب جدا نغير كل شويه علشان واحد او اتنين مجموعه كامله) و اكيد كلامي ده مع الاحترام للجميع و نفس الكلام يمشي عليا قبل اي حد بس علشان نتفق بقي و نستعد للقاء
معلش استحملوني شويه
====================
و بالنسبه للناس اللي بتهنيني بعيد ميلادي و كده عايز ارد عليكم واحد واحد بس هاستني شويه دلوقتي علشان الموضوع ميفتحش في 300 مشاركه و لسه متفقناش
الناس عزيمتها قلت ليه؟
فاضل 6 ايام علي الميعاد
شويه نشاط لو سمحتو
داندي داندي اوه اوه
فى البداية تحية كبيرة من القلب لامير على مجهوده وحبه لاعضاء نيسان وعلى اهتمامه وتطوعه بالسؤال عن الاماكن لاتمام المقابلة بنجاح..
بالنسبة الى النايل كريستال الاسعار فيها اعتقد انها غالية مع ان البرنامج فيها روعة ولو كنا عدد كبير كنا حنستفاد بالخصم بس للاسف اعتقد العدد مش حيزيد عن 30 واحد على ما اعتقد
ده غير ان الباركن فيها بعداد عمال يعد...
بالنسبة الى المرسى الخالد هو حلو وسعر الوجبة فيه مناسب بس للاسف مفيش شيشة فيها فحتكون القعدة مقيدة شوية..
فياريت لو حد كمان يتطوع بالنسبة لدندى مول ويسالنا على النظام هناك لان انا فى اسكندرية حاليا ومش جى الا يوم الاتنين باليل ولو كنت فى القاهرة كنت روحت وسالت ..ولو نزلت ولسة ماحدش سال حسالكم وانا راجع...
فعايزين حد يشوفلنا كافيه فى مشاريب وشيش وغدا فى نفس الوقتفى دندى ويقولنا على اسعاره
او نتفق نتغدى فى مطعم فى دندى بردوا فى المطاعم الكبيرة هناك وبعدها نكمل القعدة فى كافيه
ولا ايه رايكم بردوا
العفو و انا في خدمه الناس كلها و ربنا يقدرني و اقدر افيد الناس كلها
بس اللي مزعلني هو اني حاسس ان الموضوع نام خالص و محدش بقي مهتم
مع ان في الاول كانت الناس انشط بكتير من كده
اتمني المانع يكون خير
و اتمني الاقي استجابه اكتر من الاعضاء
ولا محدش عايز يجي بجد؟
تيجى بالسلامه يا استاذ احمد..
انا أحبذ زى مقولت داندى..كسهوله نوعا ما...
نبعد عن الزحمه ووسط البلد..ونلاقى ركنه للعربيات بعيدا عن اى قلق.
و كسهوله فى المشورا..يعنى انا شخصيا مش بعرف طرق القاهره الداخليه..
خليها سريع فى سريع..
يا ريت نشوف رأى باقى الناس..هى تفضل ايه..
و احنا تحت امر ااغلبيه..
هى بس مشكله داندى هتبقى مشوار كبير اوى يعنى لو الواحد صلى فى بيته واتحرك ومش اقل من ساعه الا ربع علشان يوصل وكمان كلها كافيهات يعنى مش هنقعد كلنا على تربيزه واحد تقريبا بالعدد ده
وبالنسبه للمركب ان شايفوا ظريف بس للاسف انا واحد من الناس اللى معرفش الطريق وتخيل الناس اللى جى من سفر هتعمل ايه
اهم حاجه انو يكون كافيه كبير علشان كلنا نقعد مع بعض
كنت بسأل لو داندي طيب هنقعد فين لان لازم نكون في دائرة
وليس كبل
ارجوا عمل المقابلة بسرعة نظر للاختلاف الاراء هيخلي الناس تتشتت
وشكرا
طيب شكرا علي احداثيات داندي مول
و انا جبت احداثيات مرسي النهر الخالد برضو
29°56'56.53"n 31°15'46.57"e
برجاء الناس تبدء تحدد المكان المناسب
و انا معنديش مشاكل خالص بالنسبه للمكان
بس نتجمع علي المكان الاول
و ياريت الناس اللي بترجح داندي يردو علي الاستفسارات بتاعت التكاليف و الاكل و القعده و هل هيساعنا المكان كترابيزات ولا هنقعد بعيد عن بعض
بصوا يا جماعة
بالنسبة الى المكان سواء كان فى المعادى او مدينة نصر او مصر الجديدة او الازهر بارك او الهرم او طريق اسماعيلية او طريق اسكندرية الصحراوى او او او
كل الاماكن دى وغيرها فى القاهرة انتم عارفين الوصول ليها حيكون مش اقل من بين ساعة الا ربع وساعة وكل مكان من دول فى القريب مننا وفيه البعيد عننا يعنى مفيش مكان قريب من الاخر
فالمهم ندور على مكان وكافيه كبير وواسع وفيه ركنة وفيه مشروبات وشيش وغدا وتكون اسعاره معقولة تناسب الجميع عشان نضمن ان العدد يجى كله ويكون كبير ويكون مكان سهل الوصل ليه حتى لو كان بعيد
بالنسبة للمعادى بلاش كافيهات جوة المعادى نفسها لان المعادى عاملة زى بيت جحا من جوة وفى ناس جية من محافظات فالو امكن فى المعادى يبقا على الكورنيش
وعندكم على الكورنيش مثلا جراند كافيه "ده مجرد راى" واسعاره مناسبة للجميع وفيه حد اقصى للمشروبات والاكل 25 جنية واللى عاوز يزود يزود براحته يعنى ممكن توصل الى مثلا 50 جنية والقعدة على النيل وفيه باركن قدامه بس عاوز حجز لو العدد كبير (جراند كافية ده عن سمع بردوا لانى مش روحته وسمعت عنه من ناس زميلى )
اما بقا داندى مول "وزى ما اتفقنا ان مفيش حاجة قريبة وكل الاماكن بعيدة" يعتبر انه مكان مناسب وان اى حد جى من مدينة نصر ,المعادى, اسماعيلية واسكندرية زراعى وصحراوى بيمشى دائرى عشان يوصل الى دندى مول وكلها سكك طويلة احسن من مشوار جوة البلد مثلا كان من التحرير للمهندسين
داندى قدامه باركنج كبيررررر جدا وفيه كارفور اذا حبينا نروح ونتفرج وناخد مشورة بعض فى منتجات السيارات اللى عندهم جوة بعد نهاية القعدة , وحتى لو حد جاب معاه اسرته عشان تتسوق هناك وهو قاعد معانا مش حيكون فى مشكلة
بس النقطة فى داندى مول محتاجين حد يطوع زى د. امير لما نزل راح سال على البواخر ,حد يروح يسال على الكافيهات اللى هناك خصوصا الكافيهات اللى بتقدم مشروبات مع غدا ويتفق معاها ويبلغهم ان فى عدد كبير يوم كذا جى ويشوفهم هل يقدروا يظبطوا القعدة جنب بعض ولالا ويتفق على كل حاجة ,
ولا ايه رايكم بردوا
السلام عليكم ....
يا جماعة انا شايف ان الهدف الاساسى من المقابلة هو اننا نشوف ونتعرف على بعض ... صح ولا انا غلطان؟؟
البواخر فكرة جميلة بس الوقت بتاعها قصير يدوب ساعتين مش هايكفى اننا نتكلم مع بعض ونتعرف على بعض وهو ده الهدف الاساسى من اللقاء وليس الاكل ...
انا رايى نشوف مكان فيه قعدة واسعة علشان نقعد مع بعض وفى نفس الوقت يكون فيه اكل وشرب واحتفال بعيد ميلاد المهندس امير ...
نقعد مع بعض مدة طويلة ...
علشان حتى اللى جاى من مسافة بعيدة زييى مثلا هاجى من حلوان ... او اللى جاى من سفر ... يلحق يقعد معاكو شوية ... ده رايى وفى انتظار رايكم برده ...
انا ان شاء الله هروح داندي النهارده واسأل على النظام هناك ايه
بس لو ملحقتش يبقى هروح يوم الاتنين عشان بكره مسافر شغل وراجع
وفعلا انا مش هاممني الاكل واللى هاممني اننا نتقابل ونقعد مع بعض
ويا دكتور امير احنا همتنا مقلتش ولا حاجه خالص لا بالعكس احنا كل يوم بنبقى سعداء بقرب يوم المقابله
الله يكرمك
الموضوع مفيهوش خلاف خالص و الله
الفكره اننا نتحد و نتجمع و نتفق علي المكان
التوقيت خلاص و اتفقنا عليه
الزمان اتفقنا عليه برضو
فاضل بس المكان و مين اللي ناوي ييجي
و يوم الجمعه مش بعيد
كتر الف خيرك و ياريت لو امكن حد يروح من قبل كده غيرك لو متاح علشان مش نتزنق في المعاد
و انا و الله ليا شرف مقابله كل واحد فيكو
ربنا ييسر الحال و إن شاء الله هحاول أروح داندى بكره و أسئل على الأماكن و الأسعار
بالنسبه لضيق الأماكن أو زي مالناس بتقول ان داندى كافيهات..وترابيزات..
دى محلوله..يعنى لو قولنا للناس اللى هناك..إعملوا قعده لمثلا عشرين فرد.(أتمنى نكون أكتر).أكيد مش حيقولنا لأ وامشوا من هنا:khd:
تانى حاجه...داندى بعيد على بعض الناس!!!!!!؟:120146b:120146b
طيب ده انا لو ليا نصيب أجى حكون جايلكم من المحله ان شاء الله.
و فكرتى ان جوه البلد متاهات..
فخلينا نتقابل بره احسن ...يعنى فى امناطق المفتوحه..
يعنى مش حنلاقى مكان يتوافر فيه ان تكون المسافه خمس دقايق من بيت كل واحد فينا.
انا عرفت الطريق من وصف أوكتو...
السكه سهله ان شاء الله..لانى حطلع الدائرى ومنه أمشى عليه لحد نزله المحور..و من نزلة المحور للصحراوى(هى مش نفس سكه مودرن موتورز ابو رواش؟؟؟؟)
و ان شاء الله يكون يوم حلو..
الموافق علي الكلام ده يأكد وجوده..
الجمعه القادم-الساعه2- داندى مول الصحراوى
و متهيألى معدش فيه حاجه رخيصه فى البلد..
واللى حتوفره هنا..حتدفعه في الباركينج للعربيه.و العكس صحيح
اخيرا حنشوف بعض يا رجالة ....موافق طبعا ....
وداندي مكان ظريف ومناسب للجميع وبالذات اللي جاي من المحافظات ومع وجود الدائري سهل الطريق على الجميع..
ونشوفكم على خير يوم الجمعة ان شاء الله
انت لما بتنزل الصحراوى وبتدخل بعد البنزينة (بنزينة امارات مصر) يمين لمودرن موتورز قصاد البنزينة على شمالك فى اول شارع مودرن هوة دة داندى مولاقتباس:
هى مش نفس سكه مودرن موتورز ابو رواش؟؟؟؟
انا بجد اسف لانى كنت منقطع بقالى يومين بس كان عندى ظروف وان شاء الله اكون فى المعاد والمكان الى تتفقوا علية ...
ان شاء اللهاقتباس:
و ان شاء الله يكون يوم حلو..
الموافق علي الكلام ده يأكد وجوده..
الجمعه القادم-الساعه2- داندى مول الصحراوى
ازيكم يا رجالة النيسان , ان شاء الله هكون موجود معاكم رغم انى دخيل عليكم
لانى عاوز اشوفكم كلكم و بالاخص الاستاذ احمد عبد الفتاح ذو الكرم والاخلاق
و باذن الله الساعة 2 فى داندى مول
بس داندى مول ده اروحه ازاى من الجيزة او البحر الاعظم :shyy: