محتااااااااااااار ..... Punto ولا logan !!!؟؟؟؟؟

**MagedFahmy2010** · 20-04-2010 11:04 PM

يا جماعة انا محتار جدا جدا جدا .........
قرار شرا عربية زي مانتو عارفين مش سهل . من الاخر انا كنت ناوي اشتري الرينو لوجان مع اني مابحبش شكلها لكن امكانيتها خلتني مابصش عالشكل .

انا سمعت واتاكدت من توكيل اوماترا ان البونتو كلاسيك نزلت ل 70 الف وبصراحة انا بحب شكلها اكتر من اللوجان رغم ان امكانيات اللوجان احسن كتييييييييييييييييييييييي ييير من البونتو لو قارنا بين الاتنين من حيث قوة الموتور و الكامليات و الشنطة .

اما بالنسة للبونتو فزي مانتو عافين تقفيل ايطالي والمفروض انة احسن من المغربي بالاضافة الي ان صاج البونتو اقوي من اللوجان و في راي ان مستوي الدهان هيكون لصالح البونتو .

اما بالنسبة للتوكيل و خدمة ما بعد البيع فانا مش سامع عن الاتنين خير خالص .

ارجو من اهل الخبرة مساعدتي في الاختيار

تم نقله للمقارنات بواسطتي
200410
10:17pm
مشرف فيات ١٨ب

**yoko** · 20-04-2010 11:09 PM

يا باشا إنت نسيت أهم حاجة الإيرباج والabs والebd وال٥ من ٥ في إختبار السلامه لكن ميزو اللوجان الشنطة وميزة البونتو كل الي حضرتك قلته + الأمان + الإستهلاك
وإيه فرق الكماليات بين اللوجان والبونتو؟

**MagedFahmy2010** · 20-04-2010 11:28 PM

مفيش abs ولا ebd في الاتنين الحاجات دي موجدوة في ال grand punto ومش موجودة في الكلاسيك ومن ناحية الامان فالاتنين واخدين 3 علي 5 والاتنين بيوفروا بنزين

**yoko** · 20-04-2010 11:36 PM

المشاركة الأصلية كتبت بواسطة MagedFahmy2010

مفيش abs ولا ebd في الاتنين الحاجات دي موجدوة في ال grand punto ومش موجودة في الكلاسيك ومن ناحية الامان فالاتنين واخدين 3 علي 5 والاتنين بيوفروا بنزين

مين قال لحضرتك كده البونتو فيها abs ومتقارنش موتور ١٣٠٠ ب١٦٠٠ في الإستهلاك مهما حصل بالذات إن فيات معروفة بقلة الإستهلاك
وأسف فعلا بس البونتو الكلاسيك ٤ من ٥
Euro NCAP - For safer cars | Fiat Punto
و٢٧ نقطة ١١ أمامي و١٦ جانبي

لكن الللوجان ٣ من ٥
Euro NCAP - For safer cars | Dacia Logan
و١٩ نقطة بس ٨ أمامي و١١ جانبي

**romeo_6887** · 20-04-2010 11:52 PM

اللوجان تكسب علي الاقل عشان التوكيل

**MagedFahmy2010** · 20-04-2010 11:52 PM

يا باشا انا سالت في التوكيل . الجراند بونتو بس اللي فيها abs .
و بالنسبة لاستهلاك البنزين فمعروف ان اللوجان استهلاك جيد جدا مقارنا بقوة المتور .

**yoko** · 21-04-2010 12:05 AM

المشاركة الأصلية كتبت بواسطة romeo_6887

اللوجان تكسب علي الاقل عشان التوكيل

توكيل فيات مش سئ للدرجة دي وللأسف رينو الضغط عليه بقى كبير وإبتدى مستواه يقل

المشاركة الأصلية كتبت بواسطة magedfahmy2010

يا باشا انا سالت في التوكيل . الجراند بونتو بس اللي فيها abs .
و بالنسبة لاستهلاك البنزين فمعروف ان اللوجان استهلاك جيد جدا مقارنا بقوة المتور .

شكرا على التصحيح لكن هيفضل موتور البونتو أوفر في البنزين مفيهاش نقاش ولعلم حضرتك أنا اللينيا ال١٤٠٠ التربو الي المفروض إستهلاكها أعلى من البونتو على سرعة ١٣٠ الصفيحة بتعمل ٣٧٠ كم!!!

**MagedFahmy2010** · 21-04-2010 12:37 AM

المشاركة الأصلية كتبت بواسطة yoko

توكيل فيات مش سئ للدرجة دي وللأسف رينو الضغط عليه بقى كبير وإبتدى مستواه يقل

شكرا على التصحيح لكن هيفضل موتور البونتو أوفر في البنزين مفيهاش نقاش ولعلم حضرتك أنا اللينيا ال1400 التربو الي المفروض إستهلاكها أعلى من البونتو على سرعة 130 الصفيحة بتعمل 370 كم!!!

يا باشا انا معاك ان البونتو اكيد هتوفر بنزين اكتر من اللوجان بس مش هيا ديه الميزة الفظيعة اللي هتخليني اشتري عربية ب 70 الف جنيه خصوصا لما يككون موتورها 60 حصان !!!!!!! يعني موتور ضعيف جدا .

بصراحة انا شايف ان توكيل اوماترا بيستعبطوا اوي . 70 الف في عربية 1300 و 60 حصان و من غير لا انذار و لا كاسيت و لا مرايات كهربة و لا زجاج كهربي خلفي في الوقت اللي اللوجان فيها كل الكماليات ديه و ارخص في السعر !!!!

**yoko** · 21-04-2010 12:50 AM

المشاركة الأصلية كتبت بواسطة MagedFahmy2010

يا باشا انا معاك ان البونتو اكيد هتوفر بنزين اكتر من اللوجان بس مش هيا ديه الميزة الفظيعة اللي هتخليني اشتري عربية ب 70 الف جنيه خصوصا لما يككون موتورها 60 حصان !!!!!!! يعني موتور ضعيف جدا .

بصراحة انا شايف ان توكيل اوماترا بيستعبطوا اوي . 70 الف في عربية 1300 و 60 حصان و من غير لا انذار و لا كاسيت و لا مرايات كهربة و لا زجاج كهربي خلفي في الوقت اللي اللوجان فيها كل الكماليات ديه و ارخص في السعر !!!!

الي بتقول عليها ضعيفة دي أكال مني غرزه على ١٧٠ على الدائري!!!!!!!!!!
وأنا الي كنت على ١٧٠ مش هو

وسعر اللوجان كده عشان تقفيل مغربي بس أنا مبحبهاش بصراحة