الموضوع: حرام عليك يا اخي

المشاركة الأصلية كتبت بواسطة ringoo

انت لسة شوفتى حاجة دة انا كدة بحكى على السريع بس ان شاء الله فى حاجات كتيير حتتعالج كويس


الله يسلمك يا باشا وربنا يبعد عننا شر الطريق ويحفظنا جميعا منه
انا شايفك بتتكلم عن الفوطة المنيلة اللى البواب بيمسح بيها العربيات الصبح دى .. خد عندك بقى
انا عندى المدام بتاعت البواب هى اللى بتمسح العربية الصبح بنفس الفوطة الجميلة اللى انت بتحكى عليها .. المهم الاسبوع اللى فات نزلت بدرى شوية وركبت العربية وهى راحت جاية على العربية علشان تمسحها
انا بقى راكب جوة العربية وسامع صوت خييييك خيييك .. خيييك خييك ..... قولت ايه دة يا خويا هى الست دى بتمسح العربية بمبرد ولا ايه
نزلت اشوف ايه الصوت دة ... لاقيت الهانم لابسة الغوايش كلها وشغالة دعك بيهم فى العربية .. انا شوفت المنظر وكان هاين عليا اعيط من كتر الغباء اللى بشوفه من كل ناحية
قولى بقى انا انتحر ولا اعمل ايه .. ولا اسافر غينيا واعيش هناك فى الغابات مع القرود ...اعتقد هناك مفيش قرد حيخربشلى العربية او لو خربشها يبقى فيه سبب مقنع انها اتخربشت ماهو قرد بقى

اوووووووووووووووووووووووو ووف غوايش بس على فكرة كدة انت عربيتك بقت متجرحة على الغالي ده لما لقيت البواب بيمسح عربية جاري بفوطة و اكتشفت ان فيها زرار زعقتلوا زعيق السنين و قلتلوا الفوطة دي ميتمسحش بيها اي عربية تانية و جيبتلو فوطة صفراء لعربيتي و عربية الوالد لكن على مين مسح بيه يومين و رجع تاني لفوطه الرائعة اللي هوا نفسو بيبقى قرفان منها و بيمسكها بكيس و مش عارف مصير الفوطة الصفراء بتاعتنا ايه بصراحة بس بجد ايه مستوى الذكاء المرتفع ده لأ و يا سلام لما يحب يكرمني و يقوم منظفلي المرايات و تفضل المرايا متشفوش فيها حاجة طبيعية و كل اللي بتشوفو منها خيالات بسبب اللحوسة اللي هوا عملها و يرفعلك المساحة و يسيبلك العربية و المساحة تنط عليها قطة و لا اي بتاع و يكسرها (زي ما حصل في الفورد قبل كدة)

و لو نويت تسافر غينيا اعمل حسابي معاك =)

انا لو مسكت واحد بيعمل في عربيتي كده هيحتاج عملية لاعادة تركيب عضم صوابعه على بعضيهم