الموضوع: طريقة حل مشكلة التزييق والطقطقه في الجهه اليمني او اليسري جين2,بيرسونا

السلام عليكم ورحمة الله وبركاته

انا عنيت من الموضوع ده كتير واشتكيت للأخوه هنا في الموقع كتير ورحت كذا صيانه
وقولتلهم علي الموضوع ده بس كان عندي يمين في الخلف وكمان كان مع صوت الطقه صوت تزييق
لدرجة اني حسيت اني في حاجه ضعيفه مساعد , ياي , وكانت بتظهر لما اركب حد في الخلف مهما كان وزنه خفيف وسط تقيل مش شرط ,
لغاية لما جه يوم فكيت العجل الخلفي كالعاده علشان افك التيل وانظفه اصل انا متعود اعمل صيانه للتيل والكلابر وكدا يعني ولما فكيت العجله اللي ناحيتها المشكله قولت يمكن يكون تراب متراكم ,
رحت جايب جردل ميه وسفنجه وصابون ومسكت المساعد بالياي بالمقص والمناولات غسلتهم وسيبت الصابون شويه وبعدين روحت جايب جركن صغير وماليته ميه وشطفت الصابون ونشفت كويس مكان الميه ورحت جايب w40 ورشيت علي الجلب كلها. وركبت الفرده وقولت ياله بقي انا وحظي ماهي كده كده مش عايزه تتحل , وبعدين كان عندي سفريه اسماعليه والطريق في الأول كان فيه شويت مطبات هاوه قويه جدا وكنت مركب تلاته في الخلف اوزان جامده
وكمان كان فيه واحد جنبي وطنطط يامعلم علي المطبات زي مانت عايز الحمدلله بفضل ربنا ولا فيه صوت طقه ولا حاجه , بيني وبينك استغربت ان شوية اتربه تعمل كده ورحت غسلتها قبل كده في المحطه موبيل كذا مره ومكانتش بتروح برده بس الحمدلله , جرب وإن شاء الله هتروح .....

اسف علي الأطاله بس يارب اكون افدت حضرتك ............................................
[/QUOTE]

%ارجو من الأداره نقل الموضوع للأفاده للأخوه%

المشاركة الأصلية كتبت بواسطة Ayman_52

الف شكر يامعلــم ... ويارت باردوا تكتب تجربتك فى التوبيك هنا لانه مجمع لحلول مشاكل اخرى كمــان

- -

وربنــا يباركلك فى جينــا يارب ويحفظهالك ويكفيك شر الطريق

تحيــــــــــــاتــى

السلام عليكم ورحمة الله وبركاته

انا كتبت التجربه في التوبيك تاني اللي انتا قولتلي عليه للأفاده ومتشكر قوي علي كل حاجه
وبجد توبيك جميل جدا ربنا يجزيك عنا كل خير يا أيموووووووووووون .....