تسعير أكسنت 2006

**m2karam** · 22-01-2008 06:52 PM

السلام عليكم
أنا في حيرة شديدة و أرجو المساعدة، قدامي أكسنت 2006

فابريقة برة و جوة (مفيهاش خربوش!)
عاملة 26000 كيلو
1300 سي سي، تكييف

و صاحبها ثقة و معرفة و واخد بالو من العربية بزيادة و أول يد
يا ترى تساوي كام؟
هو طالب 53000
و لو الرقم ده، يبقى ده إختيار كويس؟؟ علما بأني عايز عربية عائلية يعتمد عليها على طرق سريعة، صيانة سهلة و قليلة، سعر إعادة بيع بخسارة قليلة و يكون فيها تكييف. لا شد و لا منظر و لا صاج.
شكرا جزيلا :)

**volcano12** · 23-01-2008 12:34 AM

http://www.car100100.com/car_details.php?car=2996
http://www.car100100.com/car_details.php?car=2650

بص على العربيتين دول حتلئي سعرهم ٦٢٠٠٠ تأريباً ... يبئى العربية ديه ممكن تفاصل فيها كمان شوية

عموما أن رأيي سيبك من إلاكسنت خالص وفكر فال لانوس أهي باور وتكييف و-١٥٠٠ مش ١٣٠٠ كمان.... بس دور على وحدة حلوة كدا بردو وربنا معك إن شاء الله

**Hossam.Hamdy** · 23-01-2008 06:39 AM

blash dh 3sha el ta2feel bta3ha ta3ban 2awy ana rkebtha w so2thaa

**zozza** · 23-01-2008 02:35 PM

انا بعت عربيتي اكسنت 2006 عامله 30000 و ماكانش فيها خربوش و كنت عامل صيانتها فب التوكيل ... بعتها ب 50000 من شهرين

**m2karam** · 24-01-2008 02:07 PM

الف شكر يا جماعة على الردود المفيدة
بصراحة أنا ركبت دايو لانوس و نوبيرا و هيونداي فيرنا و إلانترا، لسبب ما باحترم الهيونداي مقارنة ببقية الكوري في مصر أخذا بالإعتبار التوكيل، قطع الغيار و سعر إعادة بيع. السي سي و الباور مش فارق معايا قوي. إيه ممكن تاني غير لانوس؟

أ/zozza إيه أخبار تقفيل العربية و أداءها معاك؟ لإني فعلا سمعت إن الموديل ده بالذات كان فيه تقصير بس محدش حدد السبب.

**3mr Farrag** · 24-01-2008 08:30 PM

رايي هات لانوس ذي ما قال الاخوه...
انا معايا اكسنت 2006 ...
و مش هقدر اقولك العيوب اللي فيها و الحاجات البتغظني منها
لأني هاكتب علي الاقل صفحه:)

**coool911** · 28-01-2008 01:15 AM

بص أنا عندى دايو لانوس وعمى عنده هيونداى اكسنت 2002 ,أنا مش هقولك الفرق فى الموتور ولا العفشه لأنى مش هفيدك (مش لأن واحده أحسن من التانيه أنا لسه شارى الللانوس ومسوقتش الهيونداى كتير).
الفرق إن الأكسنت (الشكل القديم) ضيقه من ناحية السواق,يعنى مثلا عشان ابقى على مسافه معقوله من الدركسيون ومراية الصالون(المرايه ألى بين الكرسين الى بشوف بيها الى ورايا ) بلاقى نفسى بعيد عن الدوسات مع العلم إن طولى 174سم يعنى مش قصير,, وعشان ابقى معقول من ناحية الدوسات ألاقى نفسى وشى فى المرايا تقريباوشويه وهخبط فى الدركسيون.
الكلام ده فى اللنوس مش موجود
وإن كان الكلام ده هتتعود عليه بالوقت
الأتنين الرؤيه الخلفيه بتاعتهم وحشة لأن عالين من ورا الزجاج الخلفى صغير.
وبعدين لو رسيت على الهيونداى اكسنت أشتريها على الزيرو احسن, فيها معارض لسه باقى عندها هيونداى اكسنت الشكل القديم موديل 2006 وده كان أخر موديل نزلت بيه وأنا لسه سأل وعرفت إن سعرها 58000 بس انا فضلت الللانوس

**mohamed ibiza** · 28-01-2008 01:52 AM

3eeb al accent al rheeeeeeeeeeeb stability w msh btt7ml w saloon plastic sa7bi rakbha al tabloh atsh2 mn al nos msh btt7ml al shms nsi7a al lanos a7sn kter 3la al a2l law fadia tdmn al stability bta3ha l7d 150 lw mliana l7d 195 dh a5rha al suspension bta3ha astra 92 a7sn 7aga feha al motor 1500 86 hp korean bs m32ol a7sn mn accent

IBIIIIIIIIIIIIIIIIIIIIIIIIIIIIIIIIIIIIIIIIIIIIIIII IIIIIIIIIIIZZZZZZZZZZZZZZZZZZZZZZZZZZZZZZZZZAAAAAA AAAAAAAAAA FOR EVER