محتار بين الكيا نيو سيراتو والمازدا 3 واللانسر شارك

[overline]قدر الله وما شاء فعل .. بعد ما عملت حادث بعربيتي الكورولا فكرت اشتري كورولا تاني لان بصراحة العربية دي خرافة فوق الوصف لكن زوجتي اتعقدت من العربية ومصرة نغير النوع .. الحمد لله على كل شيء.
أنا منتظر من حضراتكو المشورة في الإختيار بين النيو سيراتو والمازدا 3 واللانسر شارك أعلى فئة فيهم كلهم, ياريت ماتبخلوش عليا في نصايحكو بموضوعية ودون تحيز لأصحاب أي من السيارات التلاتة زي ما انا طول عمري كنت بشجع الناس تجيب كورولا لوجه الله وللأمانة ولازلت لأنها فعلا مافيش زيها.
أنا مش مهم قوي عندي حجم الكنبة الخلفية لكن مهم عندي التسارع والثبات وقطع الغيار وسعر إعادة البيع ياريت تقولولي أي واحدة فيم أقرب للمواصفات الي انا عايزها.
منتظر ردود حضراتكو بفارغ الصبر مع الذكر السبب ياريت بلاش نكتب طبعا شارك على سبيل المثال بدون ذكر السبب
ملاحظة: العربيات كلها موديل 2010 أعلى فئة موجودة
وتقبلوا خالص تحياتي[/overline]

عايز الحق بعد الكورولا مش هتعرف تركب حاجة من التلاتة دول ولو ان الشارك افضلهم

انا قصدي السيراتو الأخيرة الشكل الجديد 2010

طب اعمل ايه تنصحني اجيب اي ؟

السلام عليكم ورحمة الله وبركاته

ماذا 3 طبعا ياباشا وبدون تحيز انا لا امتلك هذه السياره بس السياره دي فوق الوصف
وانا في رأي ولا لانسر ولا سيراتو حتي لما توصل ل 2020 حتي مافيش مقارنه ياباشا

:36_1_35[2]::36_1_35[2]::36_1_35[2]::36_1_35[2]::36_1_35[2]::36_1_35[2]::36_1_35[2]::36_1_35[2]:

اخى العزيز

حسب الاسعار من موقع كونتكت

السيراتو الهاى لاين

ب 126 الف

المازدا 3 الجديدة الهاى لاين حسب الشباب فى قسم مازدا

ب 160 ل 170 الف

الشارك الهاى لاين

ب 142 الف موديل 2009 حسب كلام المهندس طارق واكيد فيه 2010 خليجى وهتلاقيه فى الحدود ده

طبعا انت اهم حاجة عندك الثبات وسعر اعادة البيع

اظن الثبات كويس فى ال 3 عربيات

واظن ان الشارك والسيراتو فى نقطه اعادة البيع احسن من المازدا 3

لكن كجوده وقيمة المازدا تتفوق

الفروق بيت التلات عربيات فى السعر كبيره واكيد ميزانيتك هى اللى تحدد فى الاخر

توكيل كيا سيراتو يعتبر الافضل حتى الان

توكيل مازدا غبور ولسه هيفتح

توكيل مستوبيشى هيتسحب منه ومن المتوقع مشاكل مستقبليه

الحقيقة انا لو مكانك

هختار الشارك الفول اوبشن سبورت لعده اسباب

يابانى وثقتى فيها اعلى من السيراتو
عربيه اتجربت ومطلعش فيها مشاكل
شكلها شبابى وظريف
الانتيريور بتاعها شيك وظريف
ممكن عمل الصيانة خارج التوكيل


طبعا المازدا غاليه بس تعتبر احسن من الشارك

استخير واتفرج على كل عربيه واقعد فى كل واحدة وانت اكيد اللى هتقرر فى الاخر

وبص بصه على الرينو فلونس ( بس الله اعلم بسعر اعادة البيع وفى الغالب هتبقى زى الميجان)

وشوف ال بيجو 308

بس بس حدد الميزانيه وهتلاقى الاختيارات انحصرت

ليه المازدا 3 تزيد على الإتنين التانيين في ايه ؟

استاذ محمد حضرتك شكرا على ردك المفصل. بس الحقيقة انا دياما بحب اتعامل مع التوكيل وحضرتك بتكول الشارك في مشاكل في التوكيل, والمشكلة في المازدا 3 انها محدش جربها كتير ومعرفناش عيوبها بعد مسافات طويلة, السيراتو انا شايف الكل متفق انها ممتازة بس هل فعلا عمرها الإفتراضي قليل لأني مش ناوي أغير غير بعد 5 سنين انشاء الله

طبعا هنطلع المازدا من المقارنه لان ملهاش توكيل في مصر تقريبا او ليها توكيل مركز بس في الهيونداي فبلاش منها عشان هتغلب في موضوع قطع الغيار بعدين و كمان سعرها واقع في اعاده البيع

و برضه هنطلع الشارك من المقارنه لان توكيلها مش تمام و كمان مفيش منها 2010 و برضه سعرها واقع في اعاده البيع

فالسيراتو هي الاختيار الافضل كسياره و توكيل و كل حاجه

طيب
أولا ربنا يعوض عليك فى الكرولا ولاونها متأخره
فى نقطه أنت غافلها
الشارك مفيش منها 2010 أساساً أخر حاجه 2009 مش عارف ماشيه معاك ولا لأ
ثانيا فرق السعر بين التلت عربيات رهيب فى أعلى فئه والكماليات فى صالح السيراتو
سعر أعاده البيع بردو فى صاله السيراتو الى أكيد أكيد أكيد هتعرف تعد معاك 5 سنين دى مش عربيه لعبه يعنى :)))
بص أنا لو منك هفكر فى السيراتو أو المازدا
فكك من الشارك علشان توكيلها ربنا أعلم بمصيره...مفيش 2010...ملاكها برا المنتدى بيقولو متورها مش قد كده
المازدا أفضل من السيراتو لكن أغلى التنين وأقل فى الكماليات وتوكيلها مش بقوه كيا وسعر أعاده البيع بتعها ميحصلش كيا
لكن الامر راجع ليك
فكر سيراتو ولا مازدا
وربنا معاك

اقتباس:

---

المشاركة الأصلية كتبت بواسطة romeo_6887

طبعا هنطلع المازدا من المقارنه لان ملهاش توكيل في مصر تقريبا او ليها توكيل مركز بس في الهيونداي فبلاش منها عشان هتغلب في موضوع قطع الغيار بعدين و كمان سعرها واقع في اعاده البيع

و برضه هنطلع الشارك من المقارنه لان توكيلها مش تمام و كمان مفيش منها 2010 و برضه سعرها واقع في اعاده البيع

فالسيراتو هي الاختيار الافضل كسياره و توكيل و كل حاجه

---

انا بقول كده بس انا خايف من موضوع الثبات والتسارع لان في ناس قالولي الثبات بتاع السيراتو بعد ال140 مش مضمون والتسارع كمان ان العربية اتقل من الالنترا وبالتالي تسارع اقل منها لانهم نفس الموتور تقريبا هل ده صحيح ؟

اقتباس:

---

المشاركة الأصلية كتبت بواسطة normal

طيب
أولا ربنا يعوض عليك فى الكرولا ولاونها متأخره
فى نقطه أنت غافلها
الشارك مفيش منها 2010 أساساً أخر حاجه 2009 مش عارف ماشيه معاك ولا لأ
ثانيا فرق السعر بين التلت عربيات رهيب فى أعلى فئه والكماليات فى صالح السيراتو
سعر أعاده البيع بردو فى صاله السيراتو الى أكيد أكيد أكيد هتعرف تعد معاك 5 سنين دى مش عربيه لعبه يعنى :)))
بص أنا لو منك هفكر فى السيراتو أو المازدا
فكك من الشارك علشان توكيلها ربنا أعلم بمصيره...مفيش 2010...ملاكها برا المنتدى بيقولو متورها مش قد كده
المازدا أفضل من السيراتو لكن أغلى التنين وأقل فى الكماليات وتوكيلها مش بقوه كيا وسعر أعاده البيع بتعها ميحصلش كيا
لكن الامر راجع ليك
فكر سيراتو ولا مازدا
وربنا معاك

---

كلام منطقي واضح ان السيراتو فعا زي ما قالولي ماشاء الله ممتازة بس ياريت من تجربتك بأمانة تقولي اخبار التسارع والثبات فيها

بص هي المازدا3 أفضل من الأتنين دول بكتير مع تحفظي على الشكل الجديد لأنه مش عاجبني وكمان كتير عليه سعره .. يعني رأيي لو لقيت الشكل القديم يبقى تمام .. لو ملقيتش ممكن أقترح عليه أقتراح غير التلاتة...وهو الليون 2010 اوتوماتيك dsg عربية ممتازة ولو كان فيه منها أوتوماتيك ساعة ما جبت المازدا كنت جبتها بدون تردد ..وربنا يوفقك للصالح

اقتباس:

---

المشاركة الأصلية كتبت بواسطة delpo

كلام منطقي واضح ان السيراتو فعا زي ما قالولي ماشاء الله ممتازة بس ياريت من تجربتك بأمانة تقولي اخبار التسارع والثبات فيها

---

لو ممكن تقرأ الموضوع دة لو انت ناوى على السيراتو
http://www.nilemotors.net/Nile/109619-a.html

السلام عليكم بص يا عم انا معايا كيا سيراتو 2010 العربيه دى اكتر من ممتازه متورها قوى جدا واقوى من المازدا وتحدى وهى سعرها دلوقتى اللى فيها فتحه سقف وجنوط 17 عامله 103 فى راى هى افضل بكتير من المازدا 3 وفرق السعر عشان المازدا يبانى مش اكتر اما بالنسبه للشارك مقدرش افيدك بس هى مشمنتشره اوى زى السيراتو ومعرفش ايه اخبار قطع الغيار ولو عايز حاجه غاليه شوف الكيا كوبيه دى ملهاش حل وسيبك من البيجو عشان قطع غياره مولعه

طالما انت هاتنزل من كورولا مانصحكش باى واحدة من التلاتة
رايى سكودا اوكتافيا ولو الميزانية ماتسمحش هاتها كسر زيرو

من رأيي العودة للكرولا مرة أخري بسبب ما هو متوقع من عدم تقبلك لأي ماركة تاني بالذات بعد ما كنت مقتنع بالكرولا

اقتباس:

---

المشاركة الأصلية كتبت بواسطة delpo

كلام منطقي واضح ان السيراتو فعا زي ما قالولي ماشاء الله ممتازة بس ياريت من تجربتك بأمانة تقولي اخبار التسارع والثبات فيها

---

بص بخصوص التسارع العربيه تسارعها جامد جدا جدا خصوصا لو فتحت المتور صح
الفتيس سريع الاستجابه والتسارع تقريبا على كل السرعات ممتاز
بخصوص الثبات أنا معظم مشيى مدن أقصى سرعه أجبها جوه المدينه بتاع 100 وطبعا ثبات خرافى
فرصه الجرى الوحيده على مصر السويس تقريبا أعلى سرعه جبتها فى يوم غبى كانت 150 وحصلى موقف حكيته قبل كده ولا داعى للتكرار مفاده أن العربيه دى عليها فرامل وثبات ساعه الفرامل تحسد عليهم والحمد لله هى كانت سبب بعد الله سبحانه وتعالى أنى عايش
فهى ثبات ممتاز حتى ال150 بعد كده أنا مجربتش غير مره واحده ساعه التفتيح بس كنت فى خط مستقيم فطبعا لا حكم على الثبات فى موقف زى دا
بص أنا حاسس بيك وبالحيره لأنى عيشتها
مش عايز أقولك متعتمدش علينا أوى علشان مقللش من عمالقه فى المنتدى
لكن لو 10 كلموك ساعات منهم 6 متحيزين أو مرددين أو مش فاهمين أو حاقدين أى حاجه فيها ييين :))
أهم حاجه لو بتفكر فى 4 عربيات مثلا تنزل تتفرج وتركب الاربعه وتستخير ربنا وتتوكل عليه
بخصوص العضو الى بينصحك بموضوع أحذروا النيو سيراتو من مشاركاته نعرف أنه جديد ونعذر عدم معرفته بالواقعه
فى أكتر من 50 عضو مالك للنيو سيراتو فى قسم كيا تقدر تدخل وتستفسر عن أى شىء أنتعايز تعرفه عن العربيه
الاعضاء هناك كلهم بلا أستثناء معاونين جدا جدا
كذلك فى مازدا تقدر تستفسر منهم
طويلت عليك المهم ربنا معاك ويهديك للى فيه الخير

طبعاً العبد لله شهادته هتبقى مجروحه لو اتكلمت و قلت رأي... بس أنا هقول و رزقي على الله

مبدئيا احنا لازم نحط في الحسبان انك كنت راكب كورولا...

أولا: مش هتحس بأي فرق بين موتور الكورولا, و موتور السيراتو, لأنه بجد قوي جداا
و الجير بوكس ناعم و سحبه ممتاز, و الموتور لما بيتفتح زي ما قال نورمال بيبقى رائع

ثانيا: هتحس بفرق (ملحوظ) جوه العربيه, يعني في فرق بين خامات الكورولا, و خامات السيراتو
لصالح الكورولا بكل أمانه.... و بردو انت اللي تجرب و تحكم...

ثالثا: هتحس بفرق (ملحوظ) في النعومه في العربيه, و الراحه في القياده لصالح الكورولا

رابعا: هتلاقي كماليات السيراتو اكتر من الكورولا, ده لصالح السيراتو

خامسا: الثبات... الاثنين من الاخر كده مش عاجبني ثباتهم بكل صراحه و لو ان الكورولا اثبت
من السيراتو شويه, لكن بردو الاثنين عندي واحد... و انا قلت الموضوع ده قبل كده و لخصته في...

(( نظام تعليق خلفي تورشن بيم + عربيه سيدان + مافيش esp )) ماتلزمنيييش حتى لو ألماني...

يعني و باختصار تام, انت اللي تحدد الفروق دي لصالح و ضد كل عربيه هتفرق معاك ولا لأ
و عليه هتقدر تحدد انت عايز ايه و ايه اللي يناسبك منهم...

مش هتكلم عن المازدا بالتفصيل لأن معلوماتي عن الشكل الجديد مش كتير (عمليا) لكن نظريا شغال
و بردو كأداء, و جوده (نظريا) المازدا 3 هي الأقرب للكورولا, يعني مش هتحس بفرق

اللانسر الشارك في رأي ممتازه, لكن يعيبها موتورها الضعيف في السحب و التجميع...
لكن شكل داخلي, و شياكه, هي عاجباني و جميله جداا, و ثباتها ممتاز...
بس الموتور فعلا ضعيف و ده رأي فيها و تحفظي الوحيد عليها...

بس بردو ده مش معناه ان المازدا او الشارك هما او احدهما هي الاختيار الأنسب...
اركب السيراتو, و اركب المازدا و اوكب الشارك و قرر

و بالمناسبه السعيده دي... احب اقولك ان أنا صاحب موضوع (للأسف... احذروا من النيوسيراتو)
و انا اللي عملت الحادثه و اتقلبت, لو ماتعرفش الموضوع يعني يا باشا...

أنا قلت اللي في ضميري و رأي بكل صراحه و رزقي على الله... و ربنا يوفقك للخير

اقتباس:

---

المشاركة الأصلية كتبت بواسطة ghazy12

طبعاً العبد لله شهادته هتبقى مجروحه لو اتكلمت و قلت رأي... بس أنا هقول و رزقي على الله

مبدئيا احنا لازم نحط في الحسبان انك كنت راكب كورولا...

أولا: مش هتحس بأي فرق بين موتور ا
لكورولا, و موتور السيراتو, لأنه بجد قوي جداا
و الجير بوكس ناعم و سحبه ممتاز, و الموتور لما بيتفتح زي ما قال نورمال بيبقى رائع

ثانيا: هتحس بفرق (ملحوظ) جوه العربيه, يعني في فرق بين خامات الكورولا, و خامات السيراتو
لصالح الكورولا بكل أمانه.... و بردو انت اللي تجرب و تحكم...

ثالثا: هتحس بفرق (ملحوظ) في النعومه في العربيه, و الراحه في القياده لصالح الكورولا

رابعا: هتلاقي كماليات السيراتو اكتر من الكورولا, ده لصالح السيراتو

خامسا: الثبات... الاثنين من الاخر كده مش عاجبني ثباتهم بكل صراحه و لو ان الكورولا اثبت
من السيراتو شويه, لكن بردو الاثنين عندي واحد... و انا قلت الموضوع ده قبل كده و لخصته في...

(( نظام تعليق خلفي تورشن بيم + عربيه سيدان + مافيش esp )) ماتلزمنيييش حتى لو ألماني...

يعني و باختصار تام, انت اللي تحدد الفروق دي لصالح و ضد كل عربيه هتفرق معاك ولا لأ
و عليه هتقدر تحدد انت عايز ايه و ايه اللي يناسبك منهم...

مش هتكلم عن المازدا بالتفصيل لأن معلوماتي عن الشكل الجديد مش كتير (عمليا) لكن نظريا شغال
و بردو كأداء, و جوده (نظريا) المازدا 3 هي الأقرب للكورولا, يعني مش هتحس بفرق

اللانسر الشارك في رأي ممتازه, لكن يعيبها موتورها الضعيف في السحب و التجميع...
لكن شكل داخلي, و شياكه, هي عاجباني و جميله جداا, و ثباتها ممتاز...
بس الموتور فعلا ضعيف و ده رأي فيها و تحفظي الوحيد عليها...

بس بردو ده مش معناه ان المازدا او الشارك هما او احدهما هي الاختيار الأنسب...
اركب السيراتو, و اركب المازدا و اوكب الشارك و قرر

و بالمناسبه السعيده دي... احب اقولك ان أنا صاحب موضوع (للأسف... احذروا من النيوسيراتو)
و انا اللي عملت الحادثه و اتقلبت, لو ماتعرفش الموضوع يعني يا باشا...

أنا قلت اللي في ضميري و رأي بكل صراحه و رزقي على الله... و ربنا يوفقك للخير

---

يا سلااام

و الله أنا كنت باكتب المعنى ده

لأنك طالع من كورولا ...يبقى المازدا أوقع