خللوا بالكم من ولادكم

**Terrible_DaRsH** · 21-04-2010 01:49 PM

المشاركة الأصلية كتبت بواسطة بحري

وده سبب آخر من أسباب إغراء مافيا الاتجار...كلما ازداد الانهيار الأخلاقي في مجتمع من المجتمعات كلما كانت الفرصة أكبر لراغبي هذا النوع من الاتجار

مش عارف دول مافيا و لا لا , بس متفق معاك انها انحطاط اخلاقى .

البنت جت علشان تدخل ابنها الملجأ الخاص بالمسجد بس رفضوا لان والده عايش بس فى السجن .

هى اتزوجت من ورا اهلها و غصب عنهم و لما لقت رفض من دخول الطفل الملجأ راحت رامياه فى المسجد و هربت .

الواحد ماكنش متصور ان شغل الافلام ده هيحصل و يكون حقيقة و يحصل باستمرار !

**Drift_Lover** · 21-04-2010 01:57 PM

نفس الموضوغ حصل عندنا في المنطقة...

من حوالي شهر ونصف : اختطاف طفل 7 سنوات. والحمد لله رجع بعد اسبوعين. ( بسس دول كانوا طالبين الفديه بالدولار )
وفي طفل تاني عنده سنتين ضايع من 3 ايام ومافيش اخبار عنه لسه...

ياريت فعلا نخلي بالنا من ولادنا.

**hany_mohamed** · 21-04-2010 01:59 PM

يبقى مفيش غير اننا نعمل مليشيات لحماية أولادنا وممتلكاتنا

**romeo_6887** · 21-04-2010 02:24 PM

ده علي اساس ان احنا في امريكا
لا حول و لا قوه الا بالله
كان يوم البلد بتخرب زياده

**M!SHO** · 21-04-2010 02:31 PM

والله كنت فاكر الحاجات دى بتحصل فى الافلام بس ....

**نور القمر** · 21-04-2010 03:38 PM

يارب الناس تتعظ
واحدة قريبتي بتسيب ابنها في كي جي1 لوحده يستنى الباص وكمان بتبعته سوبر ماركت بعيد شوية بس في مرمى البصر من البلكونة وبتبقه متابعاه
الولد اصلا شقي جنان وياما حذرتها انه لو بس جري حتى وهي متابعاه ونزلت وراه مش هاتلحقه
ومن اسبوعين كانوا بينقولوا فرش زياده لشقة تانية والولد نازل طالع مع باباه وبعد فترة اكتشفوا اختفائه
الاب معتمد انه فوق مع مامته والام معتمدة انه تحت مع باباه
وبعد لف لمدة ساعة بالعربية في المنطقة هي قفلت على اخواته الاصغر ونزلت تدور هي كمان
لقت قاعد في ميكروباص مع واحد ابن حلال ربنا يجازيه خير
ناس بعربية لقوه ماشي لوحده وسابوه مع بتاع الميكروباص
مش هتصدقوا انه الولد كان بعد جدا كان في حي تاني خالص على بعد ساعة مشي بخطوة الولد
وبرضو مفيش فايدة ومش بيتعظوا لا هي ولا الاب

**M.almaghraby** · 21-04-2010 03:47 PM

مصر باااااااااظت والله .... الي اجل غير مسمي

**بحري** · 21-04-2010 04:07 PM

المشاركة الأصلية كتبت بواسطة نور القمر

يارب الناس تتعظ
واحدة قريبتي بتسيب ابنها في كي جي1 لوحده يستنى الباص وكمان بتبعته سوبر ماركت بعيد شوية بس في مرمى البصر من البلكونة وبتبقه متابعاه
الولد اصلا شقي جنان وياما حذرتها انه لو بس جري حتى وهي متابعاه ونزلت وراه مش هاتلحقه
ومن اسبوعين كانوا بينقولوا فرش زياده لشقة تانية والولد نازل طالع مع باباه وبعد فترة اكتشفوا اختفائه
الاب معتمد انه فوق مع مامته والام معتمدة انه تحت مع باباه
وبعد لف لمدة ساعة بالعربية في المنطقة هي قفلت على اخواته الاصغر ونزلت تدور هي كمان
لقت قاعد في ميكروباص مع واحد ابن حلال ربنا يجازيه خير
ناس بعربية لقوه ماشي لوحده وسابوه مع بتاع الميكروباص
مش هتصدقوا انه الولد كان بعد جدا كان في حي تاني خالص على بعد ساعة مشي بخطوة الولد
وبرضو مفيش فايدة ومش بيتعظوا لا هي ولا الاب

المسألة مش اتعاظ وتعلم من الأخطاء...معلش الناس دي عاوزه تتعاقب رسميا عشان يحسوا بفداحة خطأهم....للأسف في أمريكا ودول أوروبا اللي بنقول عندهم تفسخ أسري لو حصلت حاجة زي دي بتكون في عقوبات شديدة..حتى لو كان الموضوع مع القطط والكلاب مش أطفال صغيرين
كذا مرة حد من قرايبي ومعارفي يتصلوا بيا عشان طفل صغير وقع على دماغه..اتخبط في حاجة...وحاجات كده...لما بحس إن الموضوع فيه إهمال بخليهم يروحوا لحد من زمايلنا في المستشفى الميري يعملوا أشعة وفحوصات وبخلي زميلي يعملهم محضر إهمال في النقطة اللي جوه المستشفى وبأكد عليه إنه ميجاملهومش عشاني...نطمئن على الطفل الأول وبعد كده ضروري نكدر أهله عشان ياخدوا بالهم من جريمتهم
إلا الأطفال...يعني ممكن الواحد يهمل في نفسه أو مع زوجته أو أي حد..لكن طفل لا حول له ولا قوة كنا سبب إنه يجي الدنيا يبقى لازم نراعيه لغاية لما يقدر يعتمد على نفسه وبالذات في السن الصغيرة دي...غير كده يبقى جريمة والموقف بين يدي الله عسير (وإذا الموؤدة سئلت بأي ذنب قتلت)