الموضوع: تقرير عن مواصفات الكورسا الجديده

ربنا يخليك عم حسام حبيبي

المشاركة الأصلية كتبت بواسطة hostook

بس يا نجد كنت عاوز اخذ رايك في حاجة انا معايا كورسا 2004 سيدان gls متعبة شوية العربية ده وانا من السويس ومعندناش ميكانيكية بيفهموا فيها العربية حلوه لونها اخضر بيستاج طقم جنت جميل لذيذة بس موضوع الحساسات ده مضايقني قوي انا للاسف اكتشفته بعد ما اشترتها , هوه بيبوظ بسرعة ولا الحساسات ده معمرة لاني والله بفكر لما انزل انا انشاء الله نازل اجازة في اول 6 بفكر ابيعها واجيب دايو نوبيرا او مستوبيشي لانسر , عاوز نصحيتك لاني بصارحة محتار شويه اقول هبعها وشوية اقول لا ياعم الكوري تعبات بذات اني كان معايا قبلها دايو لانوس موديل 99 كانت جميل ولا فيها مشاكل خالص عربية حلوه جدا بس بعتها بعد شهر واحد تخيل بسبب ان وانا مسافر لقيتها بتلعب مني طبعا عارف الاحساس بتاع اللعب ده مع الهوا يخوف , المهم الكورسا ثابته كتير واكثر كمليات بس انا برده مش عاوز وجع دماغ انا بنزل 2 شهر في السنه بالكتير 3 شهر مش عاوز اقضي الاجازة عند ميكانيكية , انت اه رايك العربية ده لو ظبطها ظبطة حلوه هنساها ولا هتفضل تفتحلي في حاجات كل شوية مع العلم اني روحت بيها توكيل رابعة , معملة وحشة وهرجلة معجبنيش بصراحة ومهندس هناك نصحني اني اعمل العربية بره احسن تخيل , ده انا ندمان على الانوس بصراحة بقول يارتني جنتها كانت تقلت شوية بذات ان في فئة الفلوس ده الاربعين والخمسين الف الفاهيه برده محدودة يعني تكيف وازاز كهرباء يعني اهم حاجة فيهم التكيف وكله مكيف دلوقتي فدني بانصيحة مهما كانت ميهمكش انا مش هتفرق معايا لو هلعها واخسر فبها اهم حاجة عندي اريح دماغي انا جبتها من سنتين بـ 55 الف وصرفت عليها كاوتش جديد وبطارية جديدة كل ده السنه الي فاتت يعني لسه جداد المهم كسرت معايا 60 الف وممكن يزيدوا وشية ولو بعتها انا عارف مش هتجيب اكثر من 45 او 50 ده بالكتير قوي بس المهم اريح دماغي مع العلم اني هنا في السعودية انت عارف الشركات هنا بتسلمك عربية علشان تأمن المواصلات لان المسافات بعيد كان معايا تويوتا هاي لوكس موديل 2004 كنت بعمل بيها البده امركه وجري وتقيل عداد ومطبات ومبهدلها زميلي يقولوا حرام عليك الي بتعمله في العربية ده المهم استلمت عربية جديدة علشان ده قدمت تخيل لحد وانا بسلمها والله ما غيرت فيها غير تيل الفرامل تخيل لا شحن تكيف ولا بوجيهات ولا اصل الكهرباء اتلخبطة ولا الكلام ده خالص كنت بستغرب لحد لما سلمتها مكنتش عاوز اسلمها بس انا شغال في أمانة المنطة الشرقية بالدمام زي المحافظة كده منسوب هناك فعلشان الشكل العام لازم سيارت جديدة كل تجديد مشروع لكن والله ما اشتكت يعني في عربيات بتستحمل انا مش عارف بصراحة فدني بالنصيحة لاني محتاااااااااااااار وشكرا ليك يا غالي وللجميع.

بص يا حسام بي
عايز نصيحتي بلاش تبيع وتجيب حاجه غير الماني عشان كدا مش ح تعرف تركب عربيه غير الماني
بس مشكلتك دي اول مره اسمع عنها الصراحه يعني هنا قد ايه في كورسا مليه البلد وفي منها سيدان كمان مشوفتش حد بشتكي من الحساسات دي مش عارف ايه دا اصراحه بس يمكن عشان عربيتك برازيلي طب ما تفكر تجيب حاجه غير الكورسا اللى معااك مثلا تقدر تجيب الاسترا 1600 دي كويسه وحلوه وثبات رائع
او بتزبطها عند واحد تكون واثق من شغله وبيفهم ف الاوبل انت لو عملت كدا وحافظت ع العربيه عمرك ما حتدخل صنايعي ع كدا...... ها قولت ايه

المشاركة الأصلية كتبت بواسطة y2y1500

مشكور على مجهودك يا نجد باشا

بس للأسف نسيت اهم حاجة فى المواصفات
إن الكبوت بيتعوج ويتفرد بسهولة زى ما شوفناها فى معرض فورميلا الاهرام اللى فات
:pointiy2[2]: >>>>> :f_eyeb1[1]:

هههههه حلوه منك دي

تثدق نسيت اقولها
بس ع فكره واخيرا والدي جاب العربيه دي واهي عندنا ,,,بس ايه عربيه من الاخر بسكوته هههه الكبوت بتعوج من الهواااا وهيا ماشيه

شكرا يانجد
بس الموواصفات دى بتاعتكو ولا بتاع عمو منص

منصور مين دا
دي مواصفات الاوبل المانيه مش اوبل منصور هههه