الي كل الانسراوية

**shooter123** · 21-04-2010 02:37 PM

يا جماعه انا عايز نعمل مقابلة ونتعرف علي بعض
يا ريت حد يتولي الموضوع ده وانا من طنطا ومستعد للمقابلة في اي مكان سواء القاهرة او الاسكندرية عادي مش حتفرق معايا لاني بجد عايز اتعرف عليكم وجها لوجهة وممكن اقترح انه يكون الخميس 29 ابريل وبما اني مقترح الميعاد يبقي كمان اقترح المكان ايه رايكم طنطا واجيبلكم حمص وحلاوة كمان ونزور السيد البدوي ؟
يا ريت الاقي الردود المشجعة

**mada121977** · 23-04-2010 02:39 AM

والله هو كان فيه فعلا اقتراح بعمل مقابله لكل ملاك وعشاق المتسوبيشى من فتره ليست بالقصيره وللاسف الموضوع نام واتنسى !!
ايدى على كتفك وان شاء الله تخرج الفكره لحيز التنفيذ قريبا
وعند اقتراح خاص بالاخ الاكبر المهندس طارق زويل بان يتولى هو موضوع التخطيط لموعد ومكان المقابله على اساس انه استشارى منتدى متسوبيشى ومن اهم الاعضاء فيه

**shooter123** · 23-04-2010 08:15 AM

متابع باهتمام

**zoro007** · 23-04-2010 04:07 PM

اهلا shooter123

فكره كويسه ولو انى مشغول جدا دائما بشغلى لكن هحاول افضى نفسى وقتها لو المقابله فى القاهره

لو فى طنطا مش عارف ايه ظروفى بس لو جيت ناكل معاك حمص وحلاوه اه :]
لكن السيد البدوى لا ياباشا دا حرام وشرك بالله

**shooter123** · 24-04-2010 12:12 PM

يا سيدي انا عايزك تشرفني وبس وبلاش السيد البدوي وبلاش كمان حمص وحلاوة احنا نخليها غداء علطول بس تشرفوني
وعلي فكرة كلنا هنا والله بنبقي مشغولين بس الواحد لما يلاقي فرصة تعارف مع ناس محترمة وكويسة ميحبش يضيعها من ايده

**مصراوي جدا** · 25-04-2010 02:50 AM

طبعا موضوع المقابلة ده مهم وجرت فيه بعض المحاولات قبل كده ومكملتش انما رأيي اننا نضم مقابلة ميتسوبيشي الى مقابلة المنتدى العامة واللي كان مخطط لها الجمعة 23 ابريل (امبارح) انما اتأجلت علشان كريم منير يحضر معانا بعد العملية اللي كان عملها واصبحت باذن الله يوم الجمعة 7 مايو
http://www.nilemotors.net/Nile/142592-a.html