الموضوع: هي الناس دي زعلانه كده ليه ؟

المشاركة الأصلية كتبت بواسطة نور القمر

عندك نظرة دونية للبنات !!!!!
البنات اللي انت شايف نفسك احسن منهم دول ممكن تتحمل مسئوليات ميقدرش راجل يتحملها
البنت بتتجوز وتشتغل برة وتشتغل في البيت وبتتحمل الام الحمل والولادة وسهر الليالي في عز الشتاء
السيدة الموظفة بترجع من شغلها واخدة الطريق جري عشان تجهز الاكل وتحطه على النار قبل متغير هدومها او تشرب كوباية مية
وحتى اللي مش موظفة انت مستهون بشغل البيت من طبيخ وغسيل وتنظيف وكنس ومسح وتربية ولاد
انا ضغطي بيبقه نازل ل 70 على 40 والصداع هايفرتك دماغي وبمشي بعرج من الام رجلي ومش شايفة قدامي وبقوم انظف الشقة واطبخ وااكل الولاد وكل الستات على النظام ده
صدقني اللي يبقه شايف نفسه احسن من الناس يبقه المشكلة فيه هو
وهو اللي بيتعب
وبعدين انت طرحت موضوع اذن بما انك طرحته اذن هو للنقاش ولما يكون رأي الاغلبية عكس رأيك ومعظمهم اكبر منك في السن يعني اكتر منك في خبرات الحياة يبقه تقتنع برايهم ولو مقتنعتش انت برأيهم لا تنظر منهم مهما كثر الجدال انهم هايقتنعوا برأيك
وحب الخير للناس وادعي لهم ديما بالتوفيق والزيادة عشان ربنا يوسع عليك انت كمان

نظرتي مش لكل البنات علي فكره
و الله في بنات اجدع من الرجاله
و يعتمد عليهم بس مقابلتش حد منهم للاسف
و لو قابلت حد منهم مش هتررد اني اتجوزها
و انا عارف ان مهمه المرأه متعبه
بس في بنات متدلعين و مملين و مش بتوع شيل مسئوليه
و دول بقوا الفئه السائده في بنات المجتمع هنا
عشان كده نظرتي كده ليهم
بس للكويسين ببقي حاجه تانيه
و بالنسبه للموضوع
اللي عايز يقتنع بوجهه نظري اوكي اللي مش عايز هو حر
و انا مش هقتنع بوجهه نظر حد مش داخله دماغي
انا عارف اني المفروض متكلمش عن حد بطريقه وحشه
و لا اشتم حد بس مدش له حق يتكلم بطريقه مش لذيذه
طالما مش بتكلم عن عنه او حد يخصه
و بعدين النصيحه تبقي براحه و ليا حق اقبل او ارفض
و بعدين المفروض محدش ينصح حد طالما هو عاقل
و عارف هو بيعمل ايه

مين اللي قال لسعادتك اني قاعد في البيت
انت لو كنت متابع الاجتماعي كنت هتعرف اني شغال في محل كمبيوتر الصبح يعين شم قاعد في بيتنا و انا حاليا شاركت واحد صاحبي في محل و استأجرت جزء من محله عشان اعمل مشروعي