الموضوع: اسئلة واجاباتها عن جسم السيارة المستعملة

السلام عليكم

اخواني دايما اي حد بيشتري عربية مستعملة بيحتاج يعرف شوية حاجات خصوصا لو اول مرة يجيب فيها عربية
فحبييت اني اسال شوية اسئلة خاصة بجسم السيارة وفي انتظار تجاوبكم وكل واحد يبدي راية ويفيدنا بخبرتة
وطبعا هنا انا بسال لو اي حاجة فيها خبطة ما مدي تاثيرها علي السيارة
1- الشاسية ما هو ؟ واين مكانة ؟
2- الشنطة ؟
3- القوائم ؟
4- الكارتيرة ؟
5 - الشنب ؟
6- الحوض؟
7- الرفارف ؟

ويارب الموضوع ينفع كل واحد هايشتري عربية مستعملة

جزاكم الله خير

1- الشاسية ما هو ؟ واين مكانة ؟
الشاسيه هو جسم العربيه عموما من غير اي صاج بمعني انه لعضم اللي بيتثبت علي الرفارف و كل حاجه في العربيه (قاعده العجلات) و لو الشاسيه اتكسر او اتعوج بيبان لما العربيه تترفع من خلال اللحامات و كده لكن في فنيين مهره ممكن يغطو علي الاصلاح لكن برضه بتبان مع الفحص الدقيق جدا


2- الشنطة ؟
الشنطه هيا الباب الخلف للسياره و اللي بيتحط فيها الاستبن و دي بتتعرف اذا كانت ووخده خبطه او لاء بفحص اساسيات العربيه و الخطوط المعرجه في الصاج لانها لو واحده خبطه اكيد الخطوط دي محد حيرجعها لوضعها و مش شرط تكون راشه او لاء في الموديلات القديمه لكن في الجديد بيعيب العربيه.


3- القوائم ؟
القوايم اللي ماسكه الابواب و اللي الباب لما بيقل بيقفل عليه و هيا اللي شايله السقف و دي لازم تكون مش مرشوشه و تكون حته وحده و مافيهاش اثار لحامات او استعدال


4- الكارتيرة ؟
مش عارف اشرحها بس بتبقي حاجه كده في حوض الموتور


5 - الشنب ؟
و دا اللي بيتعلق عليه الردياتير و الفوانيس و دا بيعتبر من اساسيات العربيه و بيعتبر من الدواخل و لو مرشوش يبقي العربيه واخده خبطه من الامام

6- الحوض؟
و دا عباره عن غرفه المحرك و دا برضه م يكونش مرشوش لانه لو مرشوش يبقي بارومه او حادثه كبيره .


7- الرفارف ؟
و دا اللي بتبقي ورا و قدام بعد الابواب علي طول