نيسان صنى موديل 93 ولا اكسيل 97

**hema_hn** · 21-04-2010 11:56 PM

الاخوة الخبراء الافاضل انا معايا عربية هيونداى اكسيل موديل97 فاضية فيها سنتر بس ونفسى فى النيسان عشان ركبتها قبل كدا ونفسى فيها المهم انا اشتريت الاكسل والحمد لله ومعداش عليها اسبوع المهم ان ادامى نيسان صنى موديل 93 كاملة صاحبها طالب فيها 31 الف وبيقلى ان فيها مصروف رش خارجى بس

تنصحونى اجيب النيسان مع العلم ان فرق السعر قريب جدا مبنهم ولا خلينى فى الاكسل
كل الناس بيقلولى ان قطع غيارها غالية
بس اعرف من زميلى الى معاه العربية دى وبيقول انه مبيرحش للكهربائى ولا الميكانيكى من خمس سنين والعربية بتعته موديل اخر التسعينات
معلش تعبتكم معايا
خلينى فى الاكسل ولا اجازف وابيع وادخل فى النيسان موديل 93
شكرا واسف على الاطالة

**mr_sameh** · 22-04-2010 02:40 PM

النيسان افضل اكيد من الاكسل وكمان انت بتقول النيسان كامله يعني تكييف وباور وزجاج كهربا اما الاكسيل فاضيه يبقي النيسان افضل

**Ahmed Galal** · 22-04-2010 03:35 PM

نيسان و توكل على الله

**hema_hn** · 23-04-2010 12:13 AM

المشاركة الأصلية كتبت بواسطة mr_sameh

النيسان افضل اكيد من الاكسل وكمان انت بتقول النيسان كامله يعني تكييف وباور وزجاج كهربا اما الاكسيل فاضيه يبقي النيسان افضل

شكرا باشا

**srm** · 23-04-2010 11:37 PM

انا شايف ان النيسان اكيد افضل بكتير اولا لانها يابانى
ثانيا وده الاهم انها كامله يعنى فيها تكيف وانا بحس ان العربيه من غير تكيف متفرقش عن 128 مع احترامى الشديد لاصحاب 128

**adel1212** · 24-04-2010 11:56 AM

اخى الكريم
غيرت انواع كثيرة من السيارات منهم اكسيل1995 كاملة
وانواع اخرى كثيرة لا داعى لذكرهم
سيارتى الان نيسان صنى 1999 كاملة
لم اعد فى حاجة لمعرفة طرق الورش المختلفة الا للصيانة فقط منذ عامين (صيانة فقط)
توكل على الله اذا كانت النيسان كويسة فهى نادرة الاعطال اقتصادية المصاريف

**bokiman** · 27-04-2010 12:09 PM

اشكرك علي اهتمامك ومشاركتك للاعضاء واريد معرفة اماكن بيع قطع الغيار الاصليه والغير اصليه لسيارة النيسان 96-99 داخل القاهرة او خارجها وكذلك اماكن الاصلاح والصيانه التي تتعامل معها وتثق بها
شكرا لاهتمامك وفي انتظار ردكم الكريم