ايه الفرق بين زيت 5w-40 و 15w-50
و ايهما افضل؟
عرض للطباعة
ايه الفرق بين زيت 5w-40 و 15w-50
و ايهما افضل؟
متاااااااابع
5w40
زيت غالبا تخليقى
ولزوجته وهو بارد 5 وهو ساخن 40
ويتميز بسهولة دوارة المحرك
وسرعة الأنتشار على الأماكن التى تحتاج لعمليات التزييت حفاظا على مكونات المحرك
ولكنه ليس بكفاءة النوع الآخر مع سخونة المحرك
ولو كانت قاعدته الأساسيه بالفعل من النوع التخليقى ( كما أظن )
فده بيقعد فى المكنه حوالى 10 آلاف كم أو تسعة أو عشر شهور على الأكثر
وكلما كانت المده التى يتم التبكير فيها بغيار الزيت ( كان هذا أفضل للمحرك بوجه عام )
مش عاوز بأه ألاقى
إللى بيقولى
طيب ماهو ياكابتن لطيف الكتالوج بيقول نغير الزيت كل 6 شهور مثلا
والشغل أياه
حروح قايله
أنا متمرط فى الملعب وعارف الأمور والقصص دى كويس ولعبت فى كل الأماكن فى الملاعب
جول وهداف وخط وسط ومدافع ...وكل مالذ وطاب من أفلامنا التراجيديه
ولسه مغير الزيت ده بعد أربعتاشر شهر خدمه فى ثانوى ( وهو عامل 7 آلاف تقريبا ).............وكله تمام
_________________________________
15w50
ده زيت معدنى
لزوجته وهو بارد 15 ............وهو ساخن 50
يعيبه صعوبة الدواره عن النوع السايق نظرا لأرتفاع درجة لزوجته على البارد عن قرينه السابق
أما وهو ساخن .........فهو أفضل من النوع السابق نظرا لأرتفاع مدى لزوجته ال 50
ويعيبه قلة أنتشاره فى البدايه ( لاوقت ) مثل النوع التخليقى
ولكنه يمتاز بالغسيل المتكرر والشطف لمكونات المحرك على فترات متقاربه عن النوع التخليقى
لأن ميعاد غياره
غالبا بيكون من 3 الى 3.5 ألف من الكيلو مترات
_____________________
نطلع برضه من دا كله
إن كل حاجه ليها مميزاتها وليها عيوبها
والكمال لله .........سبحانه وتعالى
ميه ميه يا كابتن لطيف يا ابو اللعب كله :F_eyeb1[1]: :36_1_1[1]:
يا سلام يا م/سمير معلومات مفيدة جدا فعلن و شكرا جدا لاهتمامك
بس معلش سؤال كده سريعا مين فيهم ينفع احسن في الصيف؟
كل يوم بنتعلم منك يا هندسة
مش عاوز بأه ألاقى
إللى بيقولى
طيب ماهو ياكابتن لطيف الكتالوج بيقول نغير الزيت كل 6 شهور مثلا
لا يا كابتن بلاها كتالوجات كتالوجات ايه دي اللي هتزعلنا من بعض
والشغل أياه
حروح قايله
أنا متمرط فى الملعب وعارف الأمور والقصص دى كويس ولعبت فى كل الأماكن فى الملاعب
جول وهداف وخط وسط ومدافع ...وكل مالذ وطاب من أفلامنا التراجيديه
ولسه مغير الزيت ده بعد أربعتاشر شهر خدمه فى ثانوى ( وهو عامل 7 آلاف تقريبا ).............وكله تمام
خلاص يا كابتن هتعبر حضرتك وتجربتك في تغيير الزيت المرجع والكتالوج الاساسي وبلاها معامل واختبارات وفقد خواص مع الوقت وكدة
الاختلاف في الراى لا يفسد للود قضية
_________________________________
الزيت يا أخى
مفيهوش لا صيفى ولا شتوى
ولا ليه دخل بحرارة الطقس الخارجى
لأن المكنه اللى بتشتغل فى الصيف هى هى نفسها اللى بتحرق فى الشتاء
شوف الموضوع ده وأقراه كويس
وأنت تعرف تختار الزيت صح أزاى وعلى أى أساس
http://www.nilemotors.net/Nile/140893-a.html
عن نفسى بأحب فؤاد المهندساقتباس:
خلاص يا كابتن هتعبر حضرتك وتجربتك في تغيير الزيت المرجع والكتالوج الاساسي وبلاها معامل واختبارات وفقد خواص مع الوقت وكدة
الاختلاف في الراى لا يفسد للود قضية
وهو بيقول
بلاها ناديه ..........وخد سوسو
ولو أنت عندك تقييم أدق قولنا عليه
وأنت بتعمل أيه مع تغيير الزيوت
أنت عارف يا أبو حنفى
قصة الكتالوجات دى فيلم وحكايه
كل مسمار ليه عزم رباطه الصح
وكل مسمار ليه نظامه فى الرباط
وكل مكان ليه عده خاصه للشغل بيها
متاهات.....متاهات فعلا
فبنحاول نقول عن تجاربنا الشخصيه
للوصول لوضع معقول فى التعامل مع الأمور
فعندك بليه مثلا
ممكن يخبطلك على مسمار بيضه بالمرزبه علشان يفصل المقص عن الشمعدان
علشان حتغير كبلن مثلا
يروح مبوظلك البيضه ويعملك مشاكل
عن نفسى بأبقى مش مبسوط وأنا رايح بالعربيه للعفشجى بالذات
لأنى عارف أنهم بيشتغلوا فى العفشه بالفأس للأسف
كأنه بيقطع فى دماغ الدبيحه علشان يفور كل حاجه بالبلطه ( نظام عافيه )
فى الكتالوجات بأه مفيش الكلام ده نهائى
أشكرك ياحمو