الأخوة الأعزاء فى المنتدى .. رجاء نصيحتى بشراء اى نوع كاوتش لسيارتى لانوس 13/175/70 .. هل اشترى جى تى ام كومهو ؟ و شكرا
عرض للطباعة
الأخوة الأعزاء فى المنتدى .. رجاء نصيحتى بشراء اى نوع كاوتش لسيارتى لانوس 13/175/70 .. هل اشترى جى تى ام كومهو ؟ و شكرا
انا شخصيا جربت الجي تي , وممتاز بالنسبه ليا
لكن بصراحه بعض الاخوه الكرام جربو الكومهو وشكروا فيه جداااا , وكمان الجوديير . لكن انا عن نفسي مجربتش
وبالتالي بلاش استعجال واستنى لغايه لما الرؤيه تضح على الاخر
مبروك مقدماً ونصيحه: كل ما تعرض الكاوتش بالنسبه المسموح بيها يكون الثبات احسن على الطريق خاصه مع السرعات
المقاس ده مناسب وهيكون حلو 185 / 70 / 13
انا عربيتى مش لانوس
بس مجرب الجى تي وبسم الله ما شاء الله زى الفل
برضه شوف باقى الاراء
وربنا ييسرلك الخير
كلام سيادتك تمام فى موضوع عدم الأستعجال ..علشان كدة قولت اسأل الأخوة كلهم هنا .. و انا على فكرة برضو عندى مركب جى تى فى العربية و كنت برضو مركب جى تى فى العربية الريتمو قبلها و كان كويس جدا بس حبيت اعرف لو الكومهو احسن حسب رأى اخوة كتير فى المنتدى يبقى اجيب منه.
انا مركب 13/70/185 بريدج استون
وعاجبنى الحمد لله
على فكره فى موضوع الكاوتش دا بالاخص هتلاقى كلام كتير وكل الناس صح علشان كل واحد جرب نوع مقتنع بيه وكل الناس صح
الباقى بقا انت هتستريح لاى نوع
ما انت ممكن تركب اى مقاس يعجبك... الفكرة هل المقاس دة مناسب للعربية ولا لا
الفردة دى اكبر من الاصلية بلتالى حتلاقى عداد السرعة بيقراء سرعة العربية غلط (اقل من الواقع) و ارتفاع جوانب الكاوتش حيقلل حساسية الدركسيون و حيزود عومان العربية فى الملفات دا غير زيادة ارتفاع العربية عن الارض
MMamdouh
انا لسة شاري الكوموهو والناس هنا اللي شكرتلى فيه وبصراحة كاوتش ممتاز
175/70/13
لو عايز تركب كاوتش اعرض يبقى تركب جنط 14 و كاوتش 185/60/14 او لو مش عايز تغير الجنط يبقى 185/65/13 بس انا معرفش المقاس دة موجود فى السوق ولا لا
MMamdouh
معاك حق ان عداد السرعه بيقرا مش مظبوط بس الفرق مش كبير يعنى لما العداد يكون 100 يبق السرعه الفعليه 103 تقريبا مش فاكر اوى الفرق قد ايه بس تقريبا كدا
يعنى الفرق مش كبير ..... بس انا مركبها وعامله معايا حاليا حوالى 5 الاف كيلو ومش حاسس انها عامله اى مشاكل والحمد لله
مفيش مشاكل
MMamdouh
الله يبارك فيك يا استاذ محمد و مشكور على تعاونك .. انا ناوى ان شاء المولى اشتري الشهر القادم .. بس انا كنت سألت عن الفردة الكومهو الكورى 13/175/ 70 كانت ب225 جنيه بترصيصها كمان و تركيبها و الجى تى كانت تقريبا ب 220 او 230 مش متذكر اوى .. بس برضو عند التركيب هلف لفة كويسة تانية و اتأكد من تاريخ الصنع و المواضيع دى
انا ليا صديق مركب Fulda
و الفرده طريه وشغال زى الفل
حد جربه قبل كده
أنا مركب gt وما يفرقش عن الكمهو. الإثنين يمكن عيبهم يكونو ناشفين شوية . بس عموما هما ماشاء الله زي الفل.
راكب عندى فى العربية كومهو وزاى الفل صراحة
مبروك مقدما وانا هاجيب طقم كومهو الاسبوع دة بعد ماكل الناس شكرت فيه بس ليا استفسار عن نوع كاوتش اسمه لاسا ونوع تانى اسمه النسر كويسين ولا ايه ظروفهم واسف لصاحب الموضوع على السؤال وشكر مقدما للردود
وانا كمان عاوز اغير كاوتش وكان عندى نفس المشكلة بس انا كمان عاوز اغير جنوط فياترى الاستاذ محمد ممدوح ينصحنى بأية خصوصا انى مسافر الشهر الجاى وعاوز اغير قبل مسافر على الطريق والكاوتش عندى عامل متغيرش وعامل كييلو 100000
انا مركب كومهو بقاله 12الف كيلو ممتاز جداً وديه اقل حاجه تتقال عليه وانا دلوقتي ببيع الأربع فرد بالجنوط 13 عشان هجنط 15 لو حد من الأخوه محتاجهم يكلمني
1-سعر الفرده مش عارف بصراحه احدده لآني عمرى ما بعت كاوتش مستعمل
2- فايتنامي مقاس 13/175/70
3-فرده واحده اتلحمت بلحام تيوبلس داخلى عشان كان فيها مسمار صغير وكانت بتريح كل اسبوعين ويتحتاج تتذود
4- انا ساكن في المقطم ورقمي 0168747484 حضرتك لما تنوي شرفني بإتصالك
السلام عليكم
لو سمحت ياباشمهندس , انا عايزه أسئل ان كان الكاوتشس مقاس r14 185/60 ممكن يركب فى شنطه اللانوس مكان الاستبن و لا للأ. أصل انا عاوزه أغير كل الكاوتش من r13 بما فيها الاستبن
ان عندى سؤال أخر لو سمحت , فى صوت عالى فى العربيه و رحت الصيانه و قالوا ان المحفز و العلبه الوسطى والاخيره محتاجين تغيير علشان الفحم خرج من المحفز و سد العلبه و المحفز قالوا ان ثمنه 700 جنيه لوحده. ياترى هل انا محتاجه فعلا لتغييير كل ده و لا فى حلول أخرى
ولكم جزيل الشكر
و أنا كمان و بقالى شهرين تقريبا مركبهم بحجم 185 و ليس 175 و فعلا الثبات أفضل و زيادة إستهلاك البنزين لا تذكر. و فعلا زى ما قال باشمهندس سمير زى البطة:ma:
http://www.nilemotors.net/Nile/22837-a-2.html
يركب من غير اى مشاكل لان القطر الخارجى للمقاس دة هو هو القطر الخارجى لمقاس 175/70/13... و معظم الناس اللى عاملة تعديل الفرامل الامامى غيروا الستبن بتاعهم الى المقاس دة بالفعل
بدل تغيير محول الحفز (معروف باسم علبة البيئة فى السوق) الغيها خالص من خلال اما تغيير الماسورة اللى نازلة من فرن الشكمان بماسورة طويلة (تمنها حوالى 150 جنية) او عمل ماسورة قصيرة عمولة عند واحد بتاع شكمانات... دى حتبقى ارخص بس عايزة غلبة مع الصنايعى و فصال و خلافةاقتباس:
ان عندى سؤال أخر لو سمحت , فى صوت عالى فى العربيه و رحت الصيانه و قالوا ان المحفز و العلبه الوسطى والاخيره محتاجين تغيير علشان الفحم خرج من المحفز و سد العلبه و المحفز قالوا ان ثمنه 700 جنيه لوحده. ياترى هل انا محتاجه فعلا لتغييير كل ده و لا فى حلول أخرى
انا شايف ان طالما انتى محتاجة تغيير العلبة الوسطى و الاخيرة يبقى بالمرة اشترى الماسورة الطويلة... التكلفة حتكون 150 للماسورة و 150 للعلبة الوسطى و للاسف مش فاكر العلبة الاخيرة بكام... تقريبا 180
MMamdouh