يحصل ايه لو مش روحت صيانة ال 10000 في التوكيل ؟؟

السلام عليكم
انا بس عاوز اعرف لو حد عنده فكرة انا عاوز مش اروح صيانة ال 10000 في التوكيل اي فرع مش عاوز اروح وعاوز اروح اغير زيت واربط عفشة واكشف علي العربية بالكامل عند اي مركز محترم ( هو صحيح هاتدفع مبلغ محترم بس ماهو التوكيل برضه هاياخد فلوس ) بس علي الاقل هالاقي معاملة كويسة وناس كويسة تتعامل معاها وهاتعمل اللي انت عاوزة بعيد عن التوكيل المقرف ده بس السؤال
هل لو عملت كده هاخرج من الضمان ؟
طب لو حصل وخرجت وحبيت ارجع تاني الضمان هل بدفع فلوس من جديد ؟
طب انا محتاج الضمان في ايه ؟؟
طب فيه طريقة اقدر اشتكي بيها التوكيل لو حصل وروحت صيانة ال 10000 وحصل معايا نفس اللي حصل معايا في صيانة ال 5000 ؟؟
بصراحة خسارة والله ادفعلهم جنيه في التوكيل خسارة فيهم بسبب اللي بقراه من الناس هنا ومن اللي حصل معايا مرتين لما روحت التوكيل ..
المهم الللي عنده معلومات يقولي

الخوف انك تخرج من الضمان

هى كل التوكيلات بتقول للعميل لو مرحتش الصيانة فى معادها بتضيع عليك باقى الصيانات وممكن الضمان يضيع عليك.
مش رينو بس لأ وهيونداى ونيسان وتوكيلات تانية كتير بس طبعا دة مش قانون. والدليل أن دة حصل مع واحد صاحبى فوت كام صيانة فى الأول ولما رجع يعمل صيانة جديدة قالولو مينفعش يافندم بس طبعا الصوت العلى هو الحل فى هذة المواقف.
عموما أتأكد من خدمة العملاء.

مافيش حاجه اسمها تخرج من الضمان
افرض ماتور باظ ؟
ايه هيقولولك خارج الضمان
ده انت ساعتها تعمل فيهم محضر
فى حاجه اسمها حماية المستهلك

اقتباس:

---

المشاركة الأصلية كتبت بواسطة super_star_h

مافيش حاجه اسمها تخرج من الضمان
افرض ماتور باظ ؟
ايه هيقولولك خارج الضمان
ده انت ساعتها تعمل فيهم محضر
فى حاجه اسمها حماية المستهلك

---

اعتقد يا باشا انه ساعتها حيقول انك غير منتظم بالصيانه و ده طبعا حقه
لأنه من شروط سريان الضمان على العربيه انك تكون منتظم بالصيانه

اقتباس:

---

المشاركة الأصلية كتبت بواسطة super_star_h

مافيش حاجه اسمها تخرج من الضمان
افرض ماتور باظ ؟
ايه هيقولولك خارج الضمان
ده انت ساعتها تعمل فيهم محضر
فى حاجه اسمها حماية المستهلك

---

أموت و أفهم يعني ايه جهاز حماية المستهلك . يعني لو فيه مشكلة بيني و بين التوكيل و انا صاحب حق ممكن الجهاز ده ينصفني . بمعني لو فيه قطعة غيار انا عايزها في عربيتي و مش موجوده في التوكيل ممكن الجهاز ده يفكها لي من عربية جديدة عند التوكيل و يديها لي زي ما شفت في احد دول الخليج كان واحد صاحبي خليجي شاري عربية جاكوار علي الزيرو و فانوسها اتكسر راح التوكيل يشتري الفانوس التوكيل قاله لسه قطع غيار الموديل ده مش متوفره راح اشتكاهم طلع مندوب من الجهاز ده و راح معاه التوكيل و لما تأكد من عدم توفر الفانوس اجبر صاحب التوكيل علي فك فانوس من عربية جديدة واقفة في المعرض و قال له مادام انت الوكيل لازم توفر قطع غيار العربيات اللي عندك و اللي انت واخد التوكيل بتاعها . فهل ده ممكن يحصل عندنا ... لا أعتقد !!

اقتباس:

---

المشاركة الأصلية كتبت بواسطة frhateg

أموت و أفهم يعني ايه جهاز حماية المستهلك . يعني لو فيه مشكلة بيني و بين التوكيل و انا صاحب حق ممكن الجهاز ده ينصفني . بمعني لو فيه قطعة غيار انا عايزها في عربيتي و مش موجوده في التوكيل ممكن الجهاز ده يفكها لي من عربية جديدة عند التوكيل و يديها لي زي ما شفت في احد دول الخليج كان واحد صاحبي خليجي شاري عربية جاكوار علي الزيرو و فانوسها اتكسر راح التوكيل يشتري الفانوس التوكيل قاله لسه قطع غيار الموديل ده مش متوفره راح اشتكاهم طلع مندوب من الجهاز ده و راح معاه التوكيل و لما تأكد من عدم توفر الفانوس اجبر صاحب التوكيل علي فك فانوس من عربية جديدة واقفة في المعرض و قال له مادام انت الوكيل لازم توفر قطع غيار العربيات اللي عندك و اللي انت واخد التوكيل بتاعها . فهل ده ممكن يحصل عندنا ... لا أعتقد !!

---

اكيد طبعا ميحصلش فى مصر

اقتباس:

---

المشاركة الأصلية كتبت بواسطة mohamed1979

اعتقد يا باشا انه ساعتها حيقول انك غير منتظم بالصيانه و ده طبعا حقه
لأنه من شروط سريان الضمان على العربيه انك تكون منتظم بالصيانه

---

+1111

اقتباس:

---

المشاركة الأصلية كتبت بواسطة super_star_h

مافيش حاجه اسمها تخرج من الضمان
افرض ماتور باظ ؟
ايه هيقولولك خارج الضمان
ده انت ساعتها تعمل فيهم محضر
فى حاجه اسمها حماية المستهلك

---

اعمل محضر و اشتكي براحتك و مش هتاخد حق و لا باطل لانك غلطان في الحالة دي .......

ليه؟

لان الضمان ده عقد بين البائع و المشتري

و العقد من شروطه عمل الصيانات الدورية في مواعيدها المحددة طبقا للجدول لدى الوكيل او احد المراكز المعتمدة

لو الموتور باظ ماهو ممكن يكون بسبب ان الزيت ما اتغيرش او اتغير بزيت مش كويس او اي كلام او اتغير متاخر

ساعتها يبقى ليهم الحق انهم يقولوا لك لآ مالكش عندنا ضمان

بالاضافة الى ان الضمان بيتغطى بجزء من مكاسب الصيانة في العربيات

اقتباس:

---

المشاركة الأصلية كتبت بواسطة أحمد كمال

اعمل محضر و اشتكي براحتك و مش هتاخد حق و لا باطل لانك غلطان في الحالة دي .......

ليه؟

لان الضمان ده عقد بين البائع و المشتري

و العقد من شروطه عمل الصيانات الدورية في مواعيدها المحددة طبقا للجدول لدى الوكيل او احد المراكز المعتمدة

لو الموتور باظ ماهو ممكن يكون بسبب ان الزيت ما اتغيرش او اتغير بزيت مش كويس او اي كلام او اتغير متاخر

ساعتها يبقى ليهم الحق انهم يقولوا لك لآ مالكش عندنا ضمان

بالاضافة الى ان الضمان بيتغطى بجزء من مكاسب الصيانة في العربيات

---

+1111111111

يا جماعة الحكاية مش عند و خلاص
أكيد كلنا جربنا المراكز و الورش الزبالة اللى برة
ييعنى بيقابلك كويس و يعاملك كويس لغاية ما تدفع بعد كده يديك ضهره
و لو فى مشكلة يقولك لا دى مشمن عندى ولو قلتله انا جربت يقولك ماليش دعوة أنا شغلى سليم وحتى لو فرض و صلح حاجة بيبوظ جنبها 100000 حاجة

و ده عن تجربة