يحصل ايه لو مش روحت صيانة ال 10000 في التوكيل ؟؟

**hardlive** · 22-04-2010 01:57 PM

السلام عليكم
انا بس عاوز اعرف لو حد عنده فكرة انا عاوز مش اروح صيانة ال 10000 في التوكيل اي فرع مش عاوز اروح وعاوز اروح اغير زيت واربط عفشة واكشف علي العربية بالكامل عند اي مركز محترم ( هو صحيح هاتدفع مبلغ محترم بس ماهو التوكيل برضه هاياخد فلوس ) بس علي الاقل هالاقي معاملة كويسة وناس كويسة تتعامل معاها وهاتعمل اللي انت عاوزة بعيد عن التوكيل المقرف ده بس السؤال
هل لو عملت كده هاخرج من الضمان ؟
طب لو حصل وخرجت وحبيت ارجع تاني الضمان هل بدفع فلوس من جديد ؟
طب انا محتاج الضمان في ايه ؟؟
طب فيه طريقة اقدر اشتكي بيها التوكيل لو حصل وروحت صيانة ال 10000 وحصل معايا نفس اللي حصل معايا في صيانة ال 5000 ؟؟
بصراحة خسارة والله ادفعلهم جنيه في التوكيل خسارة فيهم بسبب اللي بقراه من الناس هنا ومن اللي حصل معايا مرتين لما روحت التوكيل ..
المهم الللي عنده معلومات يقولي

**د.محمود صلاح** · 22-04-2010 03:05 PM

الخوف انك تخرج من الضمان

**Super_Star_h** · 22-04-2010 03:32 PM

مافيش حاجه اسمها تخرج من الضمان
افرض ماتور باظ ؟
ايه هيقولولك خارج الضمان
ده انت ساعتها تعمل فيهم محضر
فى حاجه اسمها حماية المستهلك

**mohamed1979** · 22-04-2010 04:16 PM

المشاركة الأصلية كتبت بواسطة super_star_h

مافيش حاجه اسمها تخرج من الضمان
افرض ماتور باظ ؟
ايه هيقولولك خارج الضمان
ده انت ساعتها تعمل فيهم محضر
فى حاجه اسمها حماية المستهلك

اعتقد يا باشا انه ساعتها حيقول انك غير منتظم بالصيانه و ده طبعا حقه
لأنه من شروط سريان الضمان على العربيه انك تكون منتظم بالصيانه

**frhateg** · 22-04-2010 05:33 PM

المشاركة الأصلية كتبت بواسطة super_star_h

مافيش حاجه اسمها تخرج من الضمان
افرض ماتور باظ ؟
ايه هيقولولك خارج الضمان
ده انت ساعتها تعمل فيهم محضر
فى حاجه اسمها حماية المستهلك

أموت و أفهم يعني ايه جهاز حماية المستهلك . يعني لو فيه مشكلة بيني و بين التوكيل و انا صاحب حق ممكن الجهاز ده ينصفني . بمعني لو فيه قطعة غيار انا عايزها في عربيتي و مش موجوده في التوكيل ممكن الجهاز ده يفكها لي من عربية جديدة عند التوكيل و يديها لي زي ما شفت في احد دول الخليج كان واحد صاحبي خليجي شاري عربية جاكوار علي الزيرو و فانوسها اتكسر راح التوكيل يشتري الفانوس التوكيل قاله لسه قطع غيار الموديل ده مش متوفره راح اشتكاهم طلع مندوب من الجهاز ده و راح معاه التوكيل و لما تأكد من عدم توفر الفانوس اجبر صاحب التوكيل علي فك فانوس من عربية جديدة واقفة في المعرض و قال له مادام انت الوكيل لازم توفر قطع غيار العربيات اللي عندك و اللي انت واخد التوكيل بتاعها . فهل ده ممكن يحصل عندنا ... لا أعتقد !!

**mohamed1979** · 22-04-2010 07:13 PM

المشاركة الأصلية كتبت بواسطة frhateg

أموت و أفهم يعني ايه جهاز حماية المستهلك . يعني لو فيه مشكلة بيني و بين التوكيل و انا صاحب حق ممكن الجهاز ده ينصفني . بمعني لو فيه قطعة غيار انا عايزها في عربيتي و مش موجوده في التوكيل ممكن الجهاز ده يفكها لي من عربية جديدة عند التوكيل و يديها لي زي ما شفت في احد دول الخليج كان واحد صاحبي خليجي شاري عربية جاكوار علي الزيرو و فانوسها اتكسر راح التوكيل يشتري الفانوس التوكيل قاله لسه قطع غيار الموديل ده مش متوفره راح اشتكاهم طلع مندوب من الجهاز ده و راح معاه التوكيل و لما تأكد من عدم توفر الفانوس اجبر صاحب التوكيل علي فك فانوس من عربية جديدة واقفة في المعرض و قال له مادام انت الوكيل لازم توفر قطع غيار العربيات اللي عندك و اللي انت واخد التوكيل بتاعها . فهل ده ممكن يحصل عندنا ... لا أعتقد !!

اكيد طبعا ميحصلش فى مصر

**bishoy02010** · 25-04-2010 03:40 AM

المشاركة الأصلية كتبت بواسطة mohamed1979

اعتقد يا باشا انه ساعتها حيقول انك غير منتظم بالصيانه و ده طبعا حقه
لأنه من شروط سريان الضمان على العربيه انك تكون منتظم بالصيانه

+1111

**أحمد كمال** · 25-04-2010 03:46 AM

المشاركة الأصلية كتبت بواسطة super_star_h

مافيش حاجه اسمها تخرج من الضمان
افرض ماتور باظ ؟
ايه هيقولولك خارج الضمان
ده انت ساعتها تعمل فيهم محضر
فى حاجه اسمها حماية المستهلك

اعمل محضر و اشتكي براحتك و مش هتاخد حق و لا باطل لانك غلطان في الحالة دي .......

ليه؟

لان الضمان ده عقد بين البائع و المشتري

و العقد من شروطه عمل الصيانات الدورية في مواعيدها المحددة طبقا للجدول لدى الوكيل او احد المراكز المعتمدة

لو الموتور باظ ماهو ممكن يكون بسبب ان الزيت ما اتغيرش او اتغير بزيت مش كويس او اي كلام او اتغير متاخر

ساعتها يبقى ليهم الحق انهم يقولوا لك لآ مالكش عندنا ضمان

بالاضافة الى ان الضمان بيتغطى بجزء من مكاسب الصيانة في العربيات

-

الموضوع: يحصل ايه لو مش روحت صيانة ال 10000 في التوكيل ؟؟

LinkBack

أدوات الموضوع

عرض

-

-

-

المواضيع المتشابهه

عملت صيانة ال5000 وياريتنى ما روحت التوكيل

عملت صيانة الـ 10000 في القطامية و يا ريتني ما روحت

صيانة ال 10000 لازم تبقى فى التوكيل؟؟؟

صيانة الـ 10000 كم وتدارك التوكيل للموقف

تحذير للعمل صيانة ال 10000 ومضاعفتها فى التوكيل

الكلمات الدلالية لهذا الموضوع

المفضلات

المفضلات

ضوابط المشاركة