الموضوع: نقط مياه التكييف

المشاركة الأصلية كتبت بواسطة hellboy

مشكور ياباشا وهو ده اللي انا باعمله بالضبط بااحط ميه صرف تكييف وعليها علبه ميه خضرا امريكاني ..

وده عامل ايه معاك
يعنى دوره التبريد طبيعيه و مفيهاش مشاكل ؟
و علبه المياه الخضراء نوعها ايه و ايه الفرق بينها و بين المياه الخضراء
الموبيل او الايديا ؟

المشاركة الأصلية كتبت بواسطة asemx1

اولا بشكر الى فتح الموضوع دا واضح انه بيفكر او بيسال
الميه الى بتنزل من التكيف هيا مياه مقطره
والمياه المقطره تعنى مياه خاليه من الاملاح
يعنى الميه المقطره غير مستثاغه شربها ومحدش يقدر يشربها لان طعمها مش حلو وغير محتويه على الاملاح الى تفيد الجسم
1-تتكون نسبه الاملاح فى المياه المقطره من 5-10 جزء فى المليون
2- مياه الشرب المعدنيه من 100-200 جزء فى المليون
3-ى مياه الشرب من 200 -500 جزء فى المليون واكتر من كدا يعتبر ماه عسر وغير قابله للشرب او لاستحمام لانها مش هتكون رغاوى
4-مياه البحار من 5000 الى 10000 جزء فى المليون

طيب ايه الى يحصل لو حطينا مياه شرب عاديه فى الرادياتير
1-بفعل الحراره هينتج تكون املاح مترسبه على جدران الانابيب والرادياتير ودا هيؤدى لتكون صدا مع الحراره
2- تاكل الاجزاء المعدنيه من الصدا
3- لو حطيت مياه عسر ومش واخد بالك هيتكون رغاوى بيضاء مع الحراره فى المواسير وتكون رواسب على جدران المواسير يؤدى لسوء انتقال الحراره فى الرادياتير وسد المواسير ( والرغاوى دى تشوفها فى البحر دايما )

طيب يبقى الحل الوحيد اننا نحط مياه مقطره الخاليه من الاملاح وخاليه دى معناها الاملاح فيها من 5-10 جزء فى المليون
ونلاقى الميه المقطره منين ؟؟؟
من الحاجه الوحيده الى هتلاقيها عند كل الناس هوا التكيفات
اى خرج مياه تكيف بيكون مياه مقطره وكويسه جدا لاغراض الرادياتير والبطاريات
وعلى فكره اى مياه مقطره موجوده فى البنزيمات دى بتبقى خرج تكيف مش اكتر وعلى فكره لو انتا عبيت الميه دى فى البيت اضمن من بتاعت البنزيمات الى ممكن تكون مياه عاديه
----------> ازاى اعرف ان الميه دى ميه مقطره ؟؟
دوقها عادى اشرب منها شويه وبلسانك تحسس كدا لو لقيتها طعمها مش ظريف وبتنشف بؤك كدا واتقرفت منها تبقى دى مقطره لو ليها طعم عادى ممكن تشربه دى ميه شرب عاديه
---------> ايه احسن الميه المقطره ولا الميه الخضرا ؟؟
لو عايز توفر وتطمن انك حاطط ميه خاليه من الاملاح ومش مضروبه زى الى بتتباع بره يبقى حط ميه المقطره دا احسن حاجه واحسن حل وهتستفيد بخرج التكيف كمان وتشبرا نفسك بميه مساحات وميه بطاريه كمان ههههههه
وعلى فكره الميه المقطره تنفع ميه بطاريات ومساحات اوى لانها بتحافظ على ماتور المساحه والخراطيم وبالنسبه للبطاريه بتحافظ انتوا عارفين انها بتتزود بميه مقطره
خلاصه الحوار
( ميه التكيف الخارجه منه مفيده جدا للعربيه سواء للبطاريات او المساحات او الردياتير وكمااااااااااااااااان الغسيل العادى )
اه ودى مفيهاش شوائب ولا كلام من دا لانها بتتكون من تكثف بخار المعلق فى الجو والرطوبه والعرق على السربنتينه الداخليه للتكيف ووبعدها بتنزل على هيئه ميه فى الخرطوم يعنى مافيش اى تراب ولا كلا من دا فيها
طولت عليكم بس دا الخلاصه كمان ارجو اكون افدتكم
تحياتى ....,

الف شكر يا باشا على الرد
ده انا كنت ناوى مع الردود الاولى انى اقلع عن الفكره لكن مع رد حضرتك انا هستمر بتزويد الريداتير بمياه صرف التكييف مع اضافه مانع صدا العلبه الحديد او علبه مانع الصدا بالبزينات

بس السؤال الاول كل كام ( زمن او كيلو متر ) ازود بعلبة مانع صدا
السؤال الثانى افرغ ازاى علبة مياه المساحه علشان اعبيها مياه التكييف من الاول

وشكرا من الان على المعلومات

المشاركة الأصلية كتبت بواسطة هيثم

وده عامل ايه معاك
يعنى دوره التبريد طبيعيه و مفيهاش مشاكل ؟
و علبه المياه الخضراء نوعها ايه و ايه الفرق بينها و بين المياه الخضراء
الموبيل او الايديا ؟

الحمد لله لاتوجد مشاكل ( عربيتى لادا مشهوره بالسخونيه )
المياه الخضراء بالعلبه الحديد بتكون صناعه اميركى 443 ملى فى حدود ال10 جنيه
وفى العلبه البلاستيك اشتريتها من بنزينة وطنيه ب 6 جنيه بس حجم اقل
ومفروض التركيز اعلى من المياه المقطره بالجراكن
والله اعلى واعلم