البطارية والدينامو

**wael abbass** · 23-01-2008 11:17 AM

ارجوا المساعدة العاجلة من الاخوة اعضاء المنتدي
عربيتي 128 مو 1997 انا لسة مغير البطارية من عشرة ايام وقست شحن الدينامو قلولي مفيش مشكلة فية و لسة مغير البوجيهات من شهر
وبعد كل دة النهاردة الصبح دورت العربية زق
طيب هو في حاجة تانية ممكن تخلي العربية مدرش الصبح
ارجوا المساعدة

**wael abbass** · 26-01-2008 09:59 AM

ارجوا المساعدة من السادة الخبراء
فين الردود اخوكم جديد في موضوع العربيات فمش عاوز حد يشتغلني من الصنايعية

**hisham farrag** · 26-01-2008 11:32 AM

المارش كان بيدور ولا لا,
اذا كان بيدور وصوتة طبيعى فى الدوران ممكن يكون السبب من الابلاتين والكوندنسر(دائرة الإشعال عموماً ممكن يكون فيها عيب)وتكون البطارية سليمة فى هذة الحالة

**wael abbass** · 26-01-2008 03:29 PM

فعلا كان بيدور مفيش مشكلة بس بالنسبة الابلاتين والكندنسر تنا كشفت عليهم الميكانيكي قلي كويسين مش عوزين تغيير ممكن يكون في حاجة في الدينامو

**farahat** · 26-01-2008 05:36 PM

ممكن تكون فتحة إلأبلتين مش مظبوطة ولا حاجة (يكون قافل مثلا ) ، ممكن المكانيكي يضبطوا بس و خلاص.

**ahmedezzat78** · 26-01-2008 11:02 PM

[quote=farahat;157379]ممكن تكون فتحة إلأبلتين مش مظبوطة ولا حاجة (يكون قافل مثلا ) ، ممكن المكانيكي يضبطوا بس و خلاص.[/quote

كتير بتحصل ان كوندسر جديد يبقى بايظ و ممكن يكون الابلاتين مقفول شويه (ودى تعرفها لو العربيه بتنتش او مبرجله معاك و هيه دايره)

طالما المارش دار يبقى البطاريه تمام و المارش تمام و كمان الدينامو

خلى الكهربائى او الميكانيكى كمان يزودلك سنه كهرباء فى الشتاء عشان تدور بسهوله

اخر حاجه : ممكن تكون دوست بنزين كذا مره اثناء محاوله التدوير و العربيه شرقت و فى الحاله دى تسيبها خمس دقايق ما تعملش فيهم حاجه و بعدين تدوس بزين تدريجيا لغايه ما تلزق الدواسه فى الارض و بعدين تدور .........اول ما تحس انها بتقول معاك شيل رجلك من على دواسة البنزين

فى الشتا بوجه عام يستحسن تور و انت شادد الشفاط