حاجة زفت!!!! انا قرفت من الصياع بتوع اشوف الرخص

**thatha** · 22-04-2010 03:40 PM

امبارح اتحطت في موقف زفت. كنت مروح مع خطيبتي . كنا بنتخانى. رحت راكن عند شارع جمب القصر كوبري القبة و اتكلمت معها. مافيش 1 دقيقة . لاقيت 2 صايع قدام و جنب العربيه و بيقولوي رخصك!!
قلت هما اكيد يا حرامية يا حرامية بس قلت يمكن مباحث!!
ما علينا. اديتو الرخص . و قلتيلوا خير!
قالي عايز البطاقة و بطاقتها. قالتله لية ان شاء لله . مانت معاك الرخص و هي مش حتديك البطاقة.
قالي طب نزل ازاز العربيه و انت بتكلم. قلت لا . قالي انا حجيب البوكس. قالتله هاتوا!!!
انا مش باعمل حاجة انا ركنت بتكلم. لو مخالف اقف هنا يا مشي يادفع مخالفة!
شوية قال ليا ياباشا انا مردش على زعلك!
المهم اديته 20 جنيه و خت الرخص بس حرق دمي!!!
انا كدا غلط ولا ايه المفروض اعمله في موقف زي ده

رجاء مراعاة الدقة عند كتابة لفظ الجلالة

5:29pm 23/4/2010
مشرف القسم 9ب

**romeo_6887** · 22-04-2010 03:44 PM

المرور ده بقي عباره عن سبوبه و ماشيه الله ينور

**Amrrr** · 22-04-2010 03:48 PM

انا اتعرضت لموقف شبه كدة بالظبط بس انا غلسوا اوي معايا والبوكس كان موجود بالفعل وفيه ظابط وطلب تفتيش العربية - بتاعتها - وعشان معملشي قلق سيبته يخلص كل اللي هو عايزه وفي الآخر قلت للظابط مطلوب حاجة تانية ؟ رخص وبطايق ومعاك وتفتيش وملقيتشي حاجة ممكن امشي عشان اتأخرت على بيتها ؟ اداني الحاجة ومشيت !!! بس هو كان ظابط مؤدب بأمانة

هو الأحسن عدم الوقوف في منطقة تكون قلق او فاضية وطالما مش بتعمل حاجة غلط وهي خطيبتك يبقى خسارة العشرين فيهم بس برضة العالم دي صيع زي ماقلت وفاضيين وانت كبرت دماغك منهم بس بطريقتك - انك اديتهم فلوس - والموقف عدى وخلاص ماتحطش نفسك فيه تاني !!!!! زيي بالظبط

حاجة اخيرة لو لابسين عادي مش ميري لازم تشوف الكارنيه بتاعه ولازم يطلعهولك ودا حقك وتتأكد انه فعلا مباحث وبعد كدة تبدأ تتكلم معاه

**thatha** · 22-04-2010 03:52 PM

ياجدعان انا اديتوا فلوس بعد ما اقعد يقول(مش عايز ازعلك يا باشا و كلام مندا) . حاسسني انه عايز فلوس . بس انا مش بعمل حاجة غلط عشان ده كله!!! ايه القرف ده. انا بس اشترت دماغي و دفعت 20 جنية

**GMakram** · 22-04-2010 03:55 PM

انا شايف انك غلطان طبعا,طلما اى بنى ادم لابس ملكى(يعنى مش لابس ميرى) وقالك رخصك تحط صوابعك الاتنين فى عينه,لما يقولك رخصك قوله وش انت مين علشان تقولى رخصك,اه ممكن يكون مخبر اى امين لابس ملكى بس طلما مش لابس ميرى يبقى متطلعش رخصك لحد,ده انا مره كنت ماشى عكسى فى شارع ومكنتش عارف انى ماشى عكسى قام وقفنى عسكرى وقاللى رخصك قلتله نعم؟رخصى؟ انت رتبتك ايه؟ قالى عسكرى قلتله ومن امتى العساكر بتشوف رخص؟مش العربيه عليها نمر؟قالى ايوه قلتله اكتب النمر فى الدفتر اللى معاك قاللى يا باشا انت ماشى عكسى قلتله قولى انت ماشى عكسى لكن متدخلش عليا تقولى رخصك والفيلم ده واديته خمسه جنيه
الخلاصه انه فعلا حكومه بلدنا بقت شوربه وبالذات اداره المرور بس لازم تهب فيهم جامد علشان متتركبش

تقبل تحياتى

**thatha** · 22-04-2010 03:57 PM

ايوة يا مكرم بس . كان معايا خطيبتي و خفت من البهدلة .دول صييع

**Amrrr** · 22-04-2010 04:00 PM

انا مش عارف تقصد القرف ايه بالظبط !!! بس عموما انا مقصدتش حاجة خالص على فكرة
انا برضة ماكنتش باعمل حاجة غلط بس سيبته اشوف اخره ايه
واللي انت عملته مش غلط الواحد بيبقى مش عايز قلق لنفسه ولخطيبته وانا باكره اوي ادي العالم دي فلوس

**thatha** · 22-04-2010 05:28 PM

انا قصدي عيب كده. لو شافوني بعمل حاجة يبا معاهم حق. بس مش عشان انا واقفت في شارع و معيا واحده . يبقي خلاص. ثما الدنيا كانت نور!!!! الساعة 5

**Imhotep** · 22-04-2010 05:47 PM

معلش متضايقش بزيادة اهو موقف و عدى و للاسف الفساد بقى سائد

**HeMa_LanCeR** · 22-04-2010 06:55 PM

نفس الحوار حصل معايا بس انا كنت رخم قوي
باردو قاعد مع واحده صحبتي في العربيه كان عندها مشاكل وبتتكلم معايا دا حتي اخوها الصغير كان معانا
المهم وانا واقف علي كوبري (روض الفرج - اللي بدودي علي امبابه)
وراكن وقافل الازاز ومشغل التكييف وجه واحد لابس لبس عسكري بس مجرد قميص وبنطلون فقط ولا حزام ولا باريه ولا اي حاجه
وبيخبط بيقولي الرخص قولتله خير قالي انا امن الكوبري وقولتله عايز ايه قاللي الرخص قولتله ليه قالي اشوفها
قولتله حاضر روحت مطلعها ولازقها في الازاز قولتله بص عليها وهي من جوه كده
لقيته بيوقلي ازاي ومش ازاي
جه واحد تاني قالو في ايه قاله اللي حصل قالي طيب انزل ثواني عيزك قولتله هخلص كلام ونزلك
المهم نزلتله بيقولي ياعم مالك شادد علينا كده ليه وقعد يمثل وفي الأخر وريته الرخص علشان يتأكد بس انها مش مسروقه
وخلاص علي كده
خليك تنح معاهم وهما هيقلقو جامد