اعمل فين الحاجات دى كلها؟

**Nile Heart** · 23-01-2008 06:58 PM

باذن الله انا قريبآ ناوى اقوم بعمل تجديدات فى العربيه لآنى أومن ان الوقايه خير من العلاج خصوصآ انى لا املك ترف تضييع الوقت عند الميكانيكيه اذا حدث شىء لا قدر الله

ما انوى تغييره هو
- طقم الدبرياج بالكامل (اسطونه وديسك وبليه وسلك)
- مساعدين امامييين
- تيل فرامل امامى

انا مش عايز اعمل الحاجات دى فى التوكيل, لكنى فى نفس الوقت مصمم انى اجيب القطع الأصليه واركبها عند واحد متخصص محترف

ياترى اجيب القطع منين واركبهم عند مين؟

اسألكم النصيحه جميعآ وأخص بالذكر الأستاذ كريم منير جزاه الله كل خير
وشكرآ

**Nile Heart** · 25-01-2008 02:41 PM

Guys please try to help

Thank you

**أبو عبدالله** · 25-01-2008 03:11 PM

أولا الوقاية خير من العلاج انا معاك
بس ممكن اعرف هيا العربيه عامله كام علشان تغير الحاجات دي .؟

تاني حاجه
انا انصحك ونصيحه لأخ فاضل ان لو هتغير الحاجات دي يبقى احسن مكان الوكيل لأن غير كده صدقني عوامل الخطأ احتمالاتها عاليه وساعتها هتندم أشد الندم لن الحاجات دي بتبقى بالسنتى والملي
اي حاجاه مش هتتعمل صح هتقرفك انت
ولذلك لو عملت في الوكيل اي مشكله ده لو حصل اصلا هيبقى عليه وهتبقى في الامان
وانا اعرف انك مش مضحي بأن العربيه تتبهدل او تقرفك
وربنا يعينك

بس في النهاية موضوع التغيير دي يعني لو العربيه ماشيه 300 الف او 400 الف علشان تتكلم في الكلام ده

**Nile Heart** · 25-01-2008 05:33 PM

yaahhh!!

Thanks my friend, my car has 105,000 only now.. but i don't want to run into trouble later

plus the car shakes a little now when i start on 1st, so i think it's a clutch problem

Thanks again
(i don't have arabic at home)

**rafeee2** · 25-01-2008 08:06 PM

المشاركة الأصلية كتبت بواسطة Nile Heart

plus the car shakes a little now when i start on 1st, so i think it's a clutch problem

معتقدش إن دة دبرياج، افتكر يا كهربة يا قواعد موتور.

**limo** · 25-01-2008 10:25 PM

انا رأى انك تروح التوكيل تعمل كشف عام على العربيه
وبعد كده تشوف ايه الحاجات الى ممكن تتعمل بره التوكيل والحاجات الى ممكن تتعمل فى التوكيل

**Karim_Monir** · 26-01-2008 01:23 AM

حبيب قلبي عذرا لسه شايف الموضوع ولو دايما في مهم ابعتلي عالخاص لاني بتابع الرسايل قوي
شوف قطع الغيار الاصلية لا بديل عن عرفة جابر لانه بيعتبر اكبر مستورد قطع غيار تويوتا الاصلية
ويعتبر اكبر موردين قطع الغيار لتويوت ايجبت وبيديلك ضمان على قطع الغيار تقريبا
والمركز الرئيسي بتاعهم في شارع دمشق
وكمان في العالمية لقطع غيار تويوتا بس عن نفسي بثق جدا في عرفة جابر
اما عن التغيير هما ليهم مركز خدمة معتمد تويوتا بتاعهم وعندهناس ممتازين
انا عارف ان العضو ادفيكوا كان ليه تجربة سيئة معاهم بس انا عارف انه غير الطقم كله بس الميزة ان هما اللي هايشتغلوا وقطع الغيار بتاعتهم وليهم مركزين واحد جوة المطار في بنزينة التعاون والتاني في بنزينة وطنية اللي في امتداد الدائري
وفي الحرفيين بقى في اكتر من واحد كلهم ممتازين ابتداء من رفعت قليني ده متخصص ياباني حديث بس غاللي
وكمان مهندس روبير بس بمواعيد وعايش الدور قوي بس بصراحة بيفهم جدا
وكمان مهندس وجدي اللي شغال في هيونداي ممتاز جدا وصبور وبيفهم جدا
انوي على اي واحد فيهم وانا معاك
والتوكيل فعلا غاللي جدا
بس ممكن تكلم مركز تويوتا العبور تعرف اسعار قطع الغيار والمصنعيات عشان تكون رفرانس ليك

**Nile Heart** · 26-01-2008 08:41 AM

Thanks alot Karim basha
you're helpful as always

I was thinking of Arafa Gaber indeed, and i actually did last mentainance (100,000) at their center in the airport

I'm going today to Obour & I'll ask about the spare parts as you recommended

Thanks alot again

**asemx1** · 28-07-2010 12:54 AM

ممكن يكون دا دبرياج فعلا وهوا احتمال كبير دبرياج
بس اقولك حاجه لو تقدر تجيب القطع دى او تجيبها من المنصوره عندنا هنا واحد عفشجى بيسافرله الناس من كل انحاء الجمهوريه يغيرهوملك فى ساعه ونص وعن تجربه فى عربيتى ونظافه وامانه وكل حاجه
وانا بقولك انك هتلاقى هنا ملاكى القاهره كتييييييييييير وبورسعيد والاسماعيليه والسويس والبحر الاحمر والاسكندريه بيجوله علشان يغيروا ويصلحوا عنده
دا من الاخر وربنا معاك لو عزت اى استفسار ابعتلى