الموضوع: >>>> كل شيء عن التيجو <<<<

حد يعرف متور التيجو 2000cc متور ايه من 2008 الى 2011

ياريت يا جماعه اي تقرير مفصل عن تيجم الجديده "الفيس لفت"
تقريبا مبيعاتها قليله ..... مابشوفهاش الا نادرا

علي فكرة انا كان معايا تيجو٢٠١٠ ١٦٠٠سي سي مانيوال وبعتها بعد٣سنين العربية طبقا لتجربتي ما ينفعش تفضل معاك اكتر من٣ او٤ سنة بالكتير نظرا للاتي
خامتها تعبانة زي مثلا الكاوتش والبلاستيك بتاع الابواب وحول الزجاج بيتكسر ويتفتفت لوحده ولما سالت عليه مش موجود خالص
والفوانيس وشها بيصفر برضه لوحده من الشمس
حاجة تانية في التلات سنين غيرت الاتي
طلمبة مياه علبة وطلمبة باور وما ادراك علبة الباور قعدت العربية في التوكيل اسبوعين لاني لفيت الكرة الارضية ومش لاقيها مع العلم انها عبارة عن علبة بلاستيك بلغة السوق خزنة الباور زي علبة مية المساحات
علي العموم هي عربية متواضعة وبعد زيادة سعرها لا انصح بشرائها خاصة ان في بنفس الثمن حاجات احسن بكتير ولاي استفسار انا موجود ويشرفني الاجابة وشكرا
مالك تيجو سابقا والحمدلله

معاك حق ياريت نقول الفئات فى هذا السعر وهافترض انها تيجو 2015 اوتوماتيك وسعرها 129.900 يعنى 130 الف , طيب فى السعر ده هاتقوللى نيسان صنى سوبر صالون ودى طبعا فئة ودى فئة لو مش عايز SUV (تجمع بين شكل الجيب ومواصفات السيدان) يبقى النيسان افضل خاصة السوبر صالون بكمالياتها المتعددة( ابحث فى المنتدى عنها ) , او الشانجان ودى لسه لم تكمل عدة اشهر ولم تنتشر للحكم عليها , او البرليانس v5اول فئة مانيوال(133الف) او تدخل على هيونداى وكيا وتاخد سيارات فاضية بدون اى بى اس او ايرباج وجنط اقل من 15 او تشوف الرينو والرينج ده يوفر لك سيارات كويسة بس كلها مانيوال منها السيدان مثل اللوجان (هاى لاين) او suv مثل الدستر
وياريت لو فيه معلومات اخرى عن هذه الفئات السعرية ناخد فكرة, لان الاسبيرانزا تتفوق فعلا فى هذه الفئة حتى الان من وجهة نظرى واتمنى لو احد اخر له وجهة نظر يقولها عشان نستفيد كلنا
مع الشكر الجزيل

الحقيقه ياجمااعة انا كان معايا a516 وقعدت معايا اربع سنيين كامليين شغل شااق بمعنى شاق والصرااحة انا ماشفتش من العربيه غير كل خير وطبعا كان فى مشاكل بتواجهنى بس المشاكل الطبيعيه اللى هتقابلنا كلنا فاى عربيه سواء يابانى اوكورى وده طبيعى لان استحالة فى عربية مش بتصرف وبيرجع بردو للاستعمال ودلوقت انا هاجيب التيجو 2015 اوتوماتيك ولفت نظرى بصرااحه انى شاايف ناس كتير بتتكلم عن طلمبه الميه تحديدا وبعدها الباور
ياترى حد ممكن يفدنى فالموضوع ده خصوصا انى لسه هشترى فابقى عامل حسابى واعرف هتصرف ازااى لان انا ماينفعش اوقف العربيه وزى مانا سامع انك لازم تروح التوكيل وتسيب العربيه وكده ؟
الساده الافاضل للى اشترو العربيه وجربوها ياترى ايه نصيحتكم
وايه اللى اخد بالى منه ؟؟
ولو سمحتم ايه الحاجات اللى افتش عليها وانا بستلم العربيه ؟
لان كان فى حاجات بتواجهنى فالعربيه ال516 بس كانت فالتقفيل زى دراع الكراسي بكرة الكاسيت ومن هذا
واسف لو هتقل عليكو ياترى الاوتوماتيك فى مشاكل بالنسبه للى جربو العربيه ونصيحتكم
وللجميع جزيل الشكر وبأسف على الاطالة