-
>>>> كل شيء عن التيجو <<<<
-
شكرا ياباشا علي المجهود الكبير ويريت الموضوع يتثبت
-
الله ينور ايه الجمال ده مجهود رائع واحسن حاجه قولتها مو ضوع الجماعه اللي بيفتوا ويكسرواالمراكب السايره وكما اسميتهم المخربين واكاد اجزم ام ولا واحد فيهم عمره ركب عربيه صيني ولا حتي افغاني ولا عنده عربيه من الا صل بس انا ليا سؤال صغير حضرتك زي ما هو باين من اللو جو انك مش من ملاك التيجو لكنك مدافع جيد عنها يا ريت اعرف ايه السبب ومشكورا علي الجهد الرئع
-
الف شكر ياباشا ولله اول موضوع يستاهل شوفتة انهاردة ..
تسلم ايدك ..
-
اقتباس:
المشاركة الأصلية كتبت بواسطة hugan
الله ينور ايه الجمال ده مجهود رائع واحسن حاجه قولتها مو ضوع الجماعه اللي بيفتوا ويكسرواالمراكب السايره وكما اسميتهم المخربين واكاد اجزم ام ولا واحد فيهم عمره ركب عربيه صيني ولا حتي افغاني ولا عنده عربيه من الا صل بس انا ليا سؤال صغير حضرتك زي ما هو باين من اللو جو انك مش من ملاك التيجو لكنك مدافع جيد عنها يا ريت اعرف ايه السبب ومشكورا علي الجهد الرئع
انا من عشاق العربيات
و بحب جدا اعرف حاجات كتير عن كل عربيه
مش من الناس اللي اول ما تركب عربيه تلاقي اسمها اتحول مش بس في المنتدي بل في البطاقه الشخصيه الي نوع عربيته
و اللوجو ده انا حاطه في توقيعي علشان راكب نيسان حاليا
و من قبله كنت حاطط بتاع الفيليشيا
و التيجو بصراحه عاجباني جدا
و للاسف المواضيع بتاعتها يا اما بتتنسي و تهمل يا اما بتقلب خناقه او الموضوع يتشتت
و للاسف الشديد ناس كتير من اللي كانو بيسئلو عنها في المواضيع اللي انا مجمعها اهم اشتروها و جربوها و معادش عندهم رغبه في الرد علي استفسارات الاعضاء عن العربيه
و باقي اعضاء المنتدي عند معظمهم حاله غريبه من التشتت
تلاقي الواحد منهم مقتنع تماما انه علشان يبقي اسمه راكب عربيه لازم يدفع فيها دم قلبه و يستلف و يقسط و يداين
و لما بيلاقي عربيات بسعر مناسب و جوده معقوله نفسه بتصعب عليه
و يدخل شمال علي طول في العربيات الصيني بلا منطق او حجه الا انها صيني
و يمكن يكون ليه تجارب مع منتجات صينيه سيئه قبل كده
انما العربيات مش زي الولاعات ولا لعب الاطفال الصيني بتاعت زمان
الصين كدوله لها مستقبل واعد جدا جدا
و اللي تعب نفسه و قرا و بحث هيوصل لنتيجه غريبه شويه
الصين مهيأه تماما للهيمنه علي العالم في غضون فتره بسيطه
و يكفي انها مداينه الولايات المتحده الامريكيه
و نرجع بالكلام عن العربيات الصيني
حد سئل نفسه من جماعه المهاجمين دول سؤال مهم ؟!
هو العربيات بتنتج من سنه كام؟
و ايه مراحل انتاج سياره؟
و هل تصميم عربيه اي عربيه بعد ما يقدم بيحصله ايه؟
اللي بيحصل ان الشركه صاحبه التصميم بتبيع خط الانتاج لشركه اخري
صناعه السيارات صناعه مكلفه جدا جدا ولا تستطيع شركه انتاج عربيه بالكامل
و التصميم اللي قدم ده مش هيباع طبعا بنفس الشكل نهائي الا فيما ندر
لازم شويه تعديل في الفرش و الصالون و الشكل الخارجي
امال قطع الغيار هتتباع ازاي؟
و لنا امثله امامنا في السوق المصري كتيره قوي قوي
و المصيبه التقيله جدا
ان جمهور المستهلك المصري متشبت بدفع مبالغ خياليه و يقولك بشتري راحتي و اماني
طب ماهو العربيات بتتعمل من زمان قوي قوي
حد اشتكي مثلا من عربيه صيني انها بتعمل زي عربيه موديل 70 او 80؟!!
طبعا لأ
محدش سأل نفسه ليه؟
لأن العربيات الصيني الموجوده ماهي الا اعاده تدوير موديلات قديمه نسبيا
التيجو اعاده تدوير التويوتا راف
اكسبلوجن اعاده تدوير التيريوس القديم
الشيري كيو كيو اعاده تدوير الماتيز و اللي برضو نزلت مؤخرا كسبارك الي السوق (تحب تدفع حاجه و ستين الف في عربيه هي هي بتتباع ب 44 الف؟)
و اللانوس اعاده تدوير لتصميم الاوبل فيكتر 95 علي ما اتذكر
و هلم جرا
الشعب المصري بيموت في اللي يضحك عليه
و التقرير عن اسعار السيارات بعد جمركتها و اسعار بيعها الي المستهلك كان منشور مؤخرا حد شافه؟
فضيحه بكل المقاييس
كل ده نهب و سرقه فينا؟
و لو بعدنا عن مجال العربيات و دخلنا لمجال طب الاسنان
ياما جالي ناس و عرفت منهم المبالغ الفلكيه اللي دفعوها عند دكاتره اسنان تانيين
و ياريت الشغل المعمول ليهم حاجه tip top مثلا
بالعكس
ده انا ساعات كتير بصلح شغل معمول عند دكاتره مشهورين و تقال
بس مدام كشفه و اسعاره غاليين يبقي اكيد حلو
و لو طلع عيب او مشكله يبقي من العيان مش من الدكتور
و محدش بيصدق طبعا ليه بقي لأنه غالي
و الغالي تمنه فيه
و ده نفس الاسلوب اللي التوكيلات بتعمله معانا كشعب
لو تمن عربيه زاد عن الحد المعقول تلاقي الناس جريت اشترت العربيه لدرجه انها تاخد لقب 128 الشعب
تسألهم ليه يقولك قبل ما تغلي تاني الحقها و واحد يقولك فلوسي فيها وقت ما ابيعها ابيعها
طب انت حاطط فلوسك في بنك او استثمار؟
دي عربيه ممكن بكره الصبح عامود نور و هي مركونه يجيب قضاها
تفكير ساذج
طب تسأل نفس الشخص هل العربيه زاد فيها حاجه تبرر زياده السعر
الاجابه طبعا ابدا
واحد زي ده لما بيلاقي نفسه دافع دم قلبه و جايب عربيه يادوبك مفيهاش حاجه مميزه عن غيرها و شايف عربيه بسعر ممتاز جدا جدا و بقي لها سمعه و كفائه بيتجنن
مبيكونش قدامه الا انه يثبت قدام الناس ان العربيه الصيني دي زباله و فيها و فيها
و لو عربيات من ماركه من الماركات اياها طلع فيها عيوب تصنيع بالجمله او عيوب تصنيع مشهور الناس تسكت و تكفي علي الخبر مجور و تتلمس الاعذار بشتي الطرق للدفاع عن مش بس عربيه ده دفاع عن عقيده!
و لو عربيه صيني واحده من العربيات اللي ماشيه في المحروسه حصل لها حاجه بيكون الموضوع ده مسمار جحا اللي مستنيينه علي احر من الجمر للنيل من الصناعه الصيني
و انت بتسألني انا بدافع ليه عن التيجو و الصيني
انا هسألك ليه ملاك الصيني ميكونوش علي درجه من النضج و الايجابيه انهم هما اللي يعملو كده و اكتر؟!!!
-
بصراحة يادكتور مواضيعك دايماً مميزة وتستحق الثناء
-
-
موضوع جامد جدا
الله ينور عليك
العربية الحقيقة عجباني
-
اقتباس:
المشاركة الأصلية كتبت بواسطة amir
و انت بتسألني انا بدافع ليه عن التيجو و الصيني
انا هسألك ليه ملاك الصيني ميكونوش علي درجه من النضج و الايجابيه انهم هما اللي يعملو كده و اكتر؟!!!
بيقولوا عليه زيي في الاخر....بتاع دعاية :Ka_che1[1]:
-
انا من حوالي 5 اشهر كنت عاوز ا جيب عربية
كنت همووووووت و اجيب التيجو و سألت عليها و قرات كل الكلام عليها في المنتدي بس محدش ريحنييي
و قالو في مشاكل بس التوكيل بيحلها
ناس تقول الفرامل و العفشة ووووووووو,,,,,,,,,,,,,,,,,,,وو
طيب لية
مغيرتش راي اني هشتريها
بس انا اجلت
حتي المدام قالتلي مركبش صيني
بعدها روحت للاختيار 2 وهو الصني
اشتريتها في اقل من ساعة علي طول
امتي بقي يبقي عندي الاقتناع اني اجيب التيجو كدة بدون اي تردد
-
اقتباس:
المشاركة الأصلية كتبت بواسطة amir
انا من عشاق العربيات
و بحب جدا اعرف حاجات كتير عن كل عربيه
مش من الناس اللي اول ما تركب عربيه تلاقي اسمها اتحول مش بس في المنتدي بل في البطاقه الشخصيه الي نوع عربيته
و اللوجو ده انا حاطه في توقيعي علشان راكب نيسان حاليا
و من قبله كنت حاطط بتاع الفيليشيا
و التيجو بصراحه عاجباني جدا
و للاسف المواضيع بتاعتها يا اما بتتنسي و تهمل يا اما بتقلب خناقه او الموضوع يتشتت
و للاسف الشديد ناس كتير من اللي كانو بيسئلو عنها في المواضيع اللي انا مجمعها اهم اشتروها و جربوها و معادش عندهم رغبه في الرد علي استفسارات الاعضاء عن العربيه
و باقي اعضاء المنتدي عند معظمهم حاله غريبه من التشتت
تلاقي الواحد منهم مقتنع تماما انه علشان يبقي اسمه راكب عربيه لازم يدفع فيها دم قلبه و يستلف و يقسط و يداين
و لما بيلاقي عربيات بسعر مناسب و جوده معقوله نفسه بتصعب عليه
و يدخل شمال علي طول في العربيات الصيني بلا منطق او حجه الا انها صيني
و يمكن يكون ليه تجارب مع منتجات صينيه سيئه قبل كده
انما العربيات مش زي الولاعات ولا لعب الاطفال الصيني بتاعت زمان
الصين كدوله لها مستقبل واعد جدا جدا
و اللي تعب نفسه و قرا و بحث هيوصل لنتيجه غريبه شويه
الصين مهيأه تماما للهيمنه علي العالم في غضون فتره بسيطه
و يكفي انها مداينه الولايات المتحده الامريكيه
و نرجع بالكلام عن العربيات الصيني
حد سئل نفسه من جماعه المهاجمين دول سؤال مهم ؟!
هو العربيات بتنتج من سنه كام؟
و ايه مراحل انتاج سياره؟
و هل تصميم عربيه اي عربيه بعد ما يقدم بيحصله ايه؟
اللي بيحصل ان الشركه صاحبه التصميم بتبيع خط الانتاج لشركه اخري
صناعه السيارات صناعه مكلفه جدا جدا ولا تستطيع شركه انتاج عربيه بالكامل
و التصميم اللي قدم ده مش هيباع طبعا بنفس الشكل نهائي الا فيما ندر
لازم شويه تعديل في الفرش و الصالون و الشكل الخارجي
امال قطع الغيار هتتباع ازاي؟
و لنا امثله امامنا في السوق المصري كتيره قوي قوي
و المصيبه التقيله جدا
ان جمهور المستهلك المصري متشبت بدفع مبالغ خياليه و يقولك بشتري راحتي و اماني
طب ماهو العربيات بتتعمل من زمان قوي قوي
حد اشتكي مثلا من عربيه صيني انها بتعمل زي عربيه موديل 70 او 80؟!!
طبعا لأ
محدش سأل نفسه ليه؟
لأن العربيات الصيني الموجوده ماهي الا اعاده تدوير موديلات قديمه نسبيا
التيجو اعاده تدوير التويوتا راف
اكسبلوجن اعاده تدوير التيريوس القديم
الشيري كيو كيو اعاده تدوير الماتيز و اللي برضو نزلت مؤخرا كسبارك الي السوق (تحب تدفع حاجه و ستين الف في عربيه هي هي بتتباع ب 44 الف؟)
و اللانوس اعاده تدوير لتصميم الاوبل فيكتر 95 علي ما اتذكر
و هلم جرا
الشعب المصري بيموت في اللي يضحك عليه
و التقرير عن اسعار السيارات بعد جمركتها و اسعار بيعها الي المستهلك كان منشور مؤخرا حد شافه؟
فضيحه بكل المقاييس
كل ده نهب و سرقه فينا؟
و لو بعدنا عن مجال العربيات و دخلنا لمجال طب الاسنان
ياما جالي ناس و عرفت منهم المبالغ الفلكيه اللي دفعوها عند دكاتره اسنان تانيين
و ياريت الشغل المعمول ليهم حاجه tip top مثلا
بالعكس
ده انا ساعات كتير بصلح شغل معمول عند دكاتره مشهورين و تقال
بس مدام كشفه و اسعاره غاليين يبقي اكيد حلو
و لو طلع عيب او مشكله يبقي من العيان مش من الدكتور
و محدش بيصدق طبعا ليه بقي لأنه غالي
و الغالي تمنه فيه
و ده نفس الاسلوب اللي التوكيلات بتعمله معانا كشعب
لو تمن عربيه زاد عن الحد المعقول تلاقي الناس جريت اشترت العربيه لدرجه انها تاخد لقب 128 الشعب
تسألهم ليه يقولك قبل ما تغلي تاني الحقها و واحد يقولك فلوسي فيها وقت ما ابيعها ابيعها
طب انت حاطط فلوسك في بنك او استثمار؟
دي عربيه ممكن بكره الصبح عامود نور و هي مركونه يجيب قضاها
تفكير ساذج
طب تسأل نفس الشخص هل العربيه زاد فيها حاجه تبرر زياده السعر
الاجابه طبعا ابدا
واحد زي ده لما بيلاقي نفسه دافع دم قلبه و جايب عربيه يادوبك مفيهاش حاجه مميزه عن غيرها و شايف عربيه بسعر ممتاز جدا جدا و بقي لها سمعه و كفائه بيتجنن
مبيكونش قدامه الا انه يثبت قدام الناس ان العربيه الصيني دي زباله و فيها و فيها
و لو عربيات من ماركه من الماركات اياها طلع فيها عيوب تصنيع بالجمله او عيوب تصنيع مشهور الناس تسكت و تكفي علي الخبر مجور و تتلمس الاعذار بشتي الطرق للدفاع عن مش بس عربيه ده دفاع عن عقيده!
و لو عربيه صيني واحده من العربيات اللي ماشيه في المحروسه حصل لها حاجه بيكون الموضوع ده مسمار جحا اللي مستنيينه علي احر من الجمر للنيل من الصناعه الصيني
و انت بتسألني انا بدافع ليه عن التيجو و الصيني
انا هسألك ليه ملاك الصيني ميكونوش علي درجه من النضج و الايجابيه انهم هما اللي يعملو كده و اكتر؟!!!
بجد مفيش كلام يتقال بعد كلا مك غير ان الواحد يقراءه ويبتسم ان لسه في حد بيفكر التفكير المنطقي للمره التانيه الله ينور وجهد رائع
-
مجهود رائع وموضوع يستحق التثبيت بجدارة....
-
موضوع رائع ومحتاج يتم تثبيتة وعايزين نسمع باقى اراء مشترى العربية التيجو...انا خدت وقت كبير علشان اشترى التيجو بسبب نفس المشكلة كلام الناس واعى تركب صينى
بس يمكن المشكلة محلولة بالنسبالى انى عايز عربية suv والموضوع تم تحديدة فى 3 عربيات وكانت الفيترا / التريوي / التيجو ونتيجة لغلو الفيترا فتم حذفها. وكان الاختيار الاول بالنسبالى التريوس بس بردة نتيجة غلو السيارة النسبة بالنسة لامكانيها فتم استبعادها وملقتيش غير التيجو اقصادى والعربية فى المجمل حلوة ومش ندمان على شرائها
وبقيت اريح دماغى من كلام الناس الفاضى لدرجة ان واحد قالى ان شكلها زى الزفت علشان اللوجو الكبير فى مقدمة العربية؟؟؟؟؟؟؟؟؟؟؟
وبعدين العربية بالفعل النهارة اكتسحت السوق فى فئة العربيات suv
ومشاكلها ممكن يتم التعايش معاها وياسلام لو التوكيل اتحسن تبقى العملية فلة شمعة منورة
-
اقتباس:
المشاركة الأصلية كتبت بواسطة attiahf
موضوع رائع ومحتاج يتم تثبيتة وعايزين نسمع باقى اراء مشترى العربية التيجو...انا خدت وقت كبير علشان اشترى التيجو بسبب نفس المشكلة كلام الناس واعى تركب صينى
بس يمكن المشكلة محلولة بالنسبالى انى عايز عربية suv والموضوع تم تحديدة فى 3 عربيات وكانت الفيترا / التريوي / التيجو ونتيجة لغلو الفيترا فتم حذفها. وكان الاختيار الاول بالنسبالى التريوس بس بردة نتيجة غلو السيارة النسبة بالنسة لامكانيها فتم استبعادها وملقتيش غير التيجو اقصادى والعربية فى المجمل حلوة ومش ندمان على شرائها
وبقيت اريح دماغى من كلام الناس الفاضى لدرجة ان واحد قالى ان شكلها زى الزفت علشان اللوجو الكبير فى مقدمة العربية؟؟؟؟؟؟؟؟؟؟؟
وبعدين العربية بالفعل النهارة اكتسحت السوق فى فئة العربيات suv
ومشاكلها ممكن يتم التعايش معاها وياسلام لو التوكيل اتحسن تبقى العملية فلة شمعة منورة
مرحبا بأول مالك للتيجو مشارك في الموضوع
همتك بقي في الردود
ولا ناوي تكسل؟!
-
حقيقى مجهود جبار اوى اللى حضرتك عملته يادكتور امير انا واحد من الناس معايا نيو اكسنت 2008 والتيجو الاوتوماتك عجبانى اوى بس خايف اشتريها لان معظم الناس بتقول فيها مشاكل وفى الاول والاخر انت راجل مية مية
-
اقتباس:
المشاركة الأصلية كتبت بواسطة freeman207
حقيقى مجهود جبار اوى اللى حضرتك عملته يادكتور امير انا واحد من الناس معايا نيو اكسنت 2008 والتيجو الاوتوماتك عجبانى اوى بس خايف اشتريها لان معظم الناس بتقول فيها مشاكل وفى الاول والاخر انت راجل مية مية
كتر الف خيرك
انا برضو في نفس حيرتك
و يارب قريب نوجه الشكر لأصحاب التيجو
حد منهم بس يشارك و يساهم في الردود
اديك شايف المواضيع المجمعه مهمله ازاي و يارب ده ميكونش مصير الموضوع ده برضو !!
-
يااااااااااااااااارب والله نفسى يفيدونا لان الواحد فى حيرة كبيرة اوى
-
اقتباس:
المشاركة الأصلية كتبت بواسطة amir
مرحبا بأول مالك للتيجو مشارك في الموضوع
همتك بقي في الردود
ولا ناوي تكسل؟!
يا فندم مستعدين لاى سؤال وكلة علشان نساعد بعض والمشاركة تصبح بناءة:hlopaet_prv:
-
اقتباس:
المشاركة الأصلية كتبت بواسطة amir
كتر الف خيرك
انا برضو في نفس حيرتك
و يارب قريب نوجه الشكر لأصحاب التيجو
حد منهم بس يشارك و يساهم في الردود
اديك شايف المواضيع المجمعه مهمله ازاي و يارب ده ميكونش مصير الموضوع ده برضو !!
د/امير ممكن حضرتك تشتري التيجو
و تقولنل رأيك اة
لحسن انا شايف كل المنتدي نفسة يجيب التيجو بس الكل خايف
او نطلب من ادارة المنتدي تشتري عربية تيجو
وكل اعضاء المنتدي تجربها
علشان نقدر نحكم:10D5C8w1107::10D5C8w1107::10D5C8w1107::10 D5C8w1107::10D5C8w1107::10D5C8w1107:
-
اقتباس:
المشاركة الأصلية كتبت بواسطة atefadel
د/امير ممكن حضرتك تشتري التيجو
و تقولنل رأيك اة
لحسن انا شايف كل المنتدي نفسة يجيب التيجو بس الكل خايف
او نطلب من ادارة المنتدي تشتري عربية تيجو
وكل اعضاء المنتدي تجربها
علشان نقدر نحكم:10d5c8w1107::10d5c8w1107::10d5c8w1107::10 d5c8w1107::10d5c8w1107::10d5c8w1107:
حاوه الفكره دي او ممكن نعمل جمعيه ونجيب العربيه وكل واحد يا خدها اسبوع
-
انا اشتريت التيجو 1600 من اسبوع وعملت بها الي الان 1000كيلو وبصراحه العربيه رائعه بالنسبه لسعرها وادئها مرضي جدا العفشه كويسه والموتور كويس والفرامل معقوله جدا وارتفعها عن الارض جيميل والتقفيل الداخلي متوسط بس مش سيء وبصرحه السياره بسعرها دا ممتاذه
-
اقتباس:
المشاركة الأصلية كتبت بواسطة attiahf
يا فندم مستعدين لاى سؤال وكلة علشان نساعد بعض والمشاركة تصبح بناءة:hlopaet_prv:
كتر الف خيرك كده معانا مالك للتيجو جاهز للرد علي الاسئله
و يمكن اول سؤال بيخطر في بالي
هو ايه نوع او انواع العربيات اللي كانت معاك قبل التيجو
اقتباس:
المشاركة الأصلية كتبت بواسطة atefadel
د/امير ممكن حضرتك تشتري التيجو
و تقولنل رأيك اة
لحسن انا شايف كل المنتدي نفسة يجيب التيجو بس الكل خايف
او نطلب من ادارة المنتدي تشتري عربية تيجو
وكل اعضاء المنتدي تجربها
علشان نقدر نحكم:10d5c8w1107::10d5c8w1107::10d5c8w1107::10 d5c8w1107::10d5c8w1107::10d5c8w1107:
مش للدرجه و الكلام عن عربيه محتاج عشره ليها مش مجرد سواقه او لفه
و ده فايده المنتدي اني كمعجب بالعربيه ممكن اعرف عنها كل خاجه كأني امتلكها
اقتباس:
المشاركة الأصلية كتبت بواسطة hugan
حاوه الفكره دي او ممكن نعمل جمعيه ونجيب العربيه وكل واحد يا خدها اسبوع
الافكار حمراء اللون بتاعتكو دي هتودينا فين في ظل النظام القائم؟!!
اقتباس:
المشاركة الأصلية كتبت بواسطة aboshahd50
انا اشتريت التيجو 1600 من اسبوع وعملت بها الي الان 1000كيلو وبصراحه العربيه رائعه بالنسبه لسعرها وادئها مرضي جدا العفشه كويسه والموتور كويس والفرامل معقوله جدا وارتفعها عن الارض جيميل والتقفيل الداخلي متوسط بس مش سيء وبصرحه السياره بسعرها دا ممتاذه
ربنا يباركلك فيها و يديك خيرها و يكفيك شرها
=========================
اتمني من الناس يكون الموضوع اسئله و اجاباتها عن التيجو و بلاش مناقشات جانبيه قدر الامكان علشان الموضوع يكون مركز و مفيد للجميع
-
ألف شكر ليك يا د/امير على طرحك الموضوع بالجمال ده
الحمد لله العربية معايا من شهر يوليو 2009 و كنت من أوائل الناس اللى اشتروا التيجو 1600 فى بورسعيد وكانت تعتبر مغامرة بالذات فى مدينة زى بورسعيد اللى معظم الفكر السائد فيها الألمانى و اليابانى
و لله الحمد طلعت مغامرة فى محلها و بالفعل التيجو بدأت تنتشر انتشار كبير
و بالنسبة للتيجو بتاعتى مفيش اى مشاكل جوهرية غير ان كان فيه مشكلة فى الدينامو و تم تغييره تبع الضمان و بقى كله تمام
على فكرة انا كنت عامل موضوع فيه تقييم للعربية وده اللينك بتاعه
http://www.nilemotors.net/Nile/103690-a.html
-
السلام عليكم:
د./ أمير إزيك...أنا زعلان منك جدا....آخر واحد كنت منتظر منه الظلم ده يكون انت....!!!!
بأة ياراجل دلوقتي اللي اشتروا التيجو مش عاوزين يردوا ويريحوا الناس اللي بتسأل؟؟؟كدة بردو؟؟؟ أمال المهاتية اللي انا عمال اعملها دي ايه في كل مواضيع المنتدى؟؟دا انا مسبتش حد عاوز حاجة الا مارديت عليه وقولت فوق طلبه معلومات تانية....انت ناسي لما كنت بتفاضل بين التيجو والتريوس كان ردي عليك إزاي؟؟
صحيح انا نفسي عانيت لما جيت اشتري ان ماحدش كان بيرد على استفساراتي لكن يمكن كانت العربية ساعتها لسة ما انتشرتش كدة مع ناس كتير وبعد ما اشتريتها وصلت بيا الدرجة اني حطيت تليفوني الخاص(ودي ماحدش عملها الا نادرا) وبالفعل ناس كتير اتصلت بيا ومنهم من اسكندرية ورديت على كل حاجة
ولما رحت الصيانات بتاعتها رجعت عملت تقرير عن اللي حصل معايا وقالوه واكتشفته وهكذا...
بصراحة بأة دلوقتي اللي انا شايفه ان كل المواضيع الموجودة دلوقتي في المنتدى لمت كل كل كل حاجة عن العربية لدرجة ان معظمها معاد كتير
ياراجل دا انا عرفت حاجات عن العربية وانا راكبها من ناس هنا في المنتدى ما كنتش اعرفها قبل كدة.....لكن الناس اللي عاوزين يشتروا هم اللي مش عاوزين يجهدوا نفسهم ويقرأوا ويبحثوا عن المعلومة...ولو رجعت للمواضيع الي انت جمعتها فوق دي هتلاقي معلومات مكررة كتييييييير جدا
أنا كمالك للعربية بأقول لك وبأقول لكل الناس ان كل حاجة اتكتبت هنا خلاص...مفيش حاجة ناقصة
انتم بس اتشجعوا وما تعملوش حجتكم ان ما فيش معلومات....ماشي يادكتور؟؟؟
الحاجة التانية اللي هتقلب الدنيا عليا
مش انا راكب التيجو ودفعت فيها دم قلبي وجبت ال2000 الأوتوماتيك؟ لكن انا مختلف معاك شوية في موضوع الجودة بالعربيات الصيني
طبعا الصيني مش زي الكوري ولا الياباني
مش هقول الغالي تمنه فيه زي البعض مابيقول لكن طبعا الصيني اقل جودة
التيجو اللي معايا دي أقل جودة من الدايو النيوبيرا اللي كنت راكبها في بعض الحاجات زي التقفيل الداخلي والفرش وتقفيل الأبواب والتابلوه وربنا يستر في اللي لسة ما ظهرش بس بنقول مناسبة على قد تمنها
رخص العربيات الصيني ل3 أسباب:
1- رخص الأيدي العاملة بالصين تكاد تكون ببلاش
2-90%من التصميمات منقولة وده بيترجم لفلوس(فاكرين اللايونسيل واللانسر الكريستالة وغيره كتيييير)
3-الجودة في الخامات الداخلية أقل مثل العفشة والتقفيل.....وشوف عمر العربية الصيني كام وعمر التيوتا مثلا كام
4-الأسباب اللي فوق دي هي رخص الصيني في كل الدنيا لكن في سبب رابع بمصر بس وهو ان في مصروالله أعلم بينزلها الأسوأ اللي في الصين....راجع كدة تاريخ مثلا الكومودو ...راجع اللاند روك (اللي شبه البرادو)...راجع الهوفر الصيني المانيوال وكذلك البيجاسيوس(دي عربيات صيني4×4 بس ما انتشرتش)
طبعا الصيني الى حد ما اقل في الجودة وده على حساب السعر
يعني شكل جميل جدا ورفاهيات كتير لكن الجودة أقل
وما تنسوش أنا مش بهاجم ...أنا واحد راكب صيني ومن أفضل العربيات الصيني اللي في السوق المصري وبأقول رأيي من خبرتي ال28سنة بالعربيات........والله أعلم
م.ياســــر
-
اتفق معك تماما يا د ياسر والعربيات الصينى فعلا بتديك على اد فلوسك.. وانا كان معايا كيا ريو وبالمناسبة كانت حلوة بس العربية كانت قريبة من الارض وضيقة شوية ودة اللى خلانى ادور على عربية عالية وكبيرة
والعالم كلة فى منظومة ان يجيب عربية تعقد معاة بالكتير 10 سنسن وبعدين يغيرها
بس احنا فى مصر لسة فكرة ان العربية تعقد مع الواحد بالعشرين والثلاثين لسة مسيطرة.....
-
اقتباس:
المشاركة الأصلية كتبت بواسطة attiahf
اتفق معك تماما يا د ياسر والعربيات الصينى فعلا بتديك على اد فلوسك.. وانا كان معايا كيا ريو وبالمناسبة كانت حلوة بس العربية كانت قريبة من الارض وضيقة شوية ودة اللى خلانى ادور على عربية عالية وكبيرة
والعالم كلة فى منظومة ان يجيب عربية تعقد معاة بالكتير 10 سنسن وبعدين يغيرها
بس احنا فى مصر لسة فكرة ان العربية تعقد مع الواحد بالعشرين والثلاثين لسة مسيطرة.....
السلام عليكم:
ربنا يجبر بخاطرك...أصل المثل اللي بيقول الحداية مابترميش كتاكيت ده مثل صادق فعلا
واحنا شعوب استهلاكية بتهتم بالمظهر بالدرجة الأولى بدليل اننا طول عمرنا وعندنا عربيات من 100 سنة و من شهر واحد بس لسة بنبتدي نحط مواصفات للجودة للعربيات اللي تنزل عندنا..!! تصدق الخيبة دي....فطبعا كله جاب وكله أصبح تاجر عربيات ومتخصص بس على حساب الزبون اللي هو احنا....الزبون اللي كان آخره 128 ولما ركب فيات 132 كانت حكاية وطيارة
أنا فاكر سنة1980 نزلنا من السعودية بتيوتا كرولا مو77 كانت هناك تاكسي ومن اقل العربيات...لما جينا بيها هنا كانت راوشة كل الجيران(مصر الجديدة) عشان فيها ساعة وعدادات كتير بالتابلوه ومخدع للراس بالكرسي وراديو منه فيه وكل الخيبة والهبل ده....حد بص على جودة العربية؟ لأ...العربية دي عاشت معايا من سنة1978 وبعتها سنة 2003 وانا بأبكي لأنها صخرة بتتحرك وخفيفة وبتشم بنزين وقطع غيارها ولا حاجة أنا اللي طنت بأصلحها لكن طبيعة العصر والأولاد.....الخ اضطريت اتخلى عنها.......
تفتكر ممكن عربية صيني تقعد معاك محترمة نفسها اكتر من خمس سنين؟؟؟أشك جدا......
آسف على الإطالة
م.ياســر
-
اقتباس:
المشاركة الأصلية كتبت بواسطة aboomarahmad
السلام عليكم:
د./ أمير إزيك...أنا زعلان منك جدا....آخر واحد كنت منتظر منه الظلم ده يكون انت....!!!!
بأة ياراجل دلوقتي اللي اشتروا التيجو مش عاوزين يردوا ويريحوا الناس اللي بتسأل؟؟؟كدة بردو؟؟؟ أمال المهاتية اللي انا عمال اعملها دي ايه في كل مواضيع المنتدى؟؟دا انا مسبتش حد عاوز حاجة الا مارديت عليه وقولت فوق طلبه معلومات تانية....انت ناسي لما كنت بتفاضل بين التيجو والتريوس كان ردي عليك إزاي؟؟
صحيح انا نفسي عانيت لما جيت اشتري ان ماحدش كان بيرد على استفساراتي لكن يمكن كانت العربية ساعتها لسة ما انتشرتش كدة مع ناس كتير وبعد ما اشتريتها وصلت بيا الدرجة اني حطيت تليفوني الخاص(ودي ماحدش عملها الا نادرا) وبالفعل ناس كتير اتصلت بيا ومنهم من اسكندرية ورديت على كل حاجة
ولما رحت الصيانات بتاعتها رجعت عملت تقرير عن اللي حصل معايا وقالوه واكتشفته وهكذا...
بصراحة بأة دلوقتي اللي انا شايفه ان كل المواضيع الموجودة دلوقتي في المنتدى لمت كل كل كل حاجة عن العربية لدرجة ان معظمها معاد كتير
ياراجل دا انا عرفت حاجات عن العربية وانا راكبها من ناس هنا في المنتدى ما كنتش اعرفها قبل كدة.....لكن الناس اللي عاوزين يشتروا هم اللي مش عاوزين يجهدوا نفسهم ويقرأوا ويبحثوا عن المعلومة...ولو رجعت للمواضيع الي انت جمعتها فوق دي هتلاقي معلومات مكررة كتييييييير جدا
أنا كمالك للعربية بأقول لك وبأقول لكل الناس ان كل حاجة اتكتبت هنا خلاص...مفيش حاجة ناقصة
انتم بس اتشجعوا وما تعملوش حجتكم ان ما فيش معلومات....ماشي يادكتور؟؟؟
الحاجة التانية اللي هتقلب الدنيا عليا
مش انا راكب التيجو ودفعت فيها دم قلبي وجبت ال2000 الأوتوماتيك؟ لكن انا مختلف معاك شوية في موضوع الجودة بالعربيات الصيني
طبعا الصيني مش زي الكوري ولا الياباني
مش هقول الغالي تمنه فيه زي البعض مابيقول لكن طبعا الصيني اقل جودة
التيجو اللي معايا دي أقل جودة من الدايو النيوبيرا اللي كنت راكبها في بعض الحاجات زي التقفيل الداخلي والفرش وتقفيل الأبواب والتابلوه وربنا يستر في اللي لسة ما ظهرش بس بنقول مناسبة على قد تمنها
رخص العربيات الصيني ل3 أسباب:
1- رخص الأيدي العاملة بالصين تكاد تكون ببلاش
2-90%من التصميمات منقولة وده بيترجم لفلوس(فاكرين اللايونسيل واللانسر الكريستالة وغيره كتيييير)
3-الجودة في الخامات الداخلية أقل مثل العفشة والتقفيل.....وشوف عمر العربية الصيني كام وعمر التيوتا مثلا كام
4-الأسباب اللي فوق دي هي رخص الصيني في كل الدنيا لكن في سبب رابع بمصر بس وهو ان في مصروالله أعلم بينزلها الأسوأ اللي في الصين....راجع كدة تاريخ مثلا الكومودو ...راجع اللاند روك (اللي شبه البرادو)...راجع الهوفر الصيني المانيوال وكذلك البيجاسيوس(دي عربيات صيني4×4 بس ما انتشرتش)
طبعا الصيني الى حد ما اقل في الجودة وده على حساب السعر
يعني شكل جميل جدا ورفاهيات كتير لكن الجودة أقل
وما تنسوش أنا مش بهاجم ...أنا واحد راكب صيني ومن أفضل العربيات الصيني اللي في السوق المصري وبأقول رأيي من خبرتي ال28سنة بالعربيات........والله أعلم
م.ياســــر
موافق حضرتك
بس كدة انا رجعت خطوة في مشوار شراء التيجو
يعني انا اجبها و استعملها لمدة 5 سنين فقط
انا معايا بيجو 504 بصراحة دبابة ماشية
وكان نفسي اجيب التيجو مكانها واروح بيها الشغل
لحسن انا خايف علي النيسان و مخليها لخروجي انا و العائلة
-
اقتباس:
المشاركة الأصلية كتبت بواسطة atefadel
موافق حضرتك
بس كدة انا رجعت خطوة في مشوار شراء التيجو
يعني انا اجبها و استعملها لمدة 5 سنين فقط
انا معايا بيجو 504 بصراحة دبابة ماشية
وكان نفسي اجيب التيجو مكانها واروح بيها الشغل
لحسن انا خايف علي النيسان و مخليها لخروجي انا و العائلة
السلام عليكم:
حضرتك بتسألني عن التيجو بالنسبة للبيجو؟؟طبعا البيجو أجود
سيدي الفاضل التيجو عربية عالية عن المطبات والأرصفة الدبابة بتاعتنا...شكلها رائع....واسعة جدا...فيها رفاهيات كويسة....لكن أنا متأكد ان بعد خمس سنوات أكيد هتفتح بقها ممكن يزيدوا شوية حسب نضافة استعمال صاحبها لكن مش بقول هتبوظ وتقف لكن هتحتاج منك صرف وعناية خاصة واستعمال هاديء وخفيف لأن أساسها في الأصل أضعف
مثال:البيجو لو شاريها زيرو بعد خمس او سبع سنين بردو مصاريفها مش هتكون كبيرة ولو لا قدر الله عملت حادثة مش هتضيع.... لأ...عربية ماسكة نفسها
أخو مراتي معاه تيجو 1600 موديل 2010....ماشي في طريق الإسماعيلية واخد شماله وبطيء(يعني غلطان) جاء ميكروباص سريع من وراه ولبس فيه كانت النتيجة انه طار بالعربية من فوق الجزيرة اللي في النص ونزل من عليها للمقابل وربنا سترها معاه
ايه اللي حصل في العربية؟؟؟؟كل العفشة طارت..مساعدين ومقصات وعلبة دركسيون....الخ
الأربع جنوط اتفشفشوا واتكسروا وطبعا الباب الخلفي اطبق والرفارف شوية ....
كلفته عند ابو الفتوح ابورواش 25000ج عشان ترجع شبه زي ماكانت.....ok
نفس الحادثة دي بالملي كانت مع والدي سنة2000 تقريبا في طريق اسكندرية الزراعي...خبطته مقطورة راح ناطط من فوق الجزيرة على المقابل وكان ساعتها فوق كوبري بيعدي ترعة وللا مصرف مش فاكر المهم مشي في المقابل بقوة اندفاع ووصل لسور الكوبري خبطه وكسره(سور حديد) ونزل من فوقه رشق في حرف الترعة من فوق يعني في اليابس,,,من ارتفاع بسيط حوالي 5م أو 6م لأنه كان في نزلة الكوبري....العربية كانت ميتسوبيشي جالانت مو1979....ايه اللي حصل؟؟
الأربع عجلات كاوتش بس طاروا و الجنوط سليمة وغير المساعدين الأمامي وخلاص (والكبوت والرفرفين أتأثروا بسبب وقعة الكوبري)...لولا كدة ماكانش غيرهم وهو بعد كل ده الحمدلله سليم......فهمت الفرق؟؟
وبعدين اللي زي حضرتك واخد على عربية ناشفة زي البيجو أكيد هيحس بفرق لو ركب تيجو
والله انا ماقصدي اخوفكم من العربية لكن محدش يقولي الألماني زي الياباني او الياباني زي الكوري والصيني زيهم في الجودة!!! آه دول مبالغين في سعرهم جامد جدا وده لأسباب عديدة منها الاسم التجاري ومنها غلاء الأيدي العاملة عندهم ومنها طبعا نسب الجمارك الباهظة عندنا والرسوم...يعني عربية ب50000 شوف جمركها كام وعربية ب100000 شوف نسبة جمركها كام طبعا جامد
الصيني عمره هيكون اقصر من الكوري والكوري اقصر من الياباني وهكذا.....وبردو ده رأيي ومحدش يزعل مني...أنا راجل جربت الصيني والياباني والأمريكاني وممكن أكون متشائم شوية لكن من كتر اللي دق على راسي
وبردو طولت عليكم...آسف لللإطالة....
ياجماعة لو أتأخرت في الردود بعد كدة أعذروني لأني مسافر ان شاء الله بعد ساعتين للعمرة...دعواتكم وهدعيلكم كلكم بإذن الله....يمكن أقدر أدخل على الموقع عن طريق التليفون عشان نداوم التواصل وربنا يسهل........السلااام عليكم
م.ياســــــر
-
اقتباس:
المشاركة الأصلية كتبت بواسطة aboomarahmad
السلام عليكم:
د./ أمير إزيك...أنا زعلان منك جدا....آخر واحد كنت منتظر منه الظلم ده يكون انت....!!!!
بأة ياراجل دلوقتي اللي اشتروا التيجو مش عاوزين يردوا ويريحوا الناس اللي بتسأل؟؟؟كدة بردو؟؟؟ أمال المهاتية اللي انا عمال اعملها دي ايه في كل مواضيع المنتدى؟؟دا انا مسبتش حد عاوز حاجة الا مارديت عليه وقولت فوق طلبه معلومات تانية....انت ناسي لما كنت بتفاضل بين التيجو والتريوس كان ردي عليك إزاي؟؟
يا باشمهندس انا مقدر مجهودك في القسم تماما
بس لو بصيت علي بقيه الاقسام في المنتدي هتلاقي مجال واسع من الحوار و المعلومات
شوف انا جمعت كل ما كتب عن التيجو
قريتهم موضوع موضوع مشاركه مشاركه
عارف انا لو عندي الوقت؟
كنت جمعت من المواضيع دي موضوع واحد مستفيض
بس انا اساسا كل علاقتي بالعربيه اني فصصتها في معرض عربيات
انما لا سقتها ولا جربت سحبها ولا ثباتها و لا اي حاجه
يبقي مين اولي انه يتكلم عليها؟
و بعدين اديك شايف الناس مشتاقه تتعرف عليها ازاي
انتو ملاكها
انا مظلمتش حد
لو ملاكها عملو تقييمات للعربيه و انا فاكر كلامك بالنسبه للمقارنه بينها و بين التيريوس و دي كانت هتبقي افتتاحيه المقال اللي كنت هاكتبه
يا راجل ده انا خليت واحد صاحبي والده كان بيفكر في التيريوس يعيد حساباته من بعد مشاركتك دي
كتر الف خيرك و طمعانين في مشاركات اكتر و اعمق
-
السلام عليكم
بأكتبلكم دلوقتي من المدينة المنورة،ربنا يكتبها لكم جميعا ان شاء الله،
العربيات هنا حكاية وخاصة فئة ال4x4لكن أغلبها نوعيات ماتنزلش مصر نظرا لحجمها الفظيع..موجود نوعيات 8سلندر 6000سي سي(صباح الضريبة المنيلة والبنزين المدلدق)التيجو جنبهم يادوبك تحصل باب وكبوت..في تريوس قليل جدا وفي كيا سبورتاج قليل بردو...حتى البرادو مش كتير
انا مستغرب لعدم وجود اي نوعية من السبرانزا(الشيري يعني)
د.أمير..مازلت بأكدلك ان كل ماكتب عن التيجو هنا هو كل حاجة..ولازم تعذر أصحابها بردو محدش عنده وقت يتكلم عن كل حاجة..لكن أكيد الناس متعاونة وعاوزة تخدم وتقدم المعلومة والنصيحة
ربنا يكرمكم كلكم وتحققوا اللي نفسكم فيه
م.ياسر (المدينة المنورة1/5/2010)
-
اقتباس:
المشاركة الأصلية كتبت بواسطة aboomarahmad
السلام عليكم
بأكتبلكم دلوقتي من المدينة المنورة،ربنا يكتبها لكم جميعا ان شاء الله،
العربيات هنا حكاية وخاصة فئة ال4x4لكن أغلبها نوعيات ماتنزلش مصر نظرا لحجمها الفظيع..موجود نوعيات 8سلندر 6000سي سي(صباح الضريبة المنيلة والبنزين المدلدق)التيجو جنبهم يادوبك تحصل باب وكبوت..في تريوس قليل جدا وفي كيا سبورتاج قليل بردو...حتى البرادو مش كتير
انا مستغرب لعدم وجود اي نوعية من السبرانزا(الشيري يعني)
د.أمير..مازلت بأكدلك ان كل ماكتب عن التيجو هنا هو كل حاجة..ولازم تعذر أصحابها بردو محدش عنده وقت يتكلم عن كل حاجة..لكن أكيد الناس متعاونة وعاوزة تخدم وتقدم المعلومة والنصيحة
ربنا يكرمكم كلكم وتحققوا اللي نفسكم فيه
م.ياسر (المدينة المنورة1/5/2010)
ترجع بالسلامه ان شاء الله و متنساناش من الدعاء و اموات المسلمين
-
اقتباس:
المشاركة الأصلية كتبت بواسطة aboomarahmad
السلام عليكم
بأكتبلكم دلوقتي من المدينة المنورة،ربنا يكتبها لكم جميعا ان شاء الله،
العربيات هنا حكاية وخاصة فئة ال4x4لكن أغلبها نوعيات ماتنزلش مصر نظرا لحجمها الفظيع..موجود نوعيات 8سلندر 6000سي سي(صباح الضريبة المنيلة والبنزين المدلدق)التيجو جنبهم يادوبك تحصل باب وكبوت..في تريوس قليل جدا وفي كيا سبورتاج قليل بردو...حتى البرادو مش كتير
انا مستغرب لعدم وجود اي نوعية من السبرانزا(الشيري يعني)
د.أمير..مازلت بأكدلك ان كل ماكتب عن التيجو هنا هو كل حاجة..ولازم تعذر أصحابها بردو محدش عنده وقت يتكلم عن كل حاجة..لكن أكيد الناس متعاونة وعاوزة تخدم وتقدم المعلومة والنصيحة
ربنا يكرمكم كلكم وتحققوا اللي نفسكم فيه
م.ياسر (المدينة المنورة1/5/2010)
حقيقى هتوحشنا كتير ابقى ادعيلنا وتروح وتيجى بالسلامة
-
ايه يا ملاك التيجو
صباح الفل
انتو فين
-
اقتباس:
المشاركة الأصلية كتبت بواسطة amir
ايه يا ملاك التيجو
صباح الفل
انتو فين
والله مانا عارف راحوا فين شكلهم مش عايزين يحكوا عن العربية خالص
-
يا خونا قلنا موضوع العربيه اللى بتقعد بال عشر سنين والكلام ده - خلاص انتهى عهده- احنا كان فى ظروف الجمارك الهبله اللى خلت ال سوزوكى سويفت اول ما نزلت سنه 93 تبقى ب 54 الف جنيه 0 فى وقت كانت التويوتا كرولا بره ب 30الف جنيه
دلوقت مع نزول الجمارك العربيات بترخص0 وحتى الاوروبى والامريكى - اللى بينتج هناك عامل حسابه على ان المستهلك بعد 5 سنسن ولا 7 - حيحب يغير 0 بالتالى الخامات بيحطها على الاساس ده - اللى مش مصدق يقارن عربيات الاوبل مثلا فى التسعينات بالحالى - حيلاقى كماليات زياده اه - بس البودى والموتور خامات اقل 0 الكماليات فى الاخر الكترونات وفبر 0 تكلفه بالنسبه لهم رخيصه-
يبقى لو الصينى اتحسن خامته شويه مع نفس الاسعار - انا واحد من الناس 0 اركب عربيه زيرو بسعر معقول - استهلكها 5 سنين وبعد كده لو صمدت اهلا وسهلا - حتبتدى تفتح بقها على السوق عدل
المشكله ان وكلاء الصينى هنا بيستهبلوا فى الاسعار 0 لمجرد ان شكل العربيه حلو- التيجو ال 4*4 لو ترخص 7 ولا حتى 10 الاف اكيد شريحه كبيره من الناس حتفضلهاا عن انواع كتير وماركات يبانى او غربى
العربيه سلعه مستهلكه- مش زى ماناس لسه فهمه انها زى العقار او الدهب لازم اكسب لما ابيعها
-
اقتباس:
المشاركة الأصلية كتبت بواسطة freeman207
والله مانا عارف راحوا فين شكلهم مش عايزين يحكوا عن العربية خالص
احنا موجودين بس انتو راجعوا تقييمات العربية المكتوبة قبل كدة وبرضة كل الموضوعات الخاصة بالتيجو فى المنتدى
ولو فى حاجة غامضة احنا نجاوب عليها:shyy:
-
اقتباس:
المشاركة الأصلية كتبت بواسطة attiahf
احنا موجودين بس انتو راجعوا تقييمات العربية المكتوبة قبل كدة وبرضة كل الموضوعات الخاصة بالتيجو فى المنتدى
ولو فى حاجة غامضة احنا نجاوب عليها:shyy:
ياريت لو استلمت الرساله اللي بعتهالك علي الخاص تتفاعل معايا شويه
مش معقول كل شويه نفس الرد
المواضيع المعلومات فيها مش كافيه
و محتاجين دردشه معاكم
ولا احنا متقلين عليكم؟
-
يا باشا متقلقش انا بس بجهز كل المعلومات المتوفرة وهبلغك بيها قريبا
-
شكرا و اوعدك انه هيكون موضوع متميز
-
ممكن نعرف ياملاك التيجو 2000 الاوتامتك ايه هيا المشاكل اللى قابلتوها ضرورى اوى ولكم جزيل الشكر