عرض للطباعة
ياريت تفيدوني اود ان اشتري سيارة ومحتار بين كارينز بانشارها السريع وحجمها الكبير ام سكودا رومستر والمعروف عن الاسكودا من فخامه ومتانة واصالة ولكنها غير منتشره مثل الكارينز وكما اعلم ان الكارينز ليس بها abs اما الرومستر اعتقد ان بها هذه الميزة اروجو الافاده
رومستار احسن بكتير جداااا .
و ربنا يوفقك
هي الرومستر افضل عشان الماني يعتبر بس التوكيل مش مهتم بيها نتيجه الانتشار الضعيف اما الكارينز العكس و كمان توكيلها افضل من توكيل ارتوك
i'd prefer Skoda Roomster, its' from Skoda
هو انا اللي عاجبني في الكارينز ان حجمعا اكبر وده ممكن يديها ثبات علي الطريق اكتر وعائلية اكتر وكمان منتشرة اوي وده يخليها عمليه سواء في قطع الغيار او الوكيل واللي عاجبني ف الرومستر عيل ما اسمع الفخامه وبس
مش عارف محتار ياريت اللي يكون عنده اسباب واضحه او عيب يقولها وشكرا
الرومستر افضل مع تحفظي على شكلها الغبي(ازواق)
الرومستر مش بس فيها Abs .... لا دي كمان فيها نظام الـ Esp
اللي هو اختصار Electronic Stabilization Program وده مهمته استعادة توازن السيارة ومنع انحرافها عن الطريق في حالة الانعطاف المفاجئ لأي سبب لا قدر الله ... ويكفي ان حضرتك تعرف ان النظام ده مش موجود في أي من السيارات الأعلى سعرا من الرومستر إلا ابتداء من الباسات ... يعنى الفلوينس والجيتا والأوكتافيا والفوكس بكافة فئاتهم مش موجودة فيهم ( كلامي على موديلات الوكلاء إنما الخليجي مش متأكد الحقيقة) ... فلو حضرتك بتقارن بين الكارينز والرومستر أنا أرشحلك الأخيرة بدون جدال ... مع تحفظي على شكلها الخارجي لأني بصراحة مش معجب بيه وحاسس إنه كان ممكن يبقى فيه شغل أحسن من كده ( وجهة نظر شخصية أرجو ماتزعلش مني ملاك السيارة :satelite: )
ده حضرتك فيديو يوضح الفرق بين وجود نظام الـ Esp في السيارة وعدم وجوده
[youtube]http://www.youtube.com/watch?v=NiZjeeMExY4[/youtube]
عفوا الرابط مش ظاهر
اقتباس:
المشاركة الأصلية كتبت بواسطة anthodine
معلهش يا باشا هو أصله ظاهر عندي فمعرفش انه مش ظاهر عند الزملاء ....
ده اللينك الخاص بالفيديو
YouTube - ESP -- Electronic Stability Program
وعموما حضرتك تقدر تشوف فيديوهات تانية كتير عن نفس الموضوع ده بالبحث عن كلمة Esp في ذات الموقع ( هو موقع يوتيوب في حال إذا ما كان اللينك غير ظاهر برده في هذه المشاركة )
وربنا يوفقك للاختيار الصحيح .....
الكارينز حجم ووسع فقط اما الكماليات والمتانه وجودة الخامات فلا انصح بها