ياريت تفيدوني كارينز الوكيل ام رومستر

**anthodine** · 24-04-2010 10:35 AM

ياريت تفيدوني اود ان اشتري سيارة ومحتار بين كارينز بانشارها السريع وحجمها الكبير ام سكودا رومستر والمعروف عن الاسكودا من فخامه ومتانة واصالة ولكنها غير منتشره مثل الكارينز وكما اعلم ان الكارينز ليس بها abs اما الرومستر اعتقد ان بها هذه الميزة اروجو الافاده

**marmoraiaaa** · 24-04-2010 02:21 PM

رومستار احسن بكتير جداااا .
و ربنا يوفقك

**romeo_6887** · 24-04-2010 06:26 PM

هي الرومستر افضل عشان الماني يعتبر بس التوكيل مش مهتم بيها نتيجه الانتشار الضعيف اما الكارينز العكس و كمان توكيلها افضل من توكيل ارتوك

**Mustafa_Farouk** · 24-04-2010 07:03 PM

i'd prefer Skoda Roomster, its' from Skoda

**anthodine** · 24-04-2010 09:45 PM

هو انا اللي عاجبني في الكارينز ان حجمعا اكبر وده ممكن يديها ثبات علي الطريق اكتر وعائلية اكتر وكمان منتشرة اوي وده يخليها عمليه سواء في قطع الغيار او الوكيل واللي عاجبني ف الرومستر عيل ما اسمع الفخامه وبس
مش عارف محتار ياريت اللي يكون عنده اسباب واضحه او عيب يقولها وشكرا

**seqoia** · 24-04-2010 09:51 PM

الرومستر افضل مع تحفظي على شكلها الغبي(ازواق)

**yehia** · 25-04-2010 04:01 AM

الرومستر مش بس فيها Abs .... لا دي كمان فيها نظام الـ Esp
اللي هو اختصار Electronic Stabilization Program وده مهمته استعادة توازن السيارة ومنع انحرافها عن الطريق في حالة الانعطاف المفاجئ لأي سبب لا قدر الله ... ويكفي ان حضرتك تعرف ان النظام ده مش موجود في أي من السيارات الأعلى سعرا من الرومستر إلا ابتداء من الباسات ... يعنى الفلوينس والجيتا والأوكتافيا والفوكس بكافة فئاتهم مش موجودة فيهم ( كلامي على موديلات الوكلاء إنما الخليجي مش متأكد الحقيقة) ... فلو حضرتك بتقارن بين الكارينز والرومستر أنا أرشحلك الأخيرة بدون جدال ... مع تحفظي على شكلها الخارجي لأني بصراحة مش معجب بيه وحاسس إنه كان ممكن يبقى فيه شغل أحسن من كده ( وجهة نظر شخصية أرجو ماتزعلش مني ملاك السيارة )

ده حضرتك فيديو يوضح الفرق بين وجود نظام الـ Esp في السيارة وعدم وجوده

[youtube]http://www.youtube.com/watch?v=NiZjeeMExY4[/youtube]

**anthodine** · 25-04-2010 10:12 AM

عفوا الرابط مش ظاهر

**yehia** · 25-04-2010 06:50 PM

المشاركة الأصلية كتبت بواسطة anthodine

عفوا الرابط مش ظاهر

معلهش يا باشا هو أصله ظاهر عندي فمعرفش انه مش ظاهر عند الزملاء ....

ده اللينك الخاص بالفيديو

YouTube - ESP -- Electronic Stability Program

وعموما حضرتك تقدر تشوف فيديوهات تانية كتير عن نفس الموضوع ده بالبحث عن كلمة Esp في ذات الموقع ( هو موقع يوتيوب في حال إذا ما كان اللينك غير ظاهر برده في هذه المشاركة )

وربنا يوفقك للاختيار الصحيح .....