كيفية التعامل مع السيارة الاوتوماتيك ... رجاء الإفادة

انا والحمد لله بقالي حوالي 20 سنة باسوق عربيات وفي خلال هذه الفترة عدى عليا ما يقارب 15 سيارة من انواع مختلفة .... اوروبي وياباني وكوري ومصري .....
لكن كانت السمة الوحيدة المشتركة بين هذه السيارات هي انها مانيوال
وآخر هذه السيارات هي السيارة اللي لسة شاريها للمدام ... هيونداي فيرنا اوتوماتك ... ودي اول سيارة اوتوماتك امتلكها او اسوقها بشكل دائم
انا سقت اوتوماتك قبل كدة لكن سواقة عارضة ... وبدون تدقيق ... يعني جيب ع ال d ودوس بنزين يا معلم
انا سؤالي دلوقت عن كيفية التعامل مع الجير الاوتوماتك ....

1- زرار الاوفر درايف ..... هل هو بيسقط نقلة .... ولا بيخلي السيارة تمشي على اربع سرعات فقط ويلغي النقلة الخامسة ؟؟؟؟؟
2 - بعد ال d عندي نقلتين 2 و L ناس قالولي ان 2 بيخلي السيارة ماتنقلش اكتر من الثاني L بتخلي السيارة ع الاول فقط لزوم المطالع
هل الكلام دة صحيح ؟؟؟؟؟
3 - ازاي اعمل كيك دون او اسقط نقلة ؟؟؟ وهل ده غلط ع الفتيس
4- هل ممكن ابقى سايق واجيب على 2او L وانا ماشي ولا لازم اكون واقف
5- لما اكون في اشارة المفروض انقل على N ولا P ولا افضل على D وادوس فرامل
...
كل هذه الاسئلة كنت عاوز اجابات ليها ... مش بس في كيفية القيادة ..... لكن في كيفية تأثير الكلام ده على المحرك والجيربوكس .....
ازاي اقدر احافظ على الجير الاوتوماتك ؟
...
انا طبعا تعمدت اني اطرح الموضوع هنا لتكون الفائدة للجميع
وعشمي في اساتذة المنتدي يقولو رأيهم لتعم الفائدة .... وشكرا مقدما

الإشارة هات الn
دا كل الى أعرفه عن الأوتوماتيك

بص يا باشا
ال l ده معناه low gear و في عربيات تانيه بيكون 1 ببساطه
ال 2 هي النقله التانيه
و نييجي بقي لأسئلتك:

1- العربيات الاوتوماتك 4 نقلات اماميه فقط و ليست 5 نقلات
الاوفر درايف بيقفل النقله الرابعه الاماميه و يخليك تمشي علي 3 نقلات اماميه فقط
و ده بيدي عزم و تسارع كويس تحت سرعه ال 100 كيلو و بعدها هتلاقي انك علشان تجري عن كده لازم تفتحه تاني (و كأنك سايق عربيه مانيوال علي الرابع و جايب اخره علشان تزود لازم تجيب النقله الخامسه)

2- فعلا وضع الجير علي l او 2 مش هيخلي العربيه تنقل لحاجه تانيه غيرهم فقط
بمعني لو جايب الفتيس علي L العربيه هتفضل علي الغيار الاول فقط
و لو جايب الفتيس علي 2 العربيه هتنقل ما بين الغيار الاول و التاني فقط
و سواء L او 2 فدول ليهم فوايد معينه
مثلا لو طالع مطلع عالي قوي بالعربيه زي جراج مثلا و العربيه محمله ناس و حاجات ممكن تستخدمهم علشان العربيه اوتوماتك و لو سيبتها علي ال D ممكن تلاقي السحب ضايع
و كأنك بالظبط بعربيه مانيوال و طالع نفس المطلع هل بتجيب نقلات كبيره ولا بتخليك اولاني تاني؟!
و كذلك الوضع علي منزل كبير و مش عايز العربيه تفتح في السرعه(نزله المقطم علي سبيل المثال) بتجيب L او 2 علي حسب سرعه العربيه و بكده العربيه تتلجم و متجريش منك لوحدها
و في استخدام تاني خالص غير كل ده و ده
لما تيجي تشد مع واحد بالعربيه
اولا بتقفل الاوفر درايف
ثانيا بتجيب العصايه علي L
لغايه ما تجيب اخر الار بي ام و بعد كده تنقل علي 2
و تجيب اخره
و بعد كده تفك الاوفر درايف
و بعد كده تنقل علي D
علشان الموضوع ميلخبطكش
و كأنك بتنقل في المانيوال اولاني فتاني فتالت فرابع
متنساش ان الاوتوماتك 4 نقلات فقط

3- الكيك داون هو هو تسقيط النقله
كل اللي عليك تعمله انك تدوس بنزين جامد مره واحده و تفضل دايس
و في ظرف اجزاء من الثانيه العربيه هتسقط غيار لتحت و تفضل حارقه عليه لغايه ما تريح رجلك شويه من علي البنزين
و مش خطر علي الجير لأنه مصمم لعمل كده اصلا
و العربيات الانجكشن بتحمي الماتور انه يوصل للمنطقه الحمراء لعدد لفاته
فمتقلقش بس خد بالك ان الموضوع ده بيستهلك بنزين بطريقه بشعه
هو لازمته انك تتخطي حد بسرعه

4-بص يا كبير
انت ممكن تنقل بالتدرج ده بس مع مراعاه ان سرعتك تكون مناسبه و الا الار بي ام هيزعقلك!!
من D الي 2 الي L
من D الي L
من L الي 2 الي D
و كل النقلات دي و انت ماشي من غير فرامل
بس الممنوع و اصلا لو حاولت تجرب هتلاقي الفتيس مش بينقل انك تجيب من R الي D او العكس و العربيه ماشيه

5- لو الاشاره هتطول زي الاشارات الالكتروني دي يبقي تجيب N و تدوس فرامل او ترفع هاند بريك
غير كده خليك D و فرامل بس حط في اعتبارك انك بتستهلك بنزين
مهما ان كان اوعي تجيب العربيه علي الP في اشاره
لييجي واحد مهبوش في عقله يريح او يدخل فيك و ساعتها الجير بوكس بتاعك هيبدء ينهار
و لما تركن العربيه موازي للرصيف بلاش تسيبها علي ال P برضو
انا شفت ستات و هيا بتركن و اعوذ بالله منهم و مش عايز عيال صغيره او بنات مخها طاقق يقولي مبيحصلش!!!!
الستات لما ييجو يركنو بيكونو في منتهي الخطوره علي عربيات الناس و بيكون ساعتها عندهم انعدام تام في الدم و الاخلاق و الضمير
=========================
و تحافظ علي الجير بوكس انك و انت ماشي لقدام و جاي ترجع ورا العربيه تكون واقفه تماما و رجلك علي الفرامل
و الاهتمام بتغيير زيت الفتيس و الفلتر لو كان في في مواعييد تغييره
و بلاش تقطر عربيه الا لو الظروف حكمت غير كده بلاش
و ربنا يباركلك و انا كنت متابع رحله بحثك و ربنا يوفقك كمان و كمان

امير باشا ....... نورت المحكمة .............. الف شكر
اعتقد ان الاوفر درايف كدة معلومتة اللي عندي اتأكدت من كلامك ..... باستثناء انه بيلغي النقلة الرابعة مش الخامسة ...... يظهر ان اللي قاللي المعلومة عربيته 5 نقلات مش 4 لأنها سيارة كبيرة (تويوتا افالون )
السؤال اللي خطر في بالي وانا بأقرأ كلامك
هل لما اقف في اشارة قصيرة وابقي على d وادوس فرامل ده مش خطر على الجير؟ .... انا كدة كأني معشق الأول ومانع السيارة من الحركة بالفرامل ...... مش كدة ولا انا فاهم غلط ؟؟؟؟
اكرر شكري لردك واهتمامك :S_thum1[1]:

اقتباس:

---

المشاركة الأصلية كتبت بواسطة aif

امير باشا ....... نورت المحكمة .............. الف شكر
اعتقد ان الاوفر درايف كدة معلومتة اللي عندي اتأكدت من كلامك ..... باستثناء انه بيلغي النقلة الرابعة مش الخامسة ...... يظهر ان اللي قاللي المعلومة عربيته 5 نقلات مش 4 لأنها سيارة كبيرة (تويوتا افالون )
السؤال اللي خطر في بالي وانا بأقرأ كلامك
هل لما اقف في اشارة قصيرة وابقي على d وادوس فرامل ده مش خطر على الجير؟ .... انا كدة كأني معشق الأول ومانع السيارة من الحركة بالفرامل ...... مش كدة ولا انا فاهم غلط ؟؟؟؟
اكرر شكري لردك واهتمامك :S_thum1[1]:

---

بعد اذن د/امير

في الاشاره مفيش مشكله انك تبقى عال d وتدوس فرامل بس ( الافضل ) انك تجيب n عشان ماتحملش على الفتيس والفرامل ... يعني استعمال مثالي للحفاظ على الفتيس والتيل على المدى الطويل ... فيه حاجه انا بعملها الصراحه مش متاكد اذا كانت صح ولا لا انك وانت داخل عالاشاره وقبل ماتقف خالص على سرعة 40 مثلا ولا حاجه انك تجيب n كانك سايق مانيوال ومورت العربيه وانت داخل على اشاره بتقلل العزم وتقلل الحمل عالفرامل .

فيه ملاحظه تانيه لتقليل استهلاك البنزين ... طبعا الاوتو بينقل لوحده بس هو حساس لضغطتك على البنزين ... بمعنى ان لو رجلك تقيله شويه عالبنزين بدل مثلا مالعربيه تنقل على rpm 2.5 هتلاقيها نقلت على 3 او اكتر والعكس صحيح يعني لو انت خفيت رجلك او شيلتها ثانيه من عالبنزين هتلاقيها بدل ماتنقل على 2,5 هتنقل على 2 وده هيقلل استهلاك البنزين لأن اكتر مرحله الاوتو بيتسهلك فيها بنزين بتكون مرحلة النقلات ... طبعا كل ده يعتمد على التسارع اللي انت محتاجه لو عايز تمشي براحتك او تجري

اقتباس:

---

المشاركة الأصلية كتبت بواسطة aif

هل لما اقف في اشارة قصيرة وابقي على d وادوس فرامل ده مش خطر على الجير؟ .... انا كدة كأني معشق الأول ومانع السيارة من الحركة بالفرامل ...... مش كدة ولا انا فاهم غلط ؟؟؟؟

---

اقتباس:

---

المشاركة الأصلية كتبت بواسطة dr_smart

بعد اذن د/امير

في الاشاره مفيش مشكله انك تبقى عال d وتدوس فرامل بس ( الافضل ) انك تجيب n عشان ماتحملش على الفتيس والفرامل ... يعني استعمال مثالي للحفاظ على الفتيس والتيل على المدى الطويل ...

---

العفو يا فندم و ربنا يكرمني و اكون في خدمه الجميع
انا برضو سمعت نفس الكلام من الراجل اللي اشتريت منه عربيتي
بس الكلام ده مش عاجبني و مش مقتنع بيه و هاقول ليه
لما بندوس فرامل و العربيه علي الd التيل بيكون ماسك الطنابير تماما
يبقي هيستهلك ازاي؟
قصدي انه مش بيحك في الطنابير و هيا بتلف علشان يوقفه فبالتالي التيل هيتاكل ازاي؟!!
ثانيا:
و انت دايس فرامل و موقف العربيه و جايب ال d مبيعملش حاجه خالص علي الموتور و الا مكانوش عملو الفتيس الاوتوماتك
و يا دكتور سمارت نصيحه اخويه مني
بلاش حركه ال n و انت داخل علي عربيات واقفه الله يكرمك
حاول توفر استهلاك البنزين عن طريق تقليل دوسه البنزين فقط
و تعمل حساب للمسافه اللي قدامك
لكن تجيب n ده خطر جدا جدا
افرض حصل حاجه عربيه كده ولا كده ولا عيل ولا حد بيعدي و انت ممور
مش هتعرف تعمل حاجه ولا تفادي حد
دي وجهه نظري و الله اعلم

اقتباس:

---

المشاركة الأصلية كتبت بواسطة amir

بص يا باشا
ال l ده معناه low gear و في عربيات تانيه بيكون 1 ببساطه
ال 2 هي النقله التانيه
و نييجي بقي لأسئلتك:

1- العربيات الاوتوماتك 4 نقلات اماميه فقط و ليست 5 نقلات
الاوفر درايف بيقفل النقله الرابعه الاماميه و يخليك تمشي علي 3 نقلات اماميه فقط
و ده بيدي عزم و تسارع كويس تحت سرعه ال 100 كيلو و بعدها هتلاقي انك علشان تجري عن كده لازم تفتحه تاني (و كأنك سايق عربيه مانيوال علي الرابع و جايب اخره علشان تزود لازم تجيب النقله الخامسه)

2- فعلا وضع الجير علي l او 2 مش هيخلي العربيه تنقل لحاجه تانيه غيرهم فقط
بمعني لو جايب الفتيس علي l العربيه هتفضل علي الغيار الاول فقط
و لو جايب الفتيس علي 2 العربيه هتنقل ما بين الغيار الاول و التاني فقط
و سواء l او 2 فدول ليهم فوايد معينه
مثلا لو طالع مطلع عالي قوي بالعربيه زي جراج مثلا و العربيه محمله ناس و حاجات ممكن تستخدمهم علشان العربيه اوتوماتك و لو سيبتها علي ال d ممكن تلاقي السحب ضايع
و كأنك بالظبط بعربيه مانيوال و طالع نفس المطلع هل بتجيب نقلات كبيره ولا بتخليك اولاني تاني؟!
و كذلك الوضع علي منزل كبير و مش عايز العربيه تفتح في السرعه(نزله المقطم علي سبيل المثال) بتجيب l او 2 علي حسب سرعه العربيه و بكده العربيه تتلجم و متجريش منك لوحدها
و في استخدام تاني خالص غير كل ده و ده
لما تيجي تشد مع واحد بالعربيه
اولا بتقفل الاوفر درايف
ثانيا بتجيب العصايه علي l
لغايه ما تجيب اخر الار بي ام و بعد كده تنقل علي 2
و تجيب اخره
و بعد كده تفك الاوفر درايف
و بعد كده تنقل علي d
علشان الموضوع ميلخبطكش
و كأنك بتنقل في المانيوال اولاني فتاني فتالت فرابع
متنساش ان الاوتوماتك 4 نقلات فقط

3- الكيك داون هو هو تسقيط النقله
كل اللي عليك تعمله انك تدوس بنزين جامد مره واحده و تفضل دايس
و في ظرف اجزاء من الثانيه العربيه هتسقط غيار لتحت و تفضل حارقه عليه لغايه ما تريح رجلك شويه من علي البنزين
و مش خطر علي الجير لأنه مصمم لعمل كده اصلا
و العربيات الانجكشن بتحمي الماتور انه يوصل للمنطقه الحمراء لعدد لفاته
فمتقلقش بس خد بالك ان الموضوع ده بيستهلك بنزين بطريقه بشعه
هو لازمته انك تتخطي حد بسرعه

4-بص يا كبير
انت ممكن تنقل بالتدرج ده بس مع مراعاه ان سرعتك تكون مناسبه و الا الار بي ام هيزعقلك!!
من d الي 2 الي l
من d الي l
من l الي 2 الي d
و كل النقلات دي و انت ماشي من غير فرامل
بس الممنوع و اصلا لو حاولت تجرب هتلاقي الفتيس مش بينقل انك تجيب من r الي d او العكس و العربيه ماشيه

5- لو الاشاره هتطول زي الاشارات الالكتروني دي يبقي تجيب n و تدوس فرامل او ترفع هاند بريك
غير كده خليك d و فرامل بس حط في اعتبارك انك بتستهلك بنزين
مهما ان كان اوعي تجيب العربيه علي الp في اشاره
لييجي واحد مهبوش في عقله يريح او يدخل فيك و ساعتها الجير بوكس بتاعك هيبدء ينهار
و لما تركن العربيه موازي للرصيف بلاش تسيبها علي ال p برضو
انا شفت ستات و هيا بتركن و اعوذ بالله منهم و مش عايز عيال صغيره او بنات مخها طاقق يقولي مبيحصلش!!!!
الستات لما ييجو يركنو بيكونو في منتهي الخطوره علي عربيات الناس و بيكون ساعتها عندهم انعدام تام في الدم و الاخلاق و الضمير
=========================
و تحافظ علي الجير بوكس انك و انت ماشي لقدام و جاي ترجع ورا العربيه تكون واقفه تماما و رجلك علي الفرامل
و الاهتمام بتغيير زيت الفتيس و الفلتر لو كان في في مواعييد تغييره
و بلاش تقطر عربيه الا لو الظروف حكمت غير كده بلاش
و ربنا يباركلك و انا كنت متابع رحله بحثك و ربنا يوفقك كمان و كمان

---

بصراحة كلام من الأخر

مبروك العربية يا حج احمد ,, كده هتكره سواقة المانيوال بعد ما تتعود على الأوتوماتيك وهتبدل الأوبترا بتاعتك غالباً .

بس حافظ على مستوى الزيت الفتيس في الاوتوماتيك وهو يعيش ويعمر معاك

اقتباس:

---

المشاركة الأصلية كتبت بواسطة د.محمود صلاح

مبروك العربية يا حج احمد ,, كده هتكره سواقة المانيوال بعد ما تتعود على الأوتوماتيك وهتبدل الأوبترا بتاعتك غالباً .

بس حافظ على مستوى الزيت الفتيس في الاوتوماتيك وهو يعيش ويعمر معاك

---

الله يبارك فيك يا دكتور
بس برضه المانيوال له متعته الخاصة وان كان متعب في الزحام
والتنوع مطلوب برضه ... شوية منيوال وشوية توماتيكي
المهم المدام تسوق الاوتو من غير تعب الفتيس والنقل والعربية تطفي والعربية ترجع لورا في المطالع والتهريج اللي كان بيحصل معاها ده .... بصراحة ال 128 خلتها تتعلم بالاصول ..... وتعرف قيمة العربيات الحديثة .... لو كنت جبتلها عربية حديثة من الاول كانت اتبطرت ع النعمة :C_laugh[1]:

كلام جميل من الدكتور امير والدكتور سمارت
ياريت توضيح اكثر للاوفر درايف
انا مش متذكر معلوماتي كويس بس مش الاوفر درايف يخلي سرعة العربية ضعف سرعة الموتور
وداخله فيه حكاية تروس للحركة
يعني
نستخدمه في اوقات الطوارئ فقط ولمدة بسيطة مثل لزوم التخطي السريع لتفادي مشكلة معينة ؟
و لا ده حاجة تانية ولا انا كنت بحلم بالنظام ده
بصراحة مش فاكر

الوفر درايف أو ال سبورت مود od بإختصار يخلي الغيار على الثالث وما ينقلش للرابع وبالتالي يدي عزم للعربية ولو كنت على الرابع يسقط نقله

برضو مش فاهم ميكانيكيا ازاي تسقيط نقلة يسرع العربية
المفروض العكس
حد يشرح لي ببساطة ميكانيزم الاوفر درايف وتسقيط النقلة بيتم ازاي (مش اعملو ازاي)
يعني ايه اللي يحصل في عدد لفات الموتور وايه اللي بيحصل في تروس الجير علشان يحصل التسارع القوي

طيب يا جماعه ان كان الواحد ماشى على d على سرعه 80 مثلا وبعدين جاب n ومشى شويه وبعدين جاب ال d على سرعه 40 ده عادى ولا غلط

معلش انا معرفتى بلاوتوماتك محدودة شويتين لانى مبحبوش و مسوقتش اوتوماتك غير قليل فا حجاوب قدر ما اعرف

اقتباس:

---

المشاركة الأصلية كتبت بواسطة aif

1- زرار الاوفر درايف ..... هل هو بيسقط نقلة .... ولا بيخلي السيارة تمشي على اربع سرعات فقط ويلغي النقلة الخامسة ؟؟؟؟؟

---

اللى اعرفة ان الزرار دة بيستخدم فى حالة انك عايز تسارع قوى من العربية... و فى الغالب دة بيتم من خلال النقل على لفات موتور عالية او تسقيط نقلة لو انت كنت اساسا فى وضع حركة

فى بعض السيارات الاخرى بيبقى اسمة زرار الباور Power button

اقتباس:

---

2 - بعد ال d عندي نقلتين 2 و L ناس قالولي ان 2 بيخلي السيارة ماتنقلش اكتر من الثاني L بتخلي السيارة ع الاول فقط لزوم المطالع
هل الكلام دة صحيح ؟؟؟؟؟

---

yes

اقتباس:

---

3 - ازاي اعمل كيك دون او اسقط نقلة ؟؟؟

---

دوس الدواسة للارض

اقتباس:

---

وهل ده غلط ع الفتيس

---

لا... بس طبعا دة اجهاد للموتور و الفتيس زى الحرق فى عربية مانيوال

اقتباس:

---

4- هل ممكن ابقى سايق واجيب على 2او L وانا ماشي ولا لازم اكون واقف

---

مش عارف... اعتقد ممكن بس خللى بالك من سرعة العربية و مدى تناسبها للنقلة اللى عايز تنقل عليها... اعتقد لو سرعتك عالية زيادة عن اللزوم و عملت كدة حتحمل جامد على مكونات الفتيس و ممكن يتضرر...

معرفش العربيات الاوتوماتك فيها اى وسائل حماية تمنع تعشيق النقلة الاقل لو سرعة العربية غير مناسبة للسرعة ولا لا

اقتباس:

---

5- لما اكون في اشارة المفروض انقل على N ولا P ولا افضل على D وادوس فرامل

---

الP بتاع الركن... معتقدش ان المفروض تبقى على الP طالما انت فى موضع بتستعد فيه للتحرك... فى حالة الاشارة ممكن تنقل للN طالما حتقف شوية كتير

فى حالة الوقوف بالفرامل على الD فا انت محمل على الtorque converter و اعتقد ان دة مش حاجة كويسة لو اتعمل مدة طويلة

اقتباس:

---

ازاي اقدر احافظ على الجير الاوتوماتك ؟

---

زية زى اى مكون ميكانيكى اخر... حاول متجهدوش بالاستخدام العنيف و اعمل الصيانات بتاعتة فى مواعيدها المقررة فى الكتالوج

MMamdouh

كا تعليق عام على ما سبق:

فى رائى الشخصى ان النقل الى N اثناء التحرك بالعربية ملوش لزمة لان الفتيس كدة كدة له طريقة للشغل تتناسب مع ظروف القيادة بالتالى مفيش داعى للتدخل البشرى فى شغل الفتيس الاوتوماتك

بالنسبة للفرامل فا العربيات الاوتوماتك بتستهلك مكونات الفرامل اسرع من العربيات المانيوال نتيجة ضعف تاثير الموتور فى فرملة العربية لما السواق بيشيل رجلة من على دواسة البنزين... بالتالى الاستهلاك بيبقى مناظر لاستهلاك فرامل عربية مانيوال و اللى سايقها بيمور كل ما يدوس فرامل

MMamdouh

اقتباس:

---

المشاركة الأصلية كتبت بواسطة skybird

برضو مش فاهم ميكانيكيا ازاي تسقيط نقلة يسرع العربية
المفروض العكس
حد يشرح لي ببساطة ميكانيزم الاوفر درايف وتسقيط النقلة بيتم ازاي (مش اعملو ازاي)
يعني ايه اللي يحصل في عدد لفات الموتور وايه اللي بيحصل في تروس الجير علشان يحصل التسارع القوي

---

انا لو عندي عربية مانيول وماشي على 80 على الخامس وعايز اطلع من عربية فجأه >>>>>

انزل للثالث فوراً واكبس بنزين للاخر وانا على الثالث هتلاقي العربية خدت كل عزمها وتسارعت بشدة للتخطي والتجاوز ( كل ما تزيد لفات الموتور العربية بتستخدم احصنه زيادة للعزم لحد ما تصل عند اللفات القصوى اللي عندها يطلع آخر قوة للموتور - تلاقي ديماً يقول لك 105 حصان عند 6500 لفة - ) ,, وبعدين انقل للرابع او للخامس ..

الاوتوماتيك ممكن تعمل كده بحاجة اسمها كيك داون ... اللي هو دوسة دواسة البنزين للآخر فجاه للآخر هتلاقي الفتيس سقط نقلة و الآر بي إم على والعربية بتسحب ( وممكن يسقط نقلتين كمان )

او تدوس على ال od هيخلي العربية على الثالث عشان تسحب براحتك وبعدين تطفيه وهتنقل للرابع

حركة الفتيس الاوتوماتيك من الخلف للأمام وليس العكس ( من كتالوج احد العربيات الاوتوماتيك اللي ركبتها )

اقتباس:

---

المشاركة الأصلية كتبت بواسطة MMamdouh

كا تعليق عام على ما سبق:

فى رائى الشخصى ان النقل الى N اثناء التحرك بالعربية ملوش لزمة لان الفتيس كدة كدة له طريقة للشغل تتناسب مع ظروف القيادة بالتالى مفيش داعى للتدخل البشرى فى شغل الفتيس الاوتوماتك

بالنسبة للفرامل فا العربيات الاوتوماتك بتستهلك مكونات الفرامل اسرع من العربيات المانيوال نتيجة ضعف تاثير الموتور فى فرملة العربية لما السواق بيشيل رجلة من على دواسة البنزين... بالتالى الاستهلاك بيبقى مناظر لاستهلاك فرامل عربية مانيوال و اللى سايقها بيمور كل ما يدوس فرامل

MMamdouh

---

شكرا يا باشا
كان يهمني جدا اسمع رأيك
....
لكن انت مش بتحب التوماتيكي ليه ؟؟؟؟
..
انا عموما برضه باستمتع بقيادة المانيوال .... لكن كل عصر وله ادان
لما الدنيا تبقى زحمة بالشكل ده ..... والواحد يكبر وركبته تبدأ تنفسن وتقل أصلها مع الوزن الزيادة ..... يبقى التوماتيكي نعمة من الله
التوماتيكي راحة ودلع ..... لعب اتاري تقريبا :Oc_sun1[1]::Oc_sun1[1]:
لكن السواقة ..... اكيد مانيوال

اقتباس:

---

المشاركة الأصلية كتبت بواسطة aif

شكرا يا باشا
كان يهمني جدا اسمع رأيك
....
لكن انت مش بتحب التوماتيكي ليه ؟؟؟؟
..
انا عموما برضه باستمتع بقيادة المانيوال .... لكن كل عصر وله ادان
لما الدنيا تبقى زحمة بالشكل ده ..... والواحد يكبر وركبته تبدأ تنفسن وتقل أصلها مع الوزن الزيادة ..... يبقى التوماتيكي نعمة من الله
التوماتيكي راحة ودلع ..... لعب اتاري تقريبا :Oc_sun1[1]::Oc_sun1[1]:
لكن السواقة ..... اكيد مانيوال

---

محبش العربية تتصرف من دماغها...

الحل الوسط هو التيبترونك... مفيش دبرياج بس انت اللى بتاخد قرار النقل

MMamdouh

سبحان الله يا اخي مش بحب سواقة الاوتوماتيك خاالص

اقتباس:

---

المشاركة الأصلية كتبت بواسطة mmamdouh

محبش العربية تتصرف من دماغها...

الحل الوسط هو التيبترونك... مفيش دبرياج بس انت اللى بتاخد قرار النقل

mmamdouh

---

والله عندك حق وتحياتي للزمالكاويه

مشكور ا. أمير على المعلومات الجامده
وفعلاً مفيده أشكرك أخى

الموضوع مفيد فعلا وشكرا لصاحب الموضوع وكل من شارك بمعلومه صحيحه

اقتباس:

---

انا لو عندي عربية مانيول وماشي على 80 على الخامس وعايز اطلع من عربية فجأه >>>>>

انزل للثالث فوراً واكبس بنزين للاخر وانا على الثالث هتلاقي العربية خدت كل عزمها وتسارعت بشدة للتخطي والتجاوز

---

ازاي يا باشا ماشي على 80 على الخامس ؟

وازاي مقدرش اطلع من عربية على الخامس واطلع منها على الثالث ؟
انا مليش في المانيوال قوي بس عايز اعرف

اقتباس:

---

الاوتوماتيك ممكن تعمل كده بحاجة اسمها كيك داون ... اللي هو دوسة دواسة البنزين للآخر فجاه للآخر هتلاقي الفتيس سقط نقلة و الآر بي إم على والعربية بتسحب ( وممكن يسقط نقلتين كمان )

---

ما هو الاوتوماتيك فيه برضو اول وتاني وثالث ورابع ....

سؤال مهم و اجابه شافيه وافيه

اقتباس:

---

المشاركة الأصلية كتبت بواسطة skybird

ازاي يا باشا ماشي على 80 على الخامس ؟

وازاي مقدرش اطلع من عربية على الخامس واطلع منها على الثالث ؟
انا مليش في المانيوال قوي بس عايز اعرف

---

على الخامس او التالت حتطلع... بس حتاخد وقت قد ايه؟؟؟

كل ما كانت النقلة اللى انت بتتسارع عليها اقل كل ما كان زمن التسارع اقل... بالتالى عشان تطلع من عربية و انت ماشى 80 ممكن تطلع على التالت فى ظرف 4 ثوانى او الرابع فى ظرف 9 ثوانى او على الخامس فى ظرف ربع ساعة... الموضوع مرتبط بظروف الطريق و قرارات السواق

MMamdouh

اقتباس:

---

المشاركة الأصلية كتبت بواسطة mmamdouh

على الخامس او التالت حتطلع... بس حتاخد وقت قد ايه؟؟؟

كل ما كانت النقلة اللى انت بتتسارع عليها اقل كل ما كان زمن التسارع اقل... بالتالى عشان تطلع من عربية و انت ماشى 80 ممكن تطلع على التالت فى ظرف 4 ثوانى او الرابع فى ظرف 9 ثوانى او على الخامس فى ظرف ربع ساعة... الموضوع مرتبط بظروف الطريق و قرارات السواق

mmamdouh

---

حضرتك جيت لنقطة مهمة اوي ... دايماً شغلاني
هل في ضرر من كدا ؟
يعني انا العربية عندي المفروض
20
40
55
75

تاني
ثالت
رابع
خامس

هل لما اهدي شوية و اوصل ل60 مثلا و اكمل على الخامس... دا فيه غلط على عمر المحرك ؟
و لا عادي

اقتباس:

---

المشاركة الأصلية كتبت بواسطة aif

......
2 - بعد ال d عندي نقلتين 2 و l ناس قالولي ان 2 بيخلي السيارة ماتنقلش اكتر من الثاني l بتخلي السيارة ع الاول فقط لزوم المطالع
هل الكلام دة صحيح ؟؟؟؟؟

........

---

الوضع 2 ده معناه إن العربية واخدة الغيار الثاني فقط يعني صحيح العربية مش هتنقل بعد التاني بس في نفس الوقت مش هتنقل على الأول ولا حتى لو وقفت تمام ... ال وضع 2 ده بيستخدم في حالتين:
1- المنازل علشان العربية مبتحتاجش عزم علشان تتحرك من الثبات ... و علشان تستغل المحرك في إبطاء تسارع العربية و تريح الفرامل ... خصوصا لو منزل طويل.
2- عند الحركة من الثبات على الأراضي الجليدية (أيوة زي عندنا في مصر بالظبط :)) ... علشان تخف العزم بتاع الطلعة من الثبات وبالتالي العربية ماتعومش ... طبعا النقطة دي معمولة للدول إللي فيها جليد.

اقتباس:

---

المشاركة الأصلية كتبت بواسطة aif

5- لما اكون في اشارة المفروض انقل على n ولا p ولا افضل على d وادوس فرامل
........

---

لو هتقف شوية و إنت جوة العربية تجيب ال n و رجلك على الفرامل أو ترفع الهاندبيرك (كدة إنت بتريح الجيربوكس) ... ولو هتنزل من العربية خلي بالك إنك تجيب ال p وترفع الهاندبريك قبل ما تشيل رجلك من على الفرامل ... لو جيبت ال p و سيبت العربية شوية من غير فرامل العربية هتريح حاجة بسيطة إما قدام أو ورا لو الأرض تحت العربية مش أفقية تماما وده غالبا في كل شوارعنا ... تيجي بعد شوية على الوضع ده تجيب غيار حركة و تسيب فرامل ممكن تسمع صوت طقطقه عالي زي ما تكون حاجة بتتكسر ده نتيجة إن العربية ريحت على التعشيق على نقطة عكس إتجاه الحركة إللي العربية عايزة تاخده.

وتقبل تحياتي.

اقتباس:

---

المشاركة الأصلية كتبت بواسطة M.Osman

حضرتك جيت لنقطة مهمة اوي ... دايماً شغلاني
هل في ضرر من كدا ؟
يعني انا العربية عندي المفروض
20
40
55
75

تاني
ثالت
رابع
خامس

هل لما اهدي شوية و اوصل ل60 مثلا و اكمل على الخامس... دا فيه غلط على عمر المحرك ؟
و لا عادي

---

دة يعتبر تحميل على الموتور... انزل رابع لحد ما توصل 75 و بعدين حط خامس

MMamdouh

اقتباس:

---

المشاركة الأصلية كتبت بواسطة aif

شكرا يا باشا
كان يهمني جدا اسمع رأيك
....
لكن انت مش بتحب التوماتيكي ليه ؟؟؟؟
..
انا عموما برضه باستمتع بقيادة المانيوال .... لكن كل عصر وله ادان
لما الدنيا تبقى زحمة بالشكل ده ..... والواحد يكبر وركبته تبدأ تنفسن وتقل أصلها مع الوزن الزيادة ..... يبقى التوماتيكي نعمة من الله
التوماتيكي راحة ودلع ..... لعب اتاري تقريبا :oc_sun1[1]::oc_sun1[1]:
لكن السواقة ..... اكيد مانيوال

---

تصدق تعليقك ده عاجبنى جدا جدا
لأن تفكيرى كده بالضبط
و الفتيس التيترونك هو الحل فعلا بس شكله مليان مشاكل زى بتاع تيوتا إلا إذا كان من عربية محترمة أوى مخافش ساعتها

و الله يا جماعه جيتو علي الجرح
انا متربي علي المانيوال
و سقت مانيوال طول عمري
و حاليا راكب اول اوتوماتك في حياتي
فعلا سواقه الاوتوماتك دلع و كأنك بتلعب اتاري
يادوبك بتحرك الدركسيون كنوع من انواع النشاط بدل ما تنام

لكن

واحشاني قوي قوي السواقه
سواقه يعني مانيوال
و حاسس اني لو هغير العربيه ممكن ارجع اركب مانيوال

اقتباس:

---

المشاركة الأصلية كتبت بواسطة M.Osman

حضرتك جيت لنقطة مهمة اوي ... دايماً شغلاني
هل في ضرر من كدا ؟
يعني انا العربية عندي المفروض
20
40
55
75

تاني
ثالت
رابع
خامس

هل لما اهدي شوية و اوصل ل60 مثلا و اكمل على الخامس... دا فيه غلط على عمر المحرك ؟
و لا عادي

---

أنا بحس إن أرقام الكاتالوجات ديه بتموووووت الماتور
ملكش دعوة بالسرعة عينيك على الrpm و لو معندكش يبقى بصوت الماتور و اللى هتعرفه من الخبرة
أنا قاقل واجب بنقل على 2.5 أو 3 rpm والعادى من 3 ل 4 و لو جرى بغباء لغاية 5.5 أو 6 لكن الخامس على 75 متهيألى بدرى أوى إومال ال160 أو ال180 هاجيبهم على السابع بقه

أنا عارف إن السرعات ديه نادر قوى إن إحنا نجيبها بس أنا دايما بحب الماتور صاحى و فايق معايا على طول
و ربنا يبارك لكل الناس فى عربياتهم و يرزقهم من أوسع أبوابه