الموضوع: بعد فترة التلين يا ترى ايه الاجراء المتبع بعد كده ؟

المشاركة الأصلية كتبت بواسطة sab3aawy

انا حصل عندى لبس اثناء قرائتى للموضوع،
حضرتك عملت عمرة لموتور العربية ولينته؟
ومع كدة بتقول انك بتستعمل زيت للمحركات القديمة
كلمة " المحركات القديمة" دى تنطبق على المحركات اللى مش متعمرة
حضرتك طالما عمرت المحرك مفروض تستعمل زيت سوبر "متعدد الدرجات" 20W-50 وليس زيت المحركات القديمة اللى بيكون احادى الدرجة 50
لو كت عمرت المحرك عندك مجموعة الزيوت دى نقى منها واحد: موبيل xhp، توتال كوارتز 5000،شل هيليكس(الجركن الأصفر) ، بى بى فيسكو 2000

شكرا لمرور حضرتك يا باشمهندس سبعاوى وياريتنى قريت المشاركة قبل ما أغير الزيت لانى غيرته فعلا( شيل هيليكس الاحمر ) وهو برضو 20w-50 لكن 3000 كم مش 5000 زى الاصفر والعامل بتاع المحطة قال عنده نوعين احمر واحد الف وواحد 3 الاف
وهما فى محطة شيل عاملين جدول فى لوحة كبيرة محدد نوعية الاستخدام وعمر السيارة ودرجة الزيت وهو تقريبا ان لم تخنى الذاكرة كالاتى :-
الالترا : للمحركات الجديدة تخليقى من صفر الى 4 سنوات
الازرق : نصف تخليقى حاطين ارقام تقريبا 5-40 من 4 سنوات الى 8
الاصفر معدنى 15 -50 من 8 الى 12 سنة
الاحمر : معدنى للمواتير الاقدم من 12 سنة
وانا على حد فهمى حطيت الاحمر مع انى كنت مجرب الاصفر قبل كده

المشاركة الأصلية كتبت بواسطة semsem kane

الماتور بعد العمرة بيبقى نسبة كبسة من 80% الى 85 % لو اتعمل صح وبقطع غيار اصلية معتمدة
وبالنسبة لاول اجراء بعد تخطى اول 1000 كيلو
1:تغير زيت وفلتر زيت (يفضل زيت متعدد الدرجات لتسهيل حركة اجزاء الماتور الداخلية )
2:ظبط الكهرباء والتاكيهات على الوضع الجديد
3:اتعامل بقى عادى شغل التكيف, اجرى
4:بالنسبة لقطر عربية تانية اصلا غلط لان كل عربية مصممة انها تشيل مش اكتر من 600 كيلو فتخيل بقى هية بتجر عربية وزنها فوق ال1000 كيلو غير اللى فيها فنصيحة منى ماتعملش الموضوع دة اصلا

شكرا جدا لمشاركة حضرتك وانا فعلا عملت العمرة فى مكان محترم وقطع غيار اصلية وصرفت عليها صح بما يقارب تمن موتور استراد
وغيرت فلتر وزيت وضبطت تاكيهات وكهربا والعربية نعمت جدا وصوتها بقى هادى بعد تغير سير الكاتينة الحديد لكن الخلاف مع الميكانيكى انه مصمم احط بنزين 90 علشان احافظ على الموتور وانا شايف الفرق بسيط فى السحب والعربية بقت ناعمة مع ال 80 فهل فى ضرر من بنزين 80 على المدى الطويل لا العملية مش فارقة ونوفر نص التمن بتاع البنزين خصوصا انى مشاويرى كتير
وجزاك الله خيرا