السلام عليكم ورحمة الله وبركاته
تم الحصول على اسعار قطع غيار البونتو حصريا من التوكيل
سيتم تجديد الاسعار باستمرار ان شاء الله
تم التثبيت بواسطتي
250410
1:43pm
مشرف فيات ١٨ب
عرض للطباعة
السلام عليكم ورحمة الله وبركاته
تم الحصول على اسعار قطع غيار البونتو حصريا من التوكيل
سيتم تجديد الاسعار باستمرار ان شاء الله
تم التثبيت بواسطتي
250410
1:43pm
مشرف فيات ١٨ب
الله عليك يا محمد باشا .... ما فيش حاجة للباليو :)
بجد مجهود رائع جزاك الله عنه كل خير
حاجة غريبة جدا قطع غيار البونتو العادية اقل حاجة بسيطة اوى من الجراند!!
رغم انها اقدم منها بكتير يعنى بقالها 5 سنين قبل الجراند فى حين انها عند الكيلانى نص التمن
الف شكر لحصرياتك .
شكرا للإدارة على التثبيت
شكرا ياباشا على مجهوداتك وفى انتظار المزيد :)
شكرا , موضوع جامد
, و فعلا فى أسعار غريييييبة , خصوصا ان العربية ب 70 ألف مش 150 ألف يعنى
اوماترا لو عليها عاوزة تنزل قائمة اسعار واحدة لكل الموديلات يعني الاونو تبقى زي البرافو وال 500
أسعار مبالغ فيها جدااااااااااا في حاجات كتير .... فعلا دي مش عربيه ب 150000 ....
الاسعار استهبال جدا بصراحة
فانوس امامي ايه اللى ب 1350 جنيه و لسه الضريبة كمان يعني حوالي 1460 مثلا
في الكيلاني الفانوس ده ب 450 جنيه اساسا ده غير اني مسكت الباغة بتاعتة و مش شايف انه يجيب اكتر من 450 دول
التوكيل بيستهبل اوي في اسعار قطع الغيار
طب يا جماعة هى البونتو الكاسيك اى نظام قطع غيارها برة التوكيل منتشؤة و الاسعار كام مادام هى غالية فى التوكيل علشان انا ناوى اشتريها علشان الخصم بتاع اتوماك (من 70 الف بقت ب 66 الف) ياريت حد يساعدنى
كلها موجودة عند كذا محل منهم الكيلانى , و أغلبها بنص سعر التوكيل
و نصيحة أمن عليها علشان لو عملت حادثة لا قدر الله و الايرباج فتحت
شكرا يا باشا وانا كده كده ناوى اعمل تأمين ان شاء الله على العربية اللى هشتريها ان شايف ان العربية دى معاك يا ترى ايه رايك فيها و فى التوكيل عوما علشان انا مقتنع بيها جدا كفاية انها ايطالى بس انت عارف الكلام اللى على الفيات فى قطع الغيار و الريسيل و الذى منه
فى الresale ضايعة جدا زيها زى العربيات الأوروبى كلها , من الأخر لو ناوى ان العربية تقعد معاك 5 سنين أو أكتر اتوكل على الله و هاتها
قبل ما تشتريها بص على العربيات اللى فى نفس الفئة السعرية زى الفيرنا, الجيتز, الأفيو, الانوس , البروتون ساجا علشان ما تحسش انك اتسرعت بعد كدة , رأيى الشخصى انها أفضل منهم كلهم كأمان و جودة بس برضو لازم تبص بنفسك
الاسعار تعتبر غالية بالنسبة لسعر العربية
شكرا على الرد انا بس عندى استفسار ان شوقت الموضوع بتاع الشكوى اللى الناس ناوية تبعتها لفيات ايطاليا و مكتوب هناك ان قطع الغيار غالية بس دى مفهوم ليه لانها فى التوكيل بس كمان مكتوب ان سعر الصيانات الدورية غالى على عربية بالسعر ده و دا اكيد عيب خطير يعنى قطع الغيار و حتى موضوع تأمين علشان الاير باج مقدور عليها بس حتة الصيانة اكيد مش حلوة انت اى رأيك؟؟
صيانة ال10,000 بتكلف 450 جنيه تقريبا
ال20,000 بتكلف 700 تقريبا و لو غيرت تيل الفرامل هتكلف 950 تقريبا
ال30,000 زى ال10,000
ال40,000 هاتكلف 1500 (بس مش متأكد بالظبط)
الأسعار غالية نسبيا مقارنة بالعربيات التانية الكورى بس مقارب لصيانة الماركات الأوربى التانية
الشكوى مش علشان الصيانة غالية بس
الشكوى علشان حاجات كتيييير متجمعة مع بعض (الصيانة , قطع الغيار ,المعاملة مش قد كدة, قلة الدعاية, قلة مراكز الصيانة,....)
الصورة مش شغالة, يرجى رفعها من جديد على سيرفر تانى
صيانة ال 40000 كم للبونتو الكلاسيك تكلفتها اغلى من الجراند بونتو و هي 2300 جنيه مش 1500
و لو غيرت تيل فرامل هتقفل 2500 جم مستريح واخد الكلام ده من مهندس شريف في مركز الصيانة في جسر السويس
مش عارف اقول ايه بصراحة
بصراحة قطع الغيار فيها نقص في السوق بشكل ملحوظ جدا و انا بعاني المشكلة دي لاني مش عارف لحد دلوقتى اجيب فانوس امامي للعربية بدل المكسور لانه مش موجود ولا حتى عند الكيلاني
بس مش كل قطع الغيار فيه و فيه
بس مش معنى كده ان العربية وحشة بالعكس قد ما هي حلوة جدا قد ما فيها العيوب دي
هتغلب عشان تجيبلها قطع غيار برة التوكيل
حضرتك مش لاقى عند الكيلانى؟ أنا اشتريت واحد "ديبو" اندونيسى على ما أفتكر من عنده من 6 شهور تقريبا ب470 جنيه
و على فكرة لمحت فانوسين عند واحد فى وكالة البلح من فترة, سعر الاستعمال 180 تقريبا, بيبقى فيه خدوش بسيطة بس
بس مش كنت عايز تصلحه عند شركة الأهرام من زمااااان ؟
منا اخيرا صلحتة امبارح بس
اصل كنت حاتل هم اني افك الفانوس و ياخد يومين في صبه و العربية تمشي من غير فانوس و اخد مخالفة امن و متانة ده غير اني مبقدرش استغنى عنها بس لما رحتله امبارح على 11 الصبح قللي هخلصهالك على 7 بالليل فا قلت تمام كده هلاقي زي كده فين
فا عملته الحمد لله اخيرا و عمله حلو جدا و اتكلف 100 جنيه
بس صدرني للكهربائي اللى جمب الشركة على طول عشان يفك الفانوس و قللى تكلفة فكه و تركيبه 40 جنيه (هل ده كتير ولا كويس؟ لاني حاسس انه بيستهبل) بس ما علينا هو تكلفة كليه 140 جنيه احسن من 470 طبعا
و بالنسبة للكيلاني الستوك عنده خلص من الفوانيس و مفيش عنده دلوقتى خالص يعني حتى لو حبيت اشتري زيرو مش هلاقي و سألت في الوكالة و الحرفيين مفيش خالص و سبحان الله اللى عنده بيبقى عنده الفردة الشمال بس حاجة غريبة زي ما يكون اليمين دي اتلغت من العربية او مستحيل تتغير (و انا اليمين هو اللي كان مكسور)
اليمين اتكسر منى مرتين قبل كدة برضو و الشمال سليم !
هو فك الاكصدام علشان يغير الفانوس ؟ أنا أخر مرة غيرته دفعت 30 جنيه فى التركيب, بس المهم دلوقتى ان الفنوس تمام معاك
بس بصراحه, الفانوس شكله كام % زى الجديد ؟
الفانوس اديله 90% زي الجديد و لولا ان الفانوس الأصلي مفيهوش اي خطوط او شكل معين على الباغة نفسها كان هيبقى اقل
بس هي نتيجة مرضية جدا
بس عيبه بقى ان لما تغسل العربية الفانوس بيشبر و بيعد مشبر فترة لغاية ما المياة اللى جوه تتبخر من الشمس او اي حرارة
عموما انا حاطط في دماغي انه حل مؤقت لغاية ما اسعار قطع الغيار تهدى شوية بس هو حل كويس جدا و موفر
أسعار مبالغ فيها جدااااااااااا في حاجات كتير , انا كنت بفكر فى العربية لغاية النهاردة لما شفت الاسعار دى
صرفت نظر تماما
اولا تسلم يابو قاسم يامظب الفيتاويه
ثانيا انا بحسد ملاك البونتو لان الصراحة قطع الغيار بالسعر ده تحفة (بغض النظر عن الابواب لاقدر الله ) لكن الباقي تمام
استمرو مع التوكيل بقى مفيش حجه :):):)
أحب أضيف بعض الاسعار من خلال تعاملى فى بونتو 2000
طقم الدبرياج ---------------- 500 ج
كارتيرة ( حلة موتور )-------- 650 ج
أويل سيل كرنك ----------- 40 ج------------------(للعلم ..التقليد ب 5 ج و 10 ج ولا يعيش سوى شهرين بالكتير
عدد 2 أويل سيل كرنك أمامى 70 ج----------(للعلم ..التقليد ب 5 ج و 10 ج
ترس كرنك أمامى --------------- 300 ج
مقص تركى كامل -------------- 400ج
من عند الكيلانى بشارع شامبليون
زجاج أمامي ... 1523 ... غالبا مضاد للرصاص..
باب خلفي ......3413..... لاتعليق.
أحنا بنتكلم ف عربية 1300 سي سي وأعلي فئة فيها مش هتعدي 85 حصان ..
عشان كده هيفضل كل الأوروبي ملوش سوق ف مصر... ولاعزاء لكل العربيات الأوروبي المتميزة.
التوكيل غالي جدا بطريقة مبالغ فيها
الكيلاني اسعاره حلوه جدا وممكن كمان تكلم حامد شغال في المحل بتاع الكيلاني وهو يسقطلك اي حاجة انت عايزها استيراد بسعر لقطة وعلي ضمانتة
عن تجربة : فتيس بونتو استيراد ب 500 جنية بحاله ممتاز وبضمان من الكيلاني وده كان لواحد صاحبي معاه بونتو 95
اما انا بقي فالكيلاني كان جايب موتور استيراد قدامي بحاله فوق الممتازة فكيت منه الفرن اللي هو بيوصل علي الشكمان واخدته ب 450 جنية مع العلم انه جديد سعت انه بيعدي ال 2000 جنية
وفي النهاية في حاجات ممكن تجاب استيراد وحاجات لازم تتجاب زيرو
انا شايف ان قطع الغيار اسعارها مناسبة جدا بس مش اللي مكتوبة فوق طبعا بتاعة التوكيل إنما بره ارخص بكتير
ودي نمرة الحج حامد شغال في محل الكيلاني جدع جدا وبصراحة الراجل عمل معايا واجب كذا مره علشان لو عايزيين تعرفوا سعر اي حاجة اتصلوا وهو يقولوكو بكام وموجوده ولا لأ
حامد 0129501353
والف شكر يا جماعة علي الموضوع الجميل ده
انا احب اضيف لقايمة الاسعار بالنسبة لبونتو 95 :
كويل موتور تركى 100
مروحة تبريد موتور 150
موتور مساحات امامى (استعمال خارج) 80
فلتر بنزين تركى 45 (flow)
تارة قيات بونتو اصلى ايطالى (استعمال خارج) 120
بوجيهات ngk 60 واحد شمعة
غطاء تانك الزيت ايطالي 35
غطاء طرمبة المياة 30
very expensive