عرض للطباعة
عربيتى أسبيرو 1994
1500 سى سى 143000 كم
حساس الاكسجين عندى بيدى Error
الملاحظة الغريبة ان لمبة Check بتنور عند 90 - 100 كم سرعة فى حالة عدم تشبيع الغيارات قوى يعنى عند 2500 - 3000 لفة و تنطفى باطفاء المحرك
و لكن عند القرص على العربية وتشبيع الغيار على 3500 - 4000 لفة اللمبة مبتنورش حتى لو وصلت ل 140 كم أو أكثر
هل يوجد تفسير لدى خبرائنا و من لهم تجارب؟؟؟؟
يعنى فيه علاقه بين سرعة المكنه وشغل الحساس
وبمعنى آخر
الضغط الكبير لغازات العادم ( مع زيادة السرعه ) بيفوق الحساس
وينعنشه ويخليله يشتغل وميكسلش
وممكن تكون الحراره الكبيره مع زيادة ضغط العادم هى اللى بتنعنشه
لأن فيه حساسات أكسجين بتكسل مع مدى حرارى بسيط موجود حواليها ونشاطها بيزيد مع زيادة الحراره اللى هى متعرضه ليها
السؤال بأه
أنت طلعت الحساس ده قبل كده من على الفرن ولا لا ......؟
مساء الخير يا هندسةاقتباس:
المشاركة الأصلية كتبت بواسطة samirayad
الحقيقة العربية معاية من سنة و مطلعتش الحساس و مش عارف طلع قبل كدة ولا لا
بس هو أعطى Error معاية بعد قصة عذاب و تتويه مع الميكانيكية
(كان فيه انسداد فى مصفاة طلمبة البنزين و قعدت أسبوعين و كل واحد يفتى فى ناحية لغاية المزيج الغير مضبوط أتلف الحساس)
طيب السؤال لو استمريت على تشبيع الغيارات فترة ممكن يتحسن و ميطلعش error تانى و لا دى أمانى
على فكرة استهلاك البنزين 200 - 220 مجمل داخل البلد و سفر
(بالمناسبة كتاب الأكواد معجبكش و لا إيه)
مساء الفل عليك يادكتوراقتباس:
مساء الخير يا هندسة
وارد جدا وليه لااقتباس:
طيب السؤال لو استمريت على تشبيع الغيارات فترة ممكن يتحسن و ميطلعش error تانى و لا دى أمانى
ودى فايده تانيه من تشبيع الغيارات فى الحقن الألكترونى
التنظيف الجيد للسطح الخارجى لحاجه زى الحساس ده
فخليك معاه وشبع الغيارات على قدر ماتستطيع وبالعقل برضه
وحتلاقى خير إن شاء الله بعد كده
تسلم أيديك ياباشااقتباس:
(بالمناسبة كتاب الأكواد معجبكش و لا إيه)
وهو عندى من زمان فعلا
بس أنا شكرتك برضه أول واحد
والحقيقه أنا شايفه فيه ملل بعض الشىء
وعاوز واحد فاضيله هو بس
أصل هى دى مشكلتنا
معندناش تخصص
وللأسف أحنا بتوع كل حاجه
والعقل وأستيعابه ليه حدود برضه
ومش عاوزين نضغط عليه زياده عن الازم
مره ننقل على 4000 ومره على 3000
بس الحساس عندك فى العربيه وضع تانى
ومحتاج قرصة ودن شويتين علشان يلم الدور ويظبط أموره فيما بعد
اقتباس:
المشاركة الأصلية كتبت بواسطة samirayad
تسلم يا باشا
بس مش فاهم يعنى إيه الحساس وضع تانى
وإن شاء الله نقرص له ودنه و يا صابت يا إما غيرناه
ينفع الكلام ده يادكترهاقتباس:
بس مش فاهم يعنى إيه الحساس وضع تانى
هو أنا كلامى مش واضح للدرجه دى
انا بأقول أن الحساس وضع تانى
يعنى محتاج نضغط شويه على الغيارات علشان نشيل أى جلخ وكربون يكون مترسب عليه
بدل ماتضطر تحله وتتعامل معاه خارجيا
بمحاولة نظافته مثلا على سبيل التجربه والعادم حيقوم بالدور ده أفضل من أننا نطلع الحساس بره
أما أحنا البشر لينا حدود برضه فى أستيعاب وتحمل ضغوط التحصيل العلمى مثلا ( اللى ملهاش حدود )
راجع المشاركه تانى وركز معاها
اقتباس:
المشاركة الأصلية كتبت بواسطة samirayad
تمام تمام
دا اللى فكرت فيه بعد ما قريت المشاركة بس علشان عربيتى شوية تصميمها مختلف قلت أسأل يمكن حضرتك تقصد حاجة تانية
حساس الشكمان فيه مشكلة و لازم تغيرة
اللمبة بتطفى لما تكبس لان المكنة بتشتغل فى open loop mode و الوضع دة مبيبقاش معتمد على حساس الشكمان
MMamdouh
اقتباس:
المشاركة الأصلية كتبت بواسطة MMamdouh
هى كده تبقى حالة open loop يا أبو / يوسف
اقتباس:
و لكن عند القرص على العربية وتشبيع الغيار على 3500 - 4000 لفة اللمبة مبتنورش حتى لو وصلت ل 140 كم أو أكثر
اللى اعرفة ان وضعية الclosed loop لازم يبقى لفات الموتور ثابتة لان التسارع بيستدعى خليت غنى شوية بالتالى مينفعش يبقى دة وضه closed loop
MMamdouh
طيب علشان ما أتوهش منكم :11: لو شرح مبسط لل Open and Closed loop
وهل فيه أفضلية لواحد عن التانى فى القيادة أو فى التسارع
ولا دى مجرد تعليمات برمجية لوحدة التحكم
ويبقى كتر خيركم:mad2:
شوف يامحمود باشا
1- حالة ال open loop
يعنى أيه الأول بالبدى كده حاله أو مزاج مفتوح
يعنى مفيش رقابه على أستهلاك وضخ البنزين أوى
العلميه مفتوحه على البحرى وحنفية البنزين مفتوحه ( تشبيه مبالغ طبعا )
الحاله دى بتظهر مع أول الدواره والمكنه بارده وفوق 400 لفه بالضبط
بتبدأ عملية الكنترول الدخول فى المود أو الحاله دى أو المزاج العكر ده من أستهلاك البنزين
حيث أنه فى هذه الحاله
وحدة التحكم بتهمل أشارة حساس الأكسجين ( ولا كأنه موجود )
وبتحسب نسبة الهواء للبنزين بناء عن متغيرات تانيه
زى حساس حرارة المكنه
وحساس الماب
وبتستمر الحاله دى فى التشغيل ( وضخ البنزين بالبركه يعنى )
حتى الوصول الى الشروط أو الظروف التاليه
1- بدأ أنتعاش حساس الأكسجين ومقدرته على أنتاج أشاره متغيره ( عالى وواطى )
من الأشاره دى بتعرف وحدة التحكم أن الزبون ( حساس الأكسجين )
بدأ يسخن ويتهيأ للشغل الصح وممكن تصدق كلامه ( وتأخد أشارته فى الحسبان )
وبرضه حينما يحدث وصول لحرارة المكنه الى قيمه معينه ( بتعرفها وحدة التنحكم برضه من أشارة حساس الحراره )
الأمور دى بتحصل فورا بعد مرحلة التسخين ووصول حمل المكنه الى وضع مقبول تقدر تسحب السياره بأمان تام
( الكلام ده نقدر نشبهه بالضبط زى مابيكون شفاط العربيات الكربوراتير لسه مقفول ,احنا بنسخن لسه .....بيكون أستهلاك البنزين فى أقصاه )
2- closed loop
فى الحاله دى
بيتوقفف دخول المحرك الى هذه المرحله من طراز مكنه للآخر ( حسب عمليات التصميم الهندسى لعمليات التحكم )
وطبعا ده بيخزن فى صورة عمليات برمجه داخل ذاكرة وحدة التحكم EEPROM
مجرد برنامج جوه الذاكره بيتقرأ من خلاله وحدة التحكم
أيه المطلوب للوصول لحالة ال CLOSED LOOP
كما هو موضح بالكلام المرفوع من الكتالوج الخاص بمحركات الدايو
أتمنى تكون الأمور أتبسطت الى حد ما
اقتباس:
المشاركة الأصلية كتبت بواسطة samirayad
وضحت يا باشا و شاكرين على الاهتمام
الله يخليك يا أبو حنفى
هو دة قصدى... اعتقد من ضمن الشروط دى السير بسرعة ثابتة بدون حرق... معظم الناس اللى واجهت مشاكل مع لمبة التشك بسبب حساس الشكمان كانت بتبقى ماشية بسرعة ثابتة على طريق مفتوح مش اثناء تسارع او كبساقتباس:
المشاركة الأصلية كتبت بواسطة samirayad
MMamdouh
اقتباس:
المشاركة الأصلية كتبت بواسطة MMamdouh
ايوه يا أبو حميد
بس طالما حرارة المكنه بأت تمام وقادرة على تنشيط عمل الحساس
لأن أنت عارف أن حساسات الأكسجين بتنشط فى الأوساط الحراريه العاليه
لدرجة أن فيه أنواع من الحساسات جواها سخان لتنشيط عمل الحساس
أذا مع الحرارة العاليه للتشغيل يبقى المفروض الحساس شغال تمام
وبيبلغ وحدة التحكم بال changing frecuancy ( ترددات قراءاته المتغيره كفولت كهربى متولد طبقا لنظرية عمله الهندسى )
يبقى سواء السرعه ثابته أولا ( أى موجود تسارع )
المفروض أنه شغال وبيدى أشاره لضبط نسبة الهواء للبنزين
_______________________________
أما مع الظروف الطارئه زى الكيك داون والتسارع والتعجيل المفاجىء وخلافه
فده دور حساسات تانيه
زى الماب والtps والسرعه
بس ده ميمنعش أن حساس الأكسجين جوه اللعبه وشغال وبيدى أشاره
____________________________________
الصراحه ده اللى أنا فهمته من قراءتى عن الحساس ده
طيب ايه المقصود بكدة؟
اكيد دة معناه ان فيه شروط اخرى للدخول فى closed loop غير الزمن و حرارة ميه التبريد و اداء حساس الشكمان... صح؟اقتباس:
بيتوقفف دخول المحرك الى هذه المرحله من طراز مكنه للآخر
MMamdouh
اقتباس:
المشاركة الأصلية كتبت بواسطة MMamdouh
هذا هو المقصود يا أخى
اقتباس:
حتى الوصول الى الشروط أو الظروف التاليه
1- بدأ أنتعاش حساس الأكسجين ومقدرته على أنتاج أشاره متغيره ( عالى وواطى )
من الأشاره دى بتعرف وحدة التحكم أن الزبون ( حساس الأكسجين )
بدأ يسخن ويتهيأ للشغل الصح وممكن تصدق كلامه ( وتأخد أشارته فى الحسبان )
وبرضه حينما يحدث وصول لحرارة المكنه الى قيمه معينه ( بتعرفها وحدة التنحكم برضه من أشارة حساس الحراره )
الأمور دى بتحصل فورا بعد مرحلة التسخين ووصول حمل المكنه الى وضع مقبول تقدر تسحب السياره بأمان تام
يعنى عمل الحساس وأنتاجه لفولت معين بيتوقف حسب الديزاين
وحسب حرارة المحرك التصميميه ( وحتعرفها الوحده من أشارة حساس حرارة الكنترول )
التى ستبدأ بعدها وحدة التحكم فى الأهتمام بأشارة حساس اللأكسجين
وتعتبرها أشاره صادقه
وعلى أساسها يتم التحكم فى ال pulse widith
لكى يتم الوصول الى نسبة هواء الى بنزين مثاليه 14.7 :1
___________________________
ويراعى أنه حينما ستتعرف وحدة التحكم أن الحساس كل أموره مهيئه لعمله الصح
حتاخد أشارته فى الحسبان
أشارته صح ..............حتمشى وراه
أشارته غلط ..............برضه حتمشى وراه
لأنها خلاص عرفت من حساس الحراره مثلا
أنه آن الوقت الآن لأخذ أشارة حساس الأكسجين فى حسابات ضخ البنزين
وهو وصراحته ووضوحه من عدمه فى أشارته
كذاب ..............وراه
صادق ...........وراه
لأن الوحده لاتستطيع أن تدرك صدقه من كذبه
لأنها جماد ولاتفهم غير البرنامج بتاع السوفت وير داخلها
جميلللللللللللللللللللللل لللللللللللللللللللللل جدا
انا تقريبا عندي نفس المشكله
بعد ماحليت المكنه وغيرت جوان (وش سلندر ونافولد وكارتيره) وطقم اولسيه صباب ابتدت لمبة التشك تنور لو ماشي في الطوالي بسرعه ثابته بس وانا جوه البلد مش بتنور
مفيش تاثير غالبا علي الأداء
هل ياتري اغير حساس الشكمان علي طول ولا احطها علي سكانر؟
وليه الموضوع ده مظهرش الا بعد ماحليت المكنه؟
متغيرش أى حساسات كده على طول من نفسكاقتباس:
هل ياتري اغير حساس الشكمان علي طول ولا احطها علي سكانر؟
أنت أولى بتمنه ( لأنه ممكن يكون سليم أساسا )
والعيب فى فيشه مهزوزه مثلا
وغالبا ده اللى حصل معاك
الميكانيكى المحنرم لما كان بيشتغل عندك فى المكنه
حل فيش حساسات زى حساس الحراره مثلا أو حساس الأكسجين
ومركبهاش صح بعد التقفيل للمكنه
وبالذات لو مكنش فيه حاجه من دى عندك أساسا
قبل ماتعمل شغل فى المكنه
يعنى ده عيب جديد بعد التصليح
وممكن تشوف كهربائى يشيك على شغل الكهرباء اللى على وش السلندر
وعلى خرطوم حساس الماب وتجرب
حتى بدون ماتعمل أسكانر
لأن تقريبا الحاله مفهومه عندك
وهى ( عيب تقفيل للفيش وخرطوم الماب مثلا صح )
بسبب جهل بعض الصنايعيه
لأنه مش عارف أنه بيعمل شغل فى عربيه حقن ألكترونى
أو بيعجن كده زى مايكون شغال فى عربيه 128 أو لادا كربوراتير
دقق جيدا فى كلامى السابق فى نفس المشاركه الحاليهاقتباس:
وليه الموضوع ده مظهرش الا بعد ماحليت المكنه؟
اقتباس:
المشاركة الأصلية كتبت بواسطة samirayad
استاااااااااااااااااااااذ
خلي بالك انا كنت عارف بس بختبرك :C_laugh[1]:
لا بجد الف شكر وان شاء الله هعمل زي ماحضرتك ماقلت
تحليل ممتاز الله ينور عيكم كلكم ويزيدكم من العلم
يرجى مراعاه الدقة فى كتابة لفظ الجلالة
مشرف عام الكورى و الماليزى
معلش سؤال كمان
هو ممكن يكون في اي حاجه متركبه غلط هتحتاج الموتور يتحل تاني ولا دي حاجات كلها من بره؟
كلة من برة... طالما القصة لمبة check يبقى دى قصة حساسات و دى مش محتاجة فك موتور
MMamdouh