الموضوع: ومضت أول 10سنوات عمل

كلنا هذا الرجل مع اختلاف بعض التفاصيل

المشاركة الأصلية كتبت بواسطة memoo305

أخر الشهر ده يا جماعة ها تم 10سنوات عمل في نفس الشركة . أنا دلوقتي حاسس يإكتئاب شديد لإني:
مهنيا
1- ما حققتش معظم إلي حلمت بيه على المستوى المهني والمادي
2- يمكن أكون كاره إ العمل والأشخاص (رؤساء ومرؤسين) فيه ونقسي أغيرهم
3- علاقتي برئيسي المباشر مش ولابد . بالرغم من أن علاقتي بإلي أكبر منه أحسن بكتيــــير
شخصيا
1- لسة ماتجوزتش ومافيش حتى أي بوادر مشروع ولا قصة حب (ليه مش عارف؟)
2- معظم أو كل الأصدقاء فجأة ماعدش حد موجود (إلي أتجوز وإلي سافر وإلي أنقطعت أخباره)
3- تقريبا دلوقت عايش وحيد وما بخرجش بعد الشغل . وحتى ساعات لما بخرج مابقتش أستلذ الخروج.
4 فجأة فقدت الإهتمام بالعربية ومابفتش أعمل فيها أي حاجة على الرغم أني كنت لغابة سنتين العكس تماما.
5- نقس الموضوع في الشقة برده جبتها وكنت بوضب فيها وبعدين بخ

المشكلة أني خايف يعدي كمان 10سنوات لإن ال 10إلي فاتو عدو كأنهم سنتين. وإكتشف ساعتها إني عديت الأربعين ولسة زي ما أنا
هو أنا كده بدأت أخرف ولا ده طبيعي ولا ولا ولا ولا ولا.....
على العموم شاكر لمرركم و أنا شكلي كده :b4_592:

هو أنا أقدر أحكم أن السبب الرئيسى لأكتئاب حضرتك هو الروتين و أن مفيش حاجة جديدة. لو الواحد حياته كلها فى شغله مع الوقت بيكون فى روتين خصوصا أن حضرتك زي ما قولت أن الأصحاب و وجود زوجة و أطفال مش متواجدين.
الأحساس ده نتيجة طبيعية أي واحد بيحس بيها...
دلوقتى أحنا شويه حللنا المشكلة و عرفنا أن سببها طبيعي حضرتك لا تلام عليه.
السؤال دلوقتى الحل ايه.
أولا حل سريع زي ما أخ فاضل ذكر قبل كده خد أجازة كام يوم تغيير جو. جرب حاجة جديدة معملتهاش قبل كده أو روح مكان مزورتوش قبل كده. و أختيار النشاط ده حسب ذوق و ميول حضرتك طبعا.
ثانيا: حاول تسعى لموضوع الزواج وبعدها ان شاء الله مع وجود أطفال أن العكس هيحصل...مش هتلاقى وقت تفضل فى البيت من الطلبات و أحساسك بالمسؤلية هيلغى الأكتئاب من عندك تماما...و سبب الجواز زي ما ورد فى القرأن الكريم: ( و هو الذي جعل لكم أزواجا لتسكنوا اليهم) فأنا شايف أن أحساس حضرتك بالوحدة و الأكتئاب هو مرادف للأحساس (عدم السكينة).
أتمنى يكون كلامى ساعد بحاجة بسيطة و ربنا يوفقك :)