الموضوع: جولف 6 - 1600 سي سي

يا ريت يا شباب اللي يعرف معلومات تفصيلية عن جولف 6 وكيل يفدنا بيها .. ورأيكم جولف 6 1600 أفضل ، أم ليون DSG ، مع الأخذ في الأعتبار ان فرق السعر مش مشكلة ( حوالي 25000 ) بس بردو نحط في الأعتبار القيمة مقابل السعر .. يا ريت الناس ترد مش تدخل تبص وتمشي

المشاركة الأصلية كتبت بواسطة Ahmed Samy

و الله يا هندسة و انت ليك و حشة جااااااامدة

انا اساسا لما عرفت ان الليون قلبت اوتو .........لعبت في دماغي دوري كامل باجوانه ههههههه

و فعلا لو هاغير هايكون قدامي حاجة من تلاتة

1 - سيراتو تاني ...(ماتقلش انت ..انا عارف ...ايه العبيط ده ) خصوصا انها رخصت جامد و مش تعويرة يعني ..

2 - ليون ....بس مراتي مش عاجبها (قال إيه ....شكلها وحش) عجبي

3 - ميجان هاتش

عموما القرار ده لسه قدامه كام شهر على ما افوق من اللي دفعته في التصليح ( كتير قوي يا هندسة)

الحمد لله ان أنا ماشي على رجلى

يا راجل سيراتو تاني ايه .. انت مبتحرمش

وبالنسبة لنقطة أن شكل الليون مش عاجب مراتك .. فده يعتبر من عجائب الدنيا .. دي شكلها تحفة وفي منتهى الشياكة .. عاوز اقولك حاجة في بالي بس خايف تزعل

المشاركة الأصلية كتبت بواسطة Ahmed Samy

بس انت هاتخسر في المازدا جامد

فكر تاني دي لسة بشوكها

هو طبعا المازدا لسه بشوكها وعاملة يا دوب 15000 كيلو ومفيهاش خدش وعجباني جدا .. بس اصلا اللي قوم الفكرة في دماغي اني جربت الجيتا DSG اعلى فئة وبصراحة عجبتني جدا وحسيت بفرق محترم بينها وبين المازدا .. وبما اني مبحبش شكل الجيتا فجه في بالي الجولف ( لأني أصلا بحب الهاتش باك جداً اكتر من السيدان ) ، وبعد كده قولت طب ما الليون نزل منها DSG ونفس الجولف والجيتا في كل حاجة وشكلها اجمل من الأتنين ... ده التسلسل بتاع الموضوع ..

وبالنسبة للخسارة ، فطبعاً أنا عارف اني هخسر فيها خسارة محترمة ، ولو اتكلمنا في الفعلي ، فأنا معروض عليا فيها 115000 تنفيذ فوري .. وأديني بفكر وباخد رايكم بردو وربنا يسهل ان شاء الله