http://photos-e.ak.fbcdn.net/hphotos..._8066627_n.jpg
برجاء المساعده بشرح لوحه تحكم التكييف بالتفصيل
لانى اول مره اركب عربيه بتكييف
عرض للطباعة
اول مؤشر اللى فيه نقط زرقه ونقط حمرا
ده درجات الساقع والسخن
الساقع الازرق والسخن الاحمر
المؤشر اللى فى النص ده
مكتوب عليه 1 . 2 . 3 . 4
ده بتعلى منه المروحه بتاعة التكييف .. حسب رغبتك
وفى اخره من تحت سهم اللى هو لونه بيج ده
زي ما هو فى الصوره كده
يبقى بيجيب هوا من جوه العربيه بيسقعه
ولو وديته النحيه التانيه يبقى هيجيب هوا من بره العربيه ويسقعه
والزرار الصغير اللى مكتوب عليه ac
ده بتدوس عليه عشان التكييف الساقع يشتغل
يعنى اما تجيب المؤشر على النقاط الزرقه اللى هو الساقع ابقى دوس علي ac
واما تيجى تفصل التكييف خالص او تشغل السخن ابقى افصل ال ac
يعنى ال ac بتشغله اما تشغل الساقع وبس
اخر مؤشر بقى
هتلاقى زي ما انت شايف
راجل قاعد فى كل الاوضاع وعليه سهم واتنين
ده توزيع التكييف
يعنى لو الراجل عليه سهم واحد فى وشه زي ما فى الصوره كده
يبقى بيجيب هوا من فوق فى وشه بس
لكن لو طلعت المؤشر درجه
فى سهمين اهو فى وش الراجل واحد وفى رجله واحد
يبقى كده التكييف شغال من عند دواسة البنزين تحت ومن الفتاحات اللى فى التابلوه فى وشك
فهمت يا معلم ؟
100 100 مفيش بعد كده والف شكر يا باشا
اول مرة اعرف ان التكييف السخن مش لازم اشغل الac
الله ينور أول مرة حد يشرح الشرح الجميل ده
يا سلام على البساطه في الشرح ....والله تسلم الأيادي.
ليه كدة يا بكر
انت راجل مهندس
الف شكر على المعلومات و الشرح الجميل
يرجى مراجعة الموضوع ده اللي انا ناقله عشان الإستفادة عن الطريقة المثلى لتشغيل المكيف
http://www.nilemotors.net/Nile/139240-a.html