مساعده فى لوحه تحكم التكييف

**aimangorg** · 25-04-2010 12:21 PM

برجاء المساعده بشرح لوحه تحكم التكييف بالتفصيل
لانى اول مره اركب عربيه بتكييف

**Super_Star_h** · 25-04-2010 01:02 PM

اول مؤشر اللى فيه نقط زرقه ونقط حمرا
ده درجات الساقع والسخن
الساقع الازرق والسخن الاحمر
المؤشر اللى فى النص ده
مكتوب عليه 1 . 2 . 3 . 4
ده بتعلى منه المروحه بتاعة التكييف .. حسب رغبتك
وفى اخره من تحت سهم اللى هو لونه بيج ده
زي ما هو فى الصوره كده
يبقى بيجيب هوا من جوه العربيه بيسقعه
ولو وديته النحيه التانيه يبقى هيجيب هوا من بره العربيه ويسقعه
والزرار الصغير اللى مكتوب عليه ac
ده بتدوس عليه عشان التكييف الساقع يشتغل
يعنى اما تجيب المؤشر على النقاط الزرقه اللى هو الساقع ابقى دوس علي ac
واما تيجى تفصل التكييف خالص او تشغل السخن ابقى افصل ال ac
يعنى ال ac بتشغله اما تشغل الساقع وبس
اخر مؤشر بقى
هتلاقى زي ما انت شايف
راجل قاعد فى كل الاوضاع وعليه سهم واتنين
ده توزيع التكييف
يعنى لو الراجل عليه سهم واحد فى وشه زي ما فى الصوره كده
يبقى بيجيب هوا من فوق فى وشه بس
لكن لو طلعت المؤشر درجه
فى سهمين اهو فى وش الراجل واحد وفى رجله واحد
يبقى كده التكييف شغال من عند دواسة البنزين تحت ومن الفتاحات اللى فى التابلوه فى وشك
فهمت يا معلم ؟