هتلاقى العربية بس بتتدلع عليك علشان بقالك كام يوم مش بتسوقها
عرض للطباعة
هتلاقى العربية بس بتتدلع عليك علشان بقالك كام يوم مش بتسوقها
اعتقد انها من البطاريه لانها حصلت معانا متدورش الصبح الا ممكن زق وتدور طول اليوم عادى
ممكن أضيف أن المفروض أن العربية يتكشف على الضفيرة ماتكونش عاملة قافلة ، بمعنى تاني مايكونش فيها تسريب ، وده ممكن يكون ناتج عن الحاجات اللي حضرتك ركبتها بره التوكيل ، أو ممكن حاجة مش واخدين بالنا منها .
الراجل بيتكلم صح فعلا فى تلك النقطه الفنيهاقتباس:
بتاع البطاريات قالي البطارية كويس وجهدها كويس بس مش بتتشحنش مش واصلها شحن من الدينامو لانها واقفة على 12.5 والمفروض كدة لما نزود بنزين تبقى 13.5 او 14
ولكن دعنا نجرى بعض المحاولات لرفع كفاءة عملية الشحن عندك
وبالذات مع وجود أحمال كهربيه زائده فى سيارتك
_______________________اقتباس:
علما باني مركب جي ام وسماعاتين زيادة وDVD تاتش ودول بيستهلكو كهرباء اكتر و4 موديول زينون بس دو بيستهلكو اقل ووحدتين رفع وجهاز انذار 2way
حتحاول تراجع على قوة شد سير الدينامو فقد يكون به أرتخاء قليلا
وبالتالى خرجه غير محسوس الى حدما على الأفوميتر
وبالمره تجرى تنظيف شامل لقواطيش البطاريه من الداخل بصنفره خفيفه ونفس الوضع لأصابع البطاريه
مع الغسيل بماء ساخن لكل من القواطيش وأصابع البطاريه ثم التجفيف بعد ذلك بقطعة قماش
ستعيد الرباط على القواطيش بعد تركيبها على الأصابع بأحكام وبوضع جيد
حط حتة فازلين طبى خفيفه على كل قطاش بعد تجميع القواطيش مع الأصابع
حدور وتعملك مشوار محترم على ال high way
وليكن الدائرى
وكده أنت رفعت كفاءة عملية الشحن وجودة التوصيل للبطاريه
وستجد خيرا إن شاء الله فيما بعد
_________________________________________
مع ملاحظة أن البطاريات الحمضيه الى حد ما عمرها أقصر من البطاريات الجافه وتستهلك بمعدل أكبر
لأن صعب الى حد ما وجود خلل بالدينامو بصوره مبكره هكذا
لطراز سياره حديثه وماركه عريقه مثل التويوتا
______________________
وطبعا أنا كلى سعاده للأشتراك فى هذا الموضوع
الخاص بأفضل الرجال التى عرفتها من خلال نايل موتورز
وحمدا لله على سلامتك ......وموفق بإذن الله
يا كريم بك و لا تبكو على القدر المكسور فأن لة اعمارا مثل اعماركم و كل حاجة ليها عمر اول ما الاجل يجيلها و البقاء لله سبحانة لة الدوام
معلومه تانيه ياكريم باشا
خللى الكهربائى يراجع برضه على رباط كابل الشحن اللى خارج من الدينامو ورايح للبطاريه
وكذلك توصيلات الكتاوت الكهربيه من جسم الدينامو من بره
يعنى حاصر كل المنطقه بتأكيد جودة الأتصال الكهربى للكابلات اللى موجوده على الدينامو نفسه
شاكر لكل الردود
مهندس سمير الكهربائي فك القواطيش فعلا وغسلها بمية سخنة هي والبطارية وراجع سير الدينامو
وانا لسه عامل صيانة ال 60 الف قريب ودي صيانة شاملة للسيارة ومفيش حد في التوكيل قاللي فيه مشكلة
والمشكلة الللي خايف منها لما اطلع مشوار انه الدينامو بيشحن فعلا بس ببطء اقل من الطبيعي الى جانب اني مش هاقدر انزل اعمل مشوار زي ده حاليا
بفكر اروح التوكيل او الكهربائي ايهم اقرب يبص بصة خفيفة بس كمان كام يوم لما اقدر انزل ان شاء الله
وهانزل ادورها تاني دلوقت ياشوفها بتدو ولا لالاء
أعتقد كده
ممكن تكون محتاج تأكيد على توصيلات الكابلات اللى على جسم الدينامو ( مجرد عمليات تأكيد رباط للصواميل )
سواء كابلات الكتاوت ( لمبة بيان وتغذيه )
وفى نفس الوقت كبل الشحن اللى رايح الى مسمار المارش قبل مايروح للبطاريه لشحنها
وقد يكون هناك عدم دقه فى طريقة القياس من قبل الكهربائى أو فى معايرة جهاز الأفوميتر
ففى التوكيل أو كهربائى آخر سيتحدد الوضع الدقيق للدينامو
وخيرا بأذن الله
ونحن متابعون مع حضرتك للتعرف على خط سير الأمور
وتبادل المشوره
ممكن نعمل تجربة بسيطة أنا بعملها كتير
لو فيه عندك عربية تانية أو عربية واحد قريب منك
ممكن تبدلوا البطاريات
لو البطارية قامت عنده كويس بعد مشوار بسيط يبقى المشكلة عندك في الدينامو
لو تعبت عنده برضه يبقى البطارية بتودع
وممكن كمان تاخد بطاريته تركبها عندك وتستخدمها ولو حسيت إنها بدأت مع الوقت تكون أبطأ في الدوارة يبقى الدينامو عندك فيه مشكلة فيه أو في وصلاته
ولو حالته فضلت تمام يبقى بطاريتك إنت بتودع
ويفضل تكون البطارية الأخرى نفس الأمبير
نزلت دورتها دارت من اول دوارة سبتها دايرة ربع ساعة برضه لغاية ما مؤشر الحرارة وصل للنصف ونزل وطلع تاني مع شوية تزويد
للاسف يا احمد مفيش حد جنبي اعمل معاه كدة
وعيب الكرولا ان مكان البطارية صغير ورفيع
عشان كدة لما نروح نشتري بطارية لازم اقوله بطارية كرولا لانه 45 امبير ورفيعه وطويلة مش نفس شكل البطاريات العادية
بس افتكرت اني بقالي اسبوعين تلاتة كدة لما اجي اخد مشوار طويل وابطل وارجع ادورها خلال 5 دقائق تعتل في الدوارة وتدور بعد مرتين تلاتة
مش عارف ده دينامو ولا مارش ولا بطارية
شكلي هاكلم اخويا بكرة يجي يوديها التوكيل او لكهربائي محترم بتاعمل معاه