ما تجرب بطاريه تانيه من واحد صاحبك قبل ما تغير ؟؟؟
عرض للطباعة
ما تجرب بطاريه تانيه من واحد صاحبك قبل ما تغير ؟؟؟
أنا مستبعد إن الدينامو يكون فيه مشكلة
السيارة لسه جديدة
وممكن نقول إن المشكلة بطارية بنسبة كبيرة
لكن كهربائي محترم يحل الموضوع في أقل من دقيقة
يقيس شحن الديناموا
وممكن يجرب حركة إنه يفصل كابل البطارية بعد الدوارة لو بطلت يبقى الديناموا بايظ
هوا كهربائي نضيف محترم هيجيب من الآخر
ابعتها الصبح لمحمد عسكر وربنا يسهل
تقريبا ياباشا وبنسبه توقع من جهتى كبيرهاقتباس:
بس افتكرت اني بقالي اسبوعين تلاتة كدة لما اجي اخد مشوار طويل وابطل وارجع ادورها خلال 5 دقائق تعتل في الدوارة وتدور بعد مرتين تلاتة
كل مكوناتك الكهربيه سليمه
دينامو - مارش - بطاريه
وأنت تحتاج فقط
لأعادة الرباط جيدا كما بينت لك سابقا
لصامولة مسمار تجميع كابل شحن البطاريه مع كابل المارش
و الصاموله دى موجوده على مسمار المارش الكبير ( يعنى أعمال رباط فقط )
وأبشر بالفرج القريب
فقد آن الوقت لجرافينا
وبزغ حل المشكله السحريه تلك
وهو أعادة التأكيد على كل ماهو موجود على المارش نفسه من صواميل تحمل كابل الشحن وكابل الدواره القادم من البطاريه
____________________________
وليه أنا بأقولك كده
أصل التعتيله بيكون سببها غالبا جلب مارش بايظه
وده صعب جدا ( إن لم يكن مستحيلا )
لطراز سياره حديث وعريق مثل سيارتك
فكده فيه شرر خفيف جدا (على مسمار المارش اللى جاى كبله من البطاريه ) وقت طلبك للدواره
وعامل حاجه أسمها كهربيا bad contact
أى أتصال ردىء
وهو سبب كل القصه اللى عندك
( خرج دينامو ضعيف وكذلك تعتيل للمارش أحيانا وحسب المزاج الكهربى )
وأرجو لك من الله
أن تكون توقعاتى سليمه
معلش مهندس سمير نزلت الصبح مع اخي قبل ماشوف ردك
روحت لمحمد عسكر اكبر كهربائ واشطرهم في الحرفيين واخصائي تعديلات وغيرة
الولد اول مادخلت عليه وهو عارفني قاللي خير
قولتلة كذا كذا وشرحتلة المشكلة
تنح
قاللي دور
دورت جاب جهاز القياس زي اللي قاس بيه الكهربائي الاولاني بس احدث لانه ديجتال مش عادي
قاس الخرج بزوادة خفيفة كان 13.65 مش 12.5 زي اللي فات
قاللي ممتاز
زود بنزين قرب من ال 14
قاللي عربية زي دي تجيب دينامو او شربون في وقت زي ده مستبعد
بس على البطارية قاللي دي الاصلية
قولتلة اه
قالي لو نامت تانية غيرها
خد عربيتك وروح دي بقالها 3 سنين و 45 امبير بس حتى لو ياباني
قولتلة الحوار
قاللي عشان مركب حاجات كتير على نفس البطارية
قولتلة شربون قاللي مستبعد جدا في كرولا 2007 ومع استخدامك انت بالذات
لانه عارفني محنتف على العربية ازاي(عميل قديم عندهم) وايدي فيها على طول
قاللي دي بطارية نامت هات واحدة وخلاص
بس هيا فكرة الرباط ده يا باشمهندس بتحصل لوحدها ولا بيفك مثلا مع تربياطات تانية
اصل محدش بيمد ايدة في حوض العربية عندي الا لما اكون راكب على ودانة وعينية وايده وببص على كل مسمار بيحله ويربطة ولو فك مسمار بخلية في ايدي مش في ايدة عشان عارف ان في مسامير مالهاش لازمة عند صنيايعة مصر
واراجع على ربط كل حاجة
ومفيش حاجة اتحطيت في حوض العربية غير موديولات الزينون والفلتر الكيت الاسبور ودول بعيد عن اي تربيطات بتقول عيها خالص
محمد عسكر ده فعلا بيفهم قوي ومحترم جدا انا اعرفو كويس
اقتباس:
لانه عارفني محنتف على العربية ازاي(عميل قديم عندهم) وايدي فيها على طول
اقتباس:
اصل محدش بيمد ايدة في حوض العربية عندي الا لما اكون راكب على ودانة وعينية وايده وببص على كل مسمار بيحله ويربطة ولو فك مسمار بخلية في ايدي مش في ايدة عشان عارف ان في مسامير مالهاش لازمة عند صنيايعة مصر
واراجع على ربط كل حاجة
:C_laugh[1]:
كأنك تحدثنى عن نفسى ....وهو ده طبعى
لما أسلم على أى صنايعى مصرى ..... لازم أعد صوابعى بعدها
ليكون خد صوباع أو مسمار معاه
ولسه كنا عاملين موضوع فى الدايو عن القصه دى
والمفروض منسيبش الصنايعى وعنينا دايما عليه
لأنه ممكن يخسرك كثير أوى ...لو آمنت له بسهوله
______________________
المهم
علشان مطولش عليك
واضح أن القياسات للفولت حصل فيها أختلاف للأفضل
ووارد طبعا ( ويمكن أنا قولتلك ده قبل كده )
أنك حتحتاج تغير بطاريه قريب .....بس أمتى ( الله أعلم )
بس فيه حاجه بتخلينى أأقول أن البطاريه لسه قدامها شويه
أنك بدور بيها فعلا .....وساعات بعد كذا محاوله
المفروض أنها لو تعبانه ....مدورش خالص من أول مره
دا غير أنها أتقاست والدينامو مش شغال ( وكانت جايبه 12.5 فولت )
فا أنا من رأييى مش حتخسر شىء لما تربط على صواميل تثبيت الكابلات اللى على المارش ( مجرد تأكيد رباط مش أكتر )
ولا حتحل حاجه نهائيا
يادوب بالمفتاح الصغير وقرصه بسيطه على خفيف على الصواميل
يمكن تكون حاجه مهويه
دى وجهة نظر فنيه ....وقد تكون هى فعلا المسبب لضعف الشحن عندك
بالأضافه للأخفاق أحيانا فى الدواره
____________________________
حاول مع موضوع الرباط ده ولا تقلق نهائيا
وجرب
البطاريه مشت معاك شويه ( كما يريد الله ) يبقى خير وبركه
موصلتش لحل
غيرها وتوكل على الله
وكده برضه كتر خيرها ( على أساس أنها حمضيه وعملت الواجب وأمبيرها مش كبير برضه )
وممكن المره الجايه تكبر الأمبير شويه وتخليها 55 أمبير مثلا وجافه ( بلاش حمضيه )
بس أبقى أطمن الأول على الأمكانيه دى بتاعة تزويد أمبير البطاريه الجديده من التوكيل أو من كتالوج السياره
لأنها حتفرق كتير أوى معاك
فى الدواره وبالذات كمان مع الأحمال الكهربيه الأضافيه اللى عندك حاليا بالسياره
أتفرج يا أبو عبده
أدى الصنايعيه وأستهبالهم وقلة ضمائرهم
يا خد اللى هو عاوزه من الزبون وينفضه كمان
وأدى النتيجه
http://www.nilemotors.net/Nile/145053-a.html
منتهى الأهمال وعدم الضمير
وللأسف الجهل وعدم الوعى الدينى يعمل أكتر من كده
علشان كده كان عندى حق لما قولتلك
وياريت كل الزملاء فى المنتدى ومن يطلعون على موضوعك هذااقتباس:
كأنك تحدثنى عن نفسى ....وهو ده طبعى
لما أسلم على أى صنايعى مصرى ..... لازم أعد صوابعى بعدها
ليكون خد صوباع أو مسمار معاه
ولسه كنا عاملين موضوع فى الدايو عن القصه دى
والمفروض منسيبش الصنايعى وعنينا دايما عليه
لأنه ممكن يخسرك كثير أوى ...لو آمنت له بسهوله
يخللوا بالهم كويس أوى من تعليقى فى الموضوع المحول إليك حاليا
عندى مشكله مثل مشكله حضرتك مع اختلاف الروايه
سيارتى ريجاتا نوفا ظهرت مشكله ان البطارية بتنام رغم انى قليل ركنتها ومفيش يوم الا وبمشيها على الاقل 2 كيلو يوميا
احترت فى مشكلة البطارية
صديق لى كانت معه نفس المشكله وهخبرك باللى حصل
قال لى زميلى ان كانت عنده هذه المشكله واخبره احد الاصدقاء انه يشحن سيارتة ويمشى بيها وقبل مايركن سيارته ينزع القواطيش عن البطارية وصباحا يركبها لو اشتغلت السيارة تمام يبقى المشكله تنحصر بكرهبه السيارة المهم فعل كل ذلك ووجد ان المشكله مش فى البطارية
المشكله كانت فى وصلات الكاسيت لانها كانت توصيلاتها مباشرة بالبطارية وهى السبب فى فقد شحن البطارية
وانا فعلت مثلما قال لى عملت توصيله شحن من بطارية اخرى الى سيارتى ومشيت بيها حوالى 6 كيلو ورجعت شركتى ونزعت القواطيش واغقلت السيارة وبعد حوالى 4 ساعات نزلت وركبت القواطيش ودورت السيارة اشتغلت ومشيت بيها تانى حوالى 6 كيلو وركنتها ونزعت القوطيش مره اخرى كل ذلك كان بالامس واليوم 28 ابريل
هحاول ادورها تانى على ظهر اليوم يكون مر على ترك السيارة والقواطيش منزوعه حوالى 17 ساعه
اتمنى ان تدور ويكون السبب اللى شاكك فيه برضه فى الكاسيت الخاص بى لانى وانا ماشى بشغل الكاسيت بعد فترة يشتغل لوحده وبرضه الكاسيت عندى موصل للبطارية مباشرا
شكرا لجميع الاعضاء المتفاعلين مع مشاكلنا
اعضائى المحترمين
انا اليوم 28 الساعه 10.5 يعنى السيارة ظلت اكثر من 14 ساعه منزوعه القواطيش ركبتها
النتيجه السيارة دارت والحمد لله وملاحظاتى كالاتى
1 - نظرت على عدسه بطاريتى الجافه وجدت بعض النقاط السوداء فقط
2 - مع دخول مفتاح الكونتاكت والكاسيت مطفى بحس بصوصه خارجه من الكاسيت رغم انه مغلق ومن المحتمل يكون هو السبب فى فقدان شحن البطارية والله اعلم