سؤال إلى السادة المتزوجون هل مراتك بتغير من العربية بتاعتك واهتمامك بالعربية و إيه دليل غيرة مراتك ؟
أنا مستني الردود:U_thin1[1]:
عرض للطباعة
سؤال إلى السادة المتزوجون هل مراتك بتغير من العربية بتاعتك واهتمامك بالعربية و إيه دليل غيرة مراتك ؟
أنا مستني الردود:U_thin1[1]:
مراتي بتقول ان ليها ضرتين العربية والكمبيوتر ودايما بتطالب بالعدل والمساواة بينها و بينهم
جيت علي الجرح
مش متـــجوز
انا مراتي هتكسرلي الكمبيوتر قريب !!!!
لما بتطلب شيء واطنش تقولي ماهو لو كان للعربية ماكنتش نسيت معتبراها ضرته
مراتك بتغير من اى حاجه انته بتهتم بيها
يا عم انا مرة قمت خناقة كل دة علشان كنت مشغل الكومبيوتر وهى بتاكل العيال ولما اشتريت عربية خدت جزء من الوقت طيب اعمل اية ااطع نفسى
انا والدي والدي كان دايما يقولي وانا خاطب انت هتبقي مشاكلك للصبح مع مراتك بسبب الكمبيوتر
قبل مااتجوز كان والدي بشيل فيوذ الكهربا عشان اطلع من الأوضه واكل وبعدين يشغله تاني من غير مااعرف
وساعات كانو بيسلطو عليا اخويا وكان لسه صغير قوي (3 سنين) فكان يدخل يضغط علي زرار البور ويمشي وانا فاجاه كده الاقي الجهاز بيطفي
اما مراتي فهي معندهاش عربيه بس هتجنن من اهتمامي بالعربيات وبتبقي عايزه تولع في الكمبيوتر ومسمياه ضرتها التانيه
دي حته بتقول لاخواتها اوعو تتجوزو مهندسين كمبيوتر
بس الحمد لله ان مراتي متفهمه وعارفه اني مش بلعب :biggrin2:
بس المشكله لما بتدخل وتلاقيني مشغل لعبه (بقولها اني بتعمل منها حاجه عشان اعمل زيها)
لما بتطلب شيء واطنش تقولي ماهو لو كان للعربية ماكنتش نسيت معتبراها ضرته
ولا الدموع
عربيتى هى مراتى التانية
وفيها مميزات كتيرة عن الاولى وعمرها ماتعملك وحش الا لو اهملتها
ههههههههههههههههه
الحال من بعضه الكمبيوتر والعربيه عايزه تولع فيهم بجاز
بس مادام كلنا معترفين وحاسين كده يبقى لازم يكون فى وقفه ونديهم حقهم والا الأكياس والشواتير هتطلع
الموضوع كله ان الزوجه بتدور على اى حاجه جوزها مهتم بيها و تطلع عينه و عين اللى جابوه عشان بيعملها
يعنى لو حضرتك بتقرا كتاب يبقى يا ويلك و سواد ليلك
لو بتحب التليفزيون تبقى قاعد عمرك و سايبها
لو بتحب تتمشى يبقى مالكش شغله غير السرمحه فى الشوارع
لو بتحب تنام يبقى سايبهم و نايم على طول
لو بتحب تقعد مع صحابك يبقى خارج كل يوم و سايب الجاريه اللى جابوهالك
لو بتحب الكومبيوتر تبقى قاعد عليه ليل و نهار و مش مهم شغلك ولا اى حاجه و اكيد فيه واحده شغلاك على النت
لو بتحب عربيتك تبقى انت مش بتحبها و العربيه عندك اغلى منها
لو بتحب التصوير ابقى خلى الكاميرا تنفعك
لو بتحب تتكلم فى التليفون تبقى عامل زى الستات و مش وراك حاجه
لو بتتكلم معاها تبقى رغاى و كل حاجه تحكيها و الحياه ممله
لو مش بتتكلم معاها تبقى انت مش بتحبها
لو اى حاجه هيه هتلاقى حاجه تقرفك بيها
لو معملوش كده ميبقوش سيتات ؟؟؟؟؟؟؟؟؟؟
نعم طبعا جدا
ده انا مثالية بقه عمري ما غيرت من العربية
بالعكس ديما اتحايل عليه يوضبها ويغسلها ويهتم بيها شوية وبزعل لما يكون موضبها ويخبطها ويبهدلها تاني
اما بقه موضوع الكمبيوتر فأنا ديما اهدده بالانتقام من اللاب توب بشوية ميه ومرة دعيت علي اللاب راح الهارد ضرب بالشغل اللي عليه وقعد يومين تلاتة يسترجع الباك اب المهم
وديما افكره واقوله عشان تعرف ان دعوتي مستجابة وخد حذرك مني واتقي شر غضبي عليك هههههههههههه
عايزين الجد بقه من غير هزار
مفيش ست هتغير من عربية ولا كمبيوتر ولا اي اهتمام او هواية الرجل بيمارسها الا لو مهملها فعلا ومش مخصص لها جزء من وقته
اعتبرها واحد صاحبك يا عم وجاملها بشوية وقت ولا مديرك اللي متقدرش ترفض له طلب
الستات دول غلابة بجد كل مشكلتهم عايزن شوية اهتمام وانتم بخلانين هليهم بيه
والله يا استاذه نور هو الموضوع مش موضوع بخل بس هو الراجل طلع عينه في الشغل فابيدور علي نفسه من الاخر بعيد عن الست بتاعته عشان خايف لطلع عينه هي كمان فبيدور علي الكمبيوتر واصحابه بس هي دى المشكله البصدفها عند الناس المتجوزين ............. انا لسه مش دخلت القفص
فى مقولة بتقول أن الراجل على قد درجة أهتمامة بعربيته بيهتم بنفس الدرجة بمراته. يعنى لما تلاقى واحد مهتم جدا بعربيته بتكون دى أشارة كويسة أنه هيكون على نفس المنوال فى بيته و مع مراته. و نفس الشىء لما تلاقى واحد سايق عربيه مش نضيفه من جوة و من برة و مليانه كراكيب من جوه و لازق الفانوس بشيكارتون و مربط ألأكصدام بسلك و العربيه مخبطه من كل حته و مقشرة و هو سايبها على الحاله دى!!تخيل دة عامل أزاى فى بيته و معاملته لمراته.
ياجماعة الستات رضاهم السهل الممتنع بس انا غالبا مابفهمش هما عايزين ايه
المفروض اني بقعد مع مراتي طول ايم الاسبوع في القاهرة وبنرجع الجمعة والسبت نشوف اهلي واهلها .... تمام
الاسبوع الي فات اقعدت مع مامتها في الزقازيق وانا قاعد هنا لوحدي زي قرد قطع قولت خلاص ياواد انا بخلص شغل الساعة 4 وانا جنب في القطامية يعني جنب طريق السخنة قولت ياواد انت عندك اصحاب في السويس بيشتغله في السخنة روح قضي يوم بدل مانتا قاعد زي العواجيز كده
المهم قولتلها علي الفكرة دي والدنيا قامت مقعدتش يامعلم فين اما يوجعك ..... عياط وتأنيب وكلام من اللي قلبك يحبه عن
1- صحابي الي شاغلين كل وقتي (والله مان بقالي اكتر من شهر ماشوفتهم ولما بشوفم بيبقي في القاهرة ودي اول مرة اروح السويس من ساعة ماتخرجت)
2- العربية الي وقتي كله معاها وبقعد معاها اكتر مانقعد مع مراتي وبحافظ عليها ( عشان عملت فرش جلد بتقولي انت كسيته طب كنت اكسيني انا الاول مع العلم انا والله مابرفضلها طلب ده بأعترافها هي شخصيا والله علي ما اقول شهيد)
3- اني طول مايقعد معاها ياإما قاعد علي اللاب توب او نايم وانها لوكانت واحد صاحبي كنت قعدت معاه ( والله بقعد معاها وبنخرج يوم ويوم تقريبا عشان افسحها وبناكل بره)
4- الباقي كلام عن مدي تقصيري في اي حاجة وبس ومدي اسرافي وعدم احساسي بالمسؤولية
بعد 4 ايام مصالحة (نكد وعكننة وانت لازم تبتسم وتقول حقك عليا ومش هعمل كده تاني) قالتلي معلش اصلي بغير عليك من اي حاجة وانت الي مدلعني ومعودني علي كده
بالذمة ده كلام يعني هو ذنبي؟؟؟؟؟؟؟؟؟؟؟؟؟؟؟؟؟؟؟؟؟ ؟
دانا مراتي ملاك علي كده
انا لا بخرج ولا باكل بره وطول الوقت قدام الكمبيوتر وياسلام لو جيت في يوم وقعدت معاها نص ساعه نتكلم تبقي الفرحه مش سايعاها
ده غير اني لما اقولي تعالي اشتري لبس تقولي يعني هو انا هروح بيه فين - مش لازم وهالتلك انت- طيب يابنتي تعالي نخرج نتعشي بره تقولي لا نحوش عشان نجيب شقه تمليك احسن
الحمد لله علي النعمه اللي انا فيها
مــــــــــش متزوج
بس اي واحده بتغير من اي حاجه غيرها حتي لو كانت ال Girl friend
طيب جربوا كدة تخصيص ساعة على الاقل يوميا لمدة اسبوع واحد بس للمدام واهتم بيها واتكلم معاها في مواضيع تستهويها ولو اكتر من ساعة يبقه خير وبركة وشوف الفرق بعد الاسبوع ده
بس لو بتكره نايل ولا العربية ولاصاحبك الفلاني متجيش تتكلم معاها فيه وتقول مفيش فايدة
ولا خرجها اتمشوا حوالين البيت شوية وممكن تلف بالعربية وتشربوا عصير ولا شوية لب ولا وديها عند بيبو واكلها ممبار :Oc_sun1[1]:
في ستات كتير كدة وانا اعرف ناس منهم
بس النتيجة بتكون ان الرجل بيتعود على كدة وبعد ما كان بيعزم عليها هتلاقيه واحدة واحدة بطل حتى عزومة المراكبية ويتحول لشخص اناني بالتدريج
وتبدأ الست تشعر بمدى التقصير والاهمال وتبدأ تشيل في نفسها ويتراكم عندها وهتيجي في وقت وتنفجر
اوعى تقع في الغلطة دي
موضوع كوميدى.....
بس عندى سؤال...
قبل الجواز كل لما تتكلم مع متجوز او اغلبهم على الاقل يقولك ده هم مايتلم و.......الخ
ليه كله بيتجوز فى الاخر ؟؟؟!!!!