لسه راجع من شويه من سفر و علشان كده مكنتش متابع
ياللا ربنا يسهل
اللي عايز يقابلني عند المنصه في مدينه نصر و نتحرك سوا مفيش مشاكل خالص
بس يبعتلي علي الخاص رقمه و ان شاء الله ارتب معاه
عرض للطباعة
لسه راجع من شويه من سفر و علشان كده مكنتش متابع
ياللا ربنا يسهل
اللي عايز يقابلني عند المنصه في مدينه نصر و نتحرك سوا مفيش مشاكل خالص
بس يبعتلي علي الخاص رقمه و ان شاء الله ارتب معاه
هحاول اكون موجود بإذن الله، لكن آخر كلام هتقعدوا فى جراند كافيه وللا فى سفارى علشان الواحد ميدوخش عليكم ولو امكن اخونا امير يبعت لى نمرته على الخاص علشان تسهل عملية التواصل
ممكن يا جماعة وصف الطريق من الدائرى من طلعة الدائرى اللى فى كورنيش المعادى ....
دول الاعضاء اللى باذن الله جايين
(amir)-(hanyelrakhawy)-(maka)-(eng.octooo)-(Eng:mohamed)-(aymenseef)-(atefadl)-(mohali1666)
(Mohamed.Ramah)-(sab3aawy)
(samehrashed-tida) -(tiida_mohamed -tida) -(ahmed.tv-tida)-(AhmadKamal-tida)-(moonnight000-tida)-(ali_amr tida)
- بالنسبة الى اللى جى من المعادى او حلوان بيطلع الدائرى من على الكورنيش ويفضل ماشى فيه لغاية ما يوصل الى الوصلة الجديدة اللى بتربط الدائرى المعادى بدائرى اسماعيلية , المهم يدخل الوصلة دى وحيلاقى مكتوب عليها كمان اسكندرية الصحروى , حيدخل فيها ويمشى لغاية اخر الوصلة دى , حيلاقى ليها نزلة يمين ونازلة شمال , ينزل النزلة اللى الشمال اللى بردوا بتودى الى طريق مصر اسكندرية وطريق الواحات , بعد ما ينزل من الوصلة دى حيمشى حوالى كيلو وحيلاقى نازلة طريق مصر اسكندرية ويفضل ماشى فيها حوالى 7 كيلو تقريبا وحيكون وصل الى نقطة التجمع عند دندى مول فى ساحة الانتظار الكبيرة بتعته
الوحد سعيد جدا بالجدية دى وبكل الناس اللى حتيجى باذن الله المقابلة وسعيد بردوا بالناس اللى حاولت تيجى ومقدرتش عشان ظروفها , وانشاء الله يكونوا معانا المرة اللى بعدها باذن الله , وحيكون وقتها فى تنسيق مسبق بوقت كبير عشان تناسب ظروف الكل
- ولو حد عاوز اى حاجة يكلمنى او يكلم امير او محمد سليمان والناس اللى جية وينسق معانا ,
- وده رقمى بردوا عشان اللى عاوز يستفسر عن اى حاجة 0188814049 احمد مصطفى ,
هحاول بإذن الله أكون موجود والله الواحد يتشرف بمعرفتكم خصوصا لو بشمهندس سبعاوي هيشرفنا في المقابله دي :S_thum1[1]:
شكر خاص لصديقي العزيز احمد مصطفى على اهتمامه ومجهوده في المقابله دي بصراحه انت اضافه مميزه لمنتدى نيسان ( مش كنت جبت sx4 عشان تنور منتدى السوزوكي ؟؟؟ ) :C_laugh[1]:
كان نفسى اكون معاكو جدا يا جماعة بس للاسف حيكون عندى شغل فى اليوم دة وطبعا المسافة بالنسبة للاسكندرية حتكون طويلة ان شاء الله نشوفكو فى الاسكندرية
ان شاء الله نتقابل على خير
كان نفسى اكون معاكو بس اعمل ايه بأه الظروف منعتنى بس ماليش دعوه انتو لازم تعملو مقابله تانيه عشان اشوفكو
ان شاء الله الواحد يكون موجود ويتشرف باحلى ناس فعلا واكثرهم احتراما وتعاونا وشكرا خاص لمجهود الاستاذ احمد مصطفى والفكرة الرائعة للدكتور امير والدعم الدائم من المهندس سبعاوى وجميع اعضاء المنتدى.
د. احمد انت عارف من زمان وان نفسى التقى بيك وان شاء الله حاول تيجى وتشرفنا زى باقى الاعضاء اللى حيشرفونا باذن الله , لان الناس كلها بجد ناس فى قمة الاحترام والذوق والقعدة معاهم بتكون ممتعة
ويادكتور انت عارف بردوا السوزوكى sx4 يعتبر بنت عم نيسان وانا من اشد المعجبين بsx4 وطالما انت جبتها يبقا انا جبتها , ومعاكم فى قسم السوزوكى باذن الله بردوا لان كله تحت مركز خدمة واحد مودرن, فكله فى بيصب فى مصلحة واحدة
-----------------------------------------
khela
كان نفسى اكون معاكو جدا يا جماعة بس للاسف حيكون عندى شغل فى اليوم دة وطبعا المسافة بالنسبة للاسكندرية حتكون طويلة ان شاء الله نشوفكو فى الاسكندرية
كان نفسنا تنورنا , بس اكنك جيت , وكفاية روحك معانا , وان شاء الله المرة الجية تكون معانا , ونعملها فى مكان يناسب الكل , وبعدين اهل اسكندرية وكل المحافظات على راسنا من فوق بجد
--------------------------------
karaktar
كان نفسى اكون معاكو بس اعمل ايه بأه الظروف منعتنى بس ماليش دعوه انتو لازم تعملو مقابله تانيه عشان اشوفكو
باذن الله حيكون من هنا ورايح فى مقابلات كتيرة كل فترة , وتكون موجود معانا المرة الجية , مع ان كان نفسى تكون موجود خصوصا ان حضرتك من ملاك التيدا , لان ما بصدق الاقى حد من ملاك التيدا عشان اشوفه بردوا , وقريب بردوا نلتقى بيك على خير يا فندم
---------------------------------
mohali1666
ان شاء الله الواحد يكون موجود ويتشرف باحلى ناس فعلا واكثرهم احتراما وتعاونا وشكرا خاص لمجهود الاستاذ احمد مصطفى والفكرة الرائعة للدكتور امير والدعم الدائم من المهندس سبعاوى وجميع اعضاء المنتدى.
باذن الله حيكون يوم جميل وتنورنا يا فندم وربنا يخليك , والحمد لله ودى ميزة قسم نيسان اننا اسرة واحدة متعاونة والكل مجهتد وبيجتهد لخدمة الاخرين وبنكمل بعض
الاستاذ سبعاوى
بوجه شكرى وشكر اسرة نيسان الى الاستاذ سبعاوى رائد وقائد قسم نيسان اللى مش بيتاخر على حد ابدا , و منقدرش نستغنى عنه ابدا وان شاء الله يكون معانا ومنورنا
المهندس غازى كمان حينورنا بكرة يا جماعة وان شاء الله يكون مشرفنا انا كلمته والراجل رحب بوجوده معانا , وهو من الشخصيات المحترمة جدا وانا اعرفه على المستوى الشخصى , بصراحة قمة فى الذوق والادب والاخلاق , ومجهوده واضح فى المنتدى ككل ومش بيتاخر على حد فى الراى والنصيحة وخدوم جدا , وبصراحة وجوده ومعانا حيسعدنا جميعا باذن الله
باذن الله حيكون من هنا ورايح فى مقابلات كتيرة كل فترة , وتكون موجود معانا المرة الجية , مع ان كان نفسى تكون موجود خصوصا ان حضرتك من ملاك التيدا , لان ما بصدق الاقى حد من ملاك التيدا عشان اشوفه بردوا , وقريب بردوا نلتقى بيك على خير يا فندم
بإذن الله المقابله الجايه اكون معاكو واتشرف بأحلى اعضاء
تحياتى ليك يااستاذ احمد وربنا يبارك فيك
الاعضاء اللى اكدوا الحضور باذن الله لغاية دلوقتى
(sab3aawy)
استشارى المنتدى لقسمى الورشة و التعليمى ورائد قسم نيسان وقلبه النابض
ملاك nissan sunny
(amir)-(hanyelrakhawy)-(eng.octooo)-(Eng:mohamed)-(aymenseef)-(atefadl)-(mohali1666)
ملاك nissan tida
(samehrashed) -(tiida_mohamed) -(ahmed.tv) -(AhmadKamal)-(moonnight000)-(ali_amr)
اعضاء مميزون من خارج قسم نيسان حينورنا ويشرفونا ايضا
(m.ghazy)-(dr. smart)- (maka)-(Mohamed.Ramah)
جميله روح المحبه ...والأجمل تحويل المعرفه والصداقه اللي على المنتدي الى صداقه حقيقيه..تفضل وتدوم العمر كله إن شاء الله..,
المهندس غازى هاينورنا يا مرحبا يا مرحبا ......نتقابل بكرة على خير ان شاء الله
وبعدين تعالا هنا .....انت مش ضيف خفيف انت اخ عزيز :b4_033::b4_033:...وياريت اى واحد حتى لو مش من ملاك النيسان ييجى يشرفنا
الحمد لله ان الموضوع ماشي تمام
و بكره ان شاء الله القعده تكون جميله و حلوه
و نتقابل و نتعرف علي بعض
و اكيد اللي مش قادر يشرفنا المره دي يقدر المره اللي بعدها
ان شاء الله يا دكتور امير
طيب هاتكونوا هناك على كام بالظبط ؟؟
للاسف الشديد مش هقدر آجى :stink[1]: لانى كنت لسه فى القاهره اليوم و مشوارى طويل :fun_36_3_4[1]: و ارجو من الاخوه الافاضل اللى هيشوفو بعض يورونا نفسهم ....
ايوه يورونا نفسهم و حد يتطوع و يصورلنا اى حاجه زى طابور النيسان مثلا و يا ريت كل عضو يتحدث و يعرف نفسه و يبقى اجمل فيديو لمنتدى النيسان و و اتمنى ان يتم الله هذه المقابله على خير و سلامى للجميع
بعد صلاه الجمعه ان شاء الله
و متنساش ان بكره المفروض التوقيت الصيفي
يبقي بعد صلاه الجمعه معادنا
و اللي مش هيقدر يقابلنا في الميعاد يبقي بعت لنا رقمه موبيله ليا او ahmed tv النهارده
علشان نبقي نكلمه نشوفه وصل لفين
ياريتني كنت معاهم
ياريتني كنت معاهم
عملوها الابطال
ان شاء الله نتقابل على خير و يتشرف باحلى ناس فعلا واكثرهم احتراما وتعاونا .
[justify]سؤال سريع يا جماعة من فضلكم...
عاوز أعرف إزاي آجي على داندي مول من مدينة 6 أكتوبر.. تحديداً من مدينة الإنتاج الإعلامي.. علشان جالي مشوار هناك بعد الصلاة مباشرة.. وإن شاء الله هاكون معاكم على الساعة 4 أو 4:30 بالكتير.. بس ياريت حد يوصف لي مدخل الصحراوي من هناك إزاي؟[/justify]
هتمسك طريق المحور من 6 اكتوبر كأنك رايح على المهندسين، لحد ما تلاقى على يمينك هايبر ماركت بعديه بحوالى 2 كيلو تقريبا الكوبرى اللى معدى من فوق الطريق الصحراوى، متطلعش الكوبرى وادخل من جنبه يمين فى اتجاه الهرم، كدة هتبقى على الطريق الصجراوى لكن فى اتجاه الجيزة، لف من أول يوتيرن وارجع فى اتجاه الاسكندرية، هتعدى من تحت كوبرى المحور وبعدي بحوالى كيلو تقريبا هتلاقى داندى مول
شكراً جزيلاً يا زعيم النيسانية..
ونشوفك على خير بعد الجمعة
سامح:rolleyes2:
ان شاء الله ننزل الصور
و اليوم يتكرر تاني
و كتر الف خير الناس الحلوه اللي شرفتنا بالحضور
كان يوم رائع
كل سنه و انتو طيبين
ان شاء الله وكان يوم جميل فعلا مع ناس اجمل وفعلا زوق واخلاق وانا اتشرفت بمقابلتكم وشكر خاص لاستاذ احمد على الترتيب الجميل والمفاجئة اللى عملهلنا
تحيه ليك يا دكتور أمير يا عسل انت...
و تحيه لأستاذ أحمد اللى من الواضح انه قيادي بالفطره..بان من المجهود اللي عمله...
طبعا انا شخصيا سعيييييد جدا جدا جدا بإن سبعااااوى باشا شرفنا بحضوره المميز...
و بان حب الناس ليه (كلنا كنا عايزييين نتصور جمبه)لانه شخصيه عشره على عشره..سواء فنيا بمعلوماته..
أو إجتماعيا بآراءه و مبادئه الجميله اللي بتطلع في صوره جمل ساخره..
و الدكتور هاني..و الباقي طبعا...مش عايز أنسي حد فحستنى لما الصور تنزل إن شااء الله..
و كل سنه وانت طيب يا أمييييييييييييير..وعقبال متحتفل ب100 سنه و احنا معاك ان شاء الله.
بجد يوم جميللللللللللللللللللل جدااااااااااااااااااااااا اااااا يا جماعة
والاجمل فيه الناس اللى جت وشرفونا , ناس قمم فى الاخلاق والذوق والمحبة والتعاون , وبسم الله ماشاء الله على القعدة الحلوة دى بجد , وان شاء الله نتجمع تانى على خير ويكون فى دايما صحبة احلى واكبر , والناس اللى مقدروش يشرفونا يجوا المرة الجاية ويشرفونا , وانا سعيد بانضمامى بالمنتدى وقسم نيسان والتعرف على الناس المحترمة دى كلهاااااااا
وانتظروا الصور فى موضوع جديد بنجهزه مع امير باذن الله عن المقابلة وعن اليوم الجميل ده , عشان تتعرفوا على صور الناس اللى شرفونا وتشوفوا صورة المفاجاة اللى عملناها ونحكى فيه عن المقابلة واليوم التاريخى ده
يومين او تلاتة بالكتير وتشوفوا والموضوع يكون جاهز باذن الله
وكل سنة وانتم طيبين
بجد كان يوم تحفة وخفيف على القلب وتحس انك تعرف الناس دى كلها
واتكلمنا فى كل حاجة من شكل الصنى لغاية اسنانى هههههههههههههههه
واتشرفت بجد بمعرفة الناس التحفة دى .....
...وشكرا على التورتة الجميلة دى
وهاقول رأى الكامل مع الصور علشان ما انساش حد
بس عاوزين الصور بسرعة يومين كتييير قوى وبجد على راى واحد معانا هههههههه it is nile motors هههههههههههههه
عاوزين الموضوع الجديد يكون فية كل التعليقات على المقابلة .......ان شاء الله قريب جداااا الموضوع التانى ينزل ...
اقولكوا ..بلاش نرد هنا ونستنى الموضوع التانى مع الصور علشان كلامنا يكون مثبت بالمستندات الرسمية ....والموضوع من اولة ل اخرة يكون عن انطباعات المقابلة ......
ياريت المشرف يقفل الموضوع دة علشان الموضوع الجديد مايفقدش بريقة
ودمتم سالمين ...
تم الاغلاق بناء على طلب العضو صاحب الموضوع
3أ
01052010/0130
كل سنه وانت طيب يا أمير وعقبال مليون سنه ، كانت مفاجأة حلوه أوى يا أحمد اللى أنت عملتهلنا . ومش عارف أشكركم أزاى علشان ترتيبكم للمقابله دى . علشان فعلاً كانت فرصة جميله أوى أنى أتشرفت بمعرفة الناس الجميلة اللى جت ، زى ما قال (eng.octooo) حسيت أنى عارف الناس اللى جت كلها من زمان .أن شاء الله نتقابل تانى على خير .
تامر عوض