السلام عليكم ورحمه الله و بركاته
لو شالوا شوية من دعم البنزين نص جنيةل بنزين 90 و 75 قرش لبنزين 92 حتعمل اى ؟
يعنى لو بنزين 90 بقى ب 2.25 جنية و 92 بقى ب 2.50 جنية ؟
السلام عليكم ورحمه الله و بركاته
لو شالوا شوية من دعم البنزين نص جنيةل بنزين 90 و 75 قرش لبنزين 92 حتعمل اى ؟
يعنى لو بنزين 90 بقى ب 2.25 جنية و 92 بقى ب 2.50 جنية ؟
هأحط بنزين 80
ياباشا بلاش السيره دي
حسبى الله ونعم الوكيل
انا بالنسبالى مافيش مشكلة الحمد لله
ومش هدخل نفسى فى حورات علشان ناس راضية بالوضع المهين للادميتهم
وما هيترتب عليه من اسعار الغذاء والملابس والموصلات يستحملوا بقى ماهما طول عمرهم كده ايه الجديد
ولا حاجه
ولا حد عنده عربيه هيعمل اى حاجه هيروح المحطه يمون عادى وبالكتير هيدعى على الحكومه دا لو افتكر
هدفع زى العبد المطيع اللى اتربينا كلنا عليه
ها اشترى عربيه هيونداى اى 10 زى زميلى بتوفر البنزين خالص وحلوة معاه
ولا حاجة ..... حتمون وانت مش فاكر ان البنزين غلي حيبقى الطبيعي كده
هبيع العربيه واشترى حصان بالكتير ب10000جنيه
اروح بيه مكان مانا عاوز
مافيش مشاكل من الركنه ولا مخالفات مرور
وحزمتين برسيم بربع جنيه
طبعا الصراحة اني هدفع لأني متربي علي ايوة حاضر نعم وطاعة اولي الامر (حسبي الله ونعم الوكيل) انا ماعنديش مشاكل نعمل زي كل الدول الكويسة ونشيل الدعم بس برضة نعمل زي كل الدول الكويسة ويبقا لينا حقوق ولا ايه مش هو ده الي بيقولوه ولا انا غلطان
نفس يكون نعايا 3000 دولار اقدمهم للهجرة وارتاح من ام البلد
تقبلوا عزائي وشكرا
عادي...هاروح زي الباشا أمون و أدفع بالسعر الجديد...هاعمل إيه يعني؟؟؟
بس الحل الواقعي إني كموظف في شركة هاطلب زيادة بدل المواصلات ولو 100 جنيه ...و يتعمل طلب عام من كل موظفين الشركة...و دي إن شاء الله سهله و مقدور عليها...طبعاً هنا انا أغفلت ان تكلفة المعيشة كلها هاتزيد...بس مش معقول هاطلب زيادة في المرتب كمان...:)
عادى جدا الحياة هتستمر و الناس هتحط بنزين و مفيش اى مشكلة هتحصل
ولا كأن ....
انا وراهم لحد مايجيبوا اجلها...
كلنا زي الشطار هنمون زي ماغلي قبل كده ومحدش عمل حاجه
ولو بقي ب 4 جنيه برده هتموت
هقلبها غاز
:I_angr1[1]: وابقا قابلنى ..............
هبطل اكل واشرب و ااكل العربيه
فعلا هوه ده اللى هيحصل.... كلنا هنبرطم شوية و خلاص هنتعود على الامر الواقع
هشتري 20 لتر سولار و ولاعه من ام نص جنيه دي و هولع في العربيه و الجديد بقي هكون جواها :majd(4):
وقتها اقول زى شعبان عبد الرحيم
هبطل البنزين بعد الغاء التدعيم
في المنيا مش مشكلة بنزين 80 موجود و زي الفل
و عشان القاهرة ممكن أشتري تانك كبير بتاع 500 لتر كده بمقطورة صغيرة و أجره ورا العربية لحد ما أرجع المنيا تاني
و لا أقولك أنا أقطع العلاقات مع القاهرة و أريح دماغي و أوفر تمن التانك
هاقلبها غاز على طول
و حسبى الله ونعم الوكيل
الرد فى توقيعى
المشاوير هتقل وهفكر 1000 مرة قبل التحرك بالعربية
ححط بنزين 95
و حقلل مشوارى
هقدم إستقالتى وهشتغل حرامى
لأن مش البنزين بس هو اللى هيغلى كل حاجة هتولع عقبال الحكوووووووووو..
فى اخبار اكيد ان ال 92 هيبقى 2.35 على شهر 7 يعنى ال 10 لتر هيدخلو على 25 جنية :b4_282:
يا باشا الحكومة هتعملها بكل تأكيد بس مستنين الانتخابات البرلمانية ثم الرئاسية
من شوية لو حد متابع الاخبار وزير البترول قال هنغلى البنزين وبعديها بساعة
طلع مصدر من رئاسة الجمهورية ينفى الخبر ومن يومين عايزين يحددوا حصص شهرية
للبنزين لكل عربية .... كل دا ياجماعة عبارة عن تهيئة الرأى العام لزيادة البنزين فى اى وقت
هما يختاروه وبكرا تقولوا وائل قال
لاحول ولا قوة الا بالله....
هاحط بنزين 80 ، وأعمل الأوكتان بنفسي وعندي الطريقة .
طب الحمد لله انها جت على نص جنيه يعنى مش هايبقا ب 5 جنيه زى ما كنت سامع و طبعا التحرك بالعربية هايبقا للضرورة القصوى و ده اللى انا باعمله حاليا يعنى باطلع بيها بس لما يكون الموضوع محتاج توصيل الوالد او الوالدة لمشاوير غير كده انا باسوق جزمة مقاس 42 لا مؤاخذة
شوف اللينك ده:
How to make your own octane booster. | eHow.com
بس نلاقي الأوكتان الخام الأول وبعد كده :049:
فكرتني لما بنزين 90 غلى من 130 وبقى ب 175
دكتورة زميلتي اتصلت بيا على طول
عرفت من جوزها انه حيغلى وبتقولي انزل بسرعة مون !!!!!!!!!!!!!!!!!!!!!!
آل يعني ال 20 لتر الزيادة دول حيمشوني 5 سنين
هههههههههههههههههههههه
هاجيب عربية بتشتغل بالكهرباء
انا مش مقتنع ان في دعم اصلا لان البنزين بينتج داخل مصر مش بنستورده وسعره كده غالي عليه
لو غلي البنزين اكترمن كده هاتبقى مشكله كبيره بجد