ساعدونى يا أهل الخبرة

**loayauc** · 26-04-2010 06:38 PM

يا جماعة أنا ناويت أشترى عربية هاتش باك تكون كامله بكييف و باور. بس مش عارف أختار اية الأنسب فى حدود 30 ألف. انا كنت بفكر فى:
IBIZA
Opel corsa
POLO
بس خايف ان الألمانى يكون قطع غياره غالية و IBIZA الأسبانى يكون موتوره مش الى هوا و التكييف تعبان.
أنصحونى بأيه يا أهل الخبرة؟؟؟؟

**mesho_kimi** · 26-04-2010 07:00 PM

بص ياسيدي بالنسبه للسعر ( مش تقييم للعربيه ) 1 -بولو 2 - كورسا 3 - إيبزا
بالنسبه للميزانيه اللي انت حاططها فا السعر ده صعب انه يجيب بولو لو تزود عليهم 5 كمان تجيب بولو حالتها ممتازه ، الإحتمال التاني خليك فى الإيبزا لأن أكيد بتدور على الماتور الافضل لاني ماتور الكورسا 45 حصان ومش حيرضيك تماما

يبقى طلع الكورسا بره حسابك وفكر فى البولو والايبيزا الاتنين ميفرقوش عن بعض يامه بس البولو سعرها أعلي حوالي 7 آلاف وماسك سعره بعكس الايبيزا سعرها واطي شويه بالنسبه لقطع الغيار فهي غاليه شويه ولكنها بتعيش كتير

عايز نصيحتي لو مش حتزود هات إيبيزا تعمل حوالي 27 الف وروشها بال 3ألاف دول وهى عربيه كويسه جداً

**loayauc** · 26-04-2010 07:27 PM

طيب و ياترى ibiza فيها التكييف جامد ولا ايه؟؟؟
يعنى عربية تقتنى؟؟؟

**mesho_kimi** · 26-04-2010 07:34 PM

والله انا مقدرش أديك رأي قاطع ولكني أعتقد انه كويس مش وحش ممكن تسأل فى قسم السيات

**loayauc** · 26-04-2010 07:46 PM

شاكر ليك كتير و يعنى كده افكر فى الأبيزا أكتر من بولو و أسأل عن امكانيتها

**mesho_kimi** · 26-04-2010 08:31 PM

لو مش ناوي تزود عن المبلغ اللي انت محدده يبقى خليك فى الإيبيزا

**loayauc** · 28-04-2010 05:02 PM

طيب ايه اسعار الايبيزا و مواصفاتها فى السوق الان ؟؟؟

**mesho_kimi** · 28-04-2010 05:54 PM

الإيبزا اما بتكون حالتها حلوه أوي ممكن تقع ب 28 ممكن تبص بصه فى كونتاك كار حتلاقى الاسعار موجوده

**ahit** · 29-04-2010 02:43 PM

مش عارف ليه بحس إن الإبيزا أقوى و أثبت من البولو لكن البولو ناعمة و رشيقة.
دى وجهة نظرى و ليست معتمدة على خبرة فى العربيتين يعنى مجرد إحساس

**elshrpeny** · 08-05-2010 02:47 PM

هى الابيزا ممكن تكون أثبت من البولو ودا لعدة اسباب منها ان البادى بتاعها أكبر شويه من البولو وكمان الجنوط فيها اكبر نمره .انما اقوى معتقدش لان الشاسيه بتاعها اسبانى اما البولو فهو المانى دا غير ان فعلا بادى البولو أجمد .