أبو الليف يعطل فيلم 8 جيجا (( بتاع محمد سعد )) .. أدخل خدلك جيجا

**magyver** · 28-04-2010 07:07 PM

المشاركة الأصلية كتبت بواسطة a_h_m_a_d

اللي نفسي أفهمه بجد حسن حسني بيلاقى وقت يروح بيتهم إمتى

وهو قاسم مشترك في كل أفلام الشباب و المسلسلات الدرامية , اللهم لا حسد !!

+11111111111

**Terrible_DaRsH** · 28-04-2010 09:02 PM

انا عارف و الله ان الناس مسمعتش ابو الليف ( كله ) و بيحكموا بالشكل او بطبقة الصوت , بس مش مهم .

اسمعوا دى كده :

YouTube - Abou Elleef - Abl Ma Anam / ط£ط¨ظˆ ط§ظ„ظ„ظٹظپ - ظ‚ط¨ظ„ ظ…ط§ ط£ظ†ط§ظ…

الرجل بيقول كلام جميل و الله مش سواق ميكروباص يعنى , هو فى سواق ميكروباص يسمع الكلام ده !

الرجل بيقول بروق هدومى و اشيل حاجاتى قبل ما انام , ازاى تقارنوه بواحد بيقول بحبك يا حـــمـــار و منتظرين له الفشل .

مش كل حاجة بالشكل .

**eng.octooo** · 28-04-2010 10:54 PM

mensho ههههههههههه لا طبعا صاحب الباسات دى حالة تانية لوحدة هههههههه

Terrible_DaRsH

بس سعد ما غناش للحمار والخضار بس دة غنى عن الجواز وان اهل العروسة لازم يقدروا والدة العريس ومايتقلوش فى الطلبات
فى اغنية ( اوعوا حد يزعل امى)

وعمل كام اغنية اسلامية فى رمضان وكام دعاء يعنى اغانية كانت ليها مفهوم واضح ومطلوب

بس برضة لسة مغنى شعبى

اما ابو الليف ك كلام اغنية معقول ( مش كلة ) بس كصوت او اننا نخلية فوق المغني الشعبى .....لا طبعا هوة مش هايتعدى حدود المغنى الشعبى ابداااااا مهما حصل دة مطرب للميكروباص والتوكتوك ( دة على الاقل بالنسبة ليا)

وعموما الموضوع اذواق ولولا اختلاف الاذواق لبارت السلع

**ahmed_h_g** · 29-04-2010 12:52 AM

المشاركة الأصلية كتبت بواسطة eng.octooo

بما ان هوايتى هى النقد الفنى :

انا سمعت شريط ابو الليف وزية زى شعبولا وسعد الصغير والموجة الى بتطلع كل اول صيف دى ......بس دول مش فنانين دول مغنواتية بتوع افراح اخر الليل ...وبعد الظهر شغالين فى التوكتوك والميكروباص
وبعد العصر شغالين فى محلات الكشرى

ومحمد سعد هايحرق نفسة بنفسة زى محمد هنيدى والكوميديانات الى حرقوا نفسهم بتكرارهم لنفس الاسلوب حتى ولو كان جيد
بس الجيد مع التكرار بينزل ل" راسب " وفى الاخر بياخد فصل نهائى من الساحة

وحسن حسنى مع انة طالع فى كل الافلام والمسلسلات ...بس بحس ان دورة مهم جداااا مش عارف لية

وتامر حسنى بقا بايخ جدااااااااااااااااااااااا ااا
ومى عز الدين لو فضلت تمشى ورا محمد سعد صيف وصيف ورا تامر هاتبقى بتكرر نفسها وهاتتحرق بدرى بدرى

:b4_611:

**Terrible_DaRsH** · 29-04-2010 01:32 AM

المشاركة الأصلية كتبت بواسطة eng.octooo

وعموما الموضوع اذواق ولولا اختلاف الاذواق لبارت السلع

اذواق ايه بس يا اوكتو ! هو انا قلت لك ده محمد منير القادم !!

انا مش معجب بيه للدرجة و لا بسمعه كل يوم , و لكن انت حكمت على واحد غلط و مصمم انه مطرب شعبي , بالرغم من انه نفى ده و ايمن بهجت قمر نفى ده هو كمان و قال الشريط مش معمول للفن الشعبي .

مش عاجبك ابو الليف متظلموش .

**eng.octooo** · 29-04-2010 03:41 AM

اذواق ايه بس يا اوكتو ! هو انا قلت لك ده محمد منير القادم !!

انا مش معجب بيه للدرجة و لا بسمعه كل يوم , و لكن انت حكمت على واحد غلط و مصمم انه مطرب شعبي , بالرغم من انه نفى ده و ايمن بهجت قمر نفى ده هو كمان و قال الشريط مش معمول للفن الشعبي .

مش عاجبك ابو الليف متظلموش .

انا والله مش ظالمة خالص وشوف اول مشاركة ليا

انا سمعت شريط ابو الليف وزية زى شعبولا وسعد الصغير والموجة الى بتطلع كل اول صيف دى ......بس دول مش فنانين دول مغنواتية بتوع افراح اخر الليل ...وبعد الظهر شغالين فى التوكتوك والميكروباص
وبعد العصر شغالين فى محلات الكشرى

انا كل الى قلتة انة مطرب شعبى عمل موجة من البلبلة وقت ظهورة زى ناس كتييير يعنى مش طفرة

ومعلش ...هوة مطرب شعبى ...... حتى لو هوة نفى كدة
طيب انت اعقلها مع نفسك ....تفتكر ان ابو الليف ممكن اروح الاقى لية بوستر عن حفلة فى الاوبرا !!!!

**Terrible_DaRsH** · 29-04-2010 03:07 PM

المشاركة الأصلية كتبت بواسطة eng.octooo

طيب انت اعقلها مع نفسك ....تفتكر ان ابو الليف ممكن اروح الاقى لية بوستر عن حفلة فى الاوبرا !!!!

طب ايه رايك انه درس فى الكونسرفتوار !!

للمرة التانية يا اوكتو , مش عاجبك ابو الليف متظلمهوووووووش , قول مش عاجبنى و ده رايك و بس .

**alf2boshra** · 29-04-2010 06:46 PM

المشاركة الأصلية كتبت بواسطة terrible_darsh

طب ايه رايك انه درس فى الكونسرفتوار !!

للمرة التانية يا اوكتو , مش عاجبك ابو الليف متظلمهوووووووش , قول مش عاجبنى و ده رايك و بس .

طب ايه رايك انه درس فى الكونسرفتوار !!
==================
لا اعتقد لأن لو حد سمع " صيف ساخن جدا ً " اللي طلع وقت لولاكي / علي حميده تقريبا 1991 وكان مشارك فيه نادر ابو الليف (( أنا كنت تاجر كاسيت وقتها ))
هيدرك ان ده لايمكن يكون كونسرفتوار ولا حتى طيرطوار
لو هو خريج معهد ( كمل للآخر يعني ) ماكانش بقى كده
ولا كان قعد كل السنين دي من شغلانه لشغلانه تاني
ما باقولش إنه وحش بس اللي عمله ده كان لازم يحصل
لأنه كان لاااااااااااااااااااااااا ااازم يظهر للناس
أبوالليف دلوقت سنه أكتر من أربعين سنه
ويارب الشهره ماتخليهوش يفقد ذاكرة الماضي ويقول انه خريج السنة اللي فاتت
=======
أشكركم عل مروركم
ألفي بشرى

**eng.octooo** · 29-04-2010 06:48 PM

طب ايه رايك انه درس فى الكونسرفتوار !!

للمرة التانية يا اوكتو , مش عاجبك ابو الليف متظلمهوووووووش , قول مش عاجبنى و ده رايك و بس .

وبيعزف على الكمان والبيانو

بس برضة مطرب شعبى هههههههههههههه

وانا باقولك لتانى مرة ...انا ما ظلمتهوش انا قلت

انا كل الى قلتة انة مطرب شعبى عمل موجة من البلبلة وقت ظهورة زى ناس كتييير يعنى مش طفرة

الموضوع: أبو الليف يعطل فيلم 8 جيجا (( بتاع محمد سعد )) .. أدخل خدلك جيجا

LinkBack

أدوات الموضوع

عرض

-

-

-

-

-

-

المواضيع المتشابهه

للبيع راوتر TP-Link و هارد ديسك 750 جيجا و فلاشه 8 جيجا و شاشه 17"

مطلوب اى باد 2 ..... واى فاى + ثرى جى .... 32 او 64 جيجا

أكبر موسوعة كتب سيارت و لن تجد لها مثيل || 17 جيجا من الكتب الرهيبة || أدخل و حمل

اي بود 120 جيجا للبيع

فيلم محمد سعد (اللمبى 8 جيجا) شكله هيبقى كويس

الكلمات الدلالية لهذا الموضوع

المفضلات

المفضلات

ضوابط المشاركة