الموضوع: سلوك البوجيهات كده باظت ولا ايه الكلام ؟؟

من شويه وانا نازل سمعت صوت تكتكه على السلانسيه عالي حبه ... ففتحت الكبوت لقيته جاي من عند البوجيه الاولاني .. ولمسته بأيدي لقيته سخن وحاسس بالنبضات فيه عاليه اوي .. فطفيت العربيه وقولت يمكن يكون زي المره اللي فاتت والمسمار اللي في راس البوجيه ده مفكوك ولما اربطه تتحل المشكله ... فكيت السلك .. ووالله فكيته صح من العلبه الحديد اللي متركبه مش شديته من السلك .. لقيت في حته كده فضلت لازقه في البوجيه واتخلعت من السلك .. حته زي ما نقول بتوصل السلك بالبوجيه .. هل ده معناه ان السلك ده خلاص مع السلامه واجيب سلوك غيرها ؟؟ انا عموما فكيت الحته دي وركبتها تاني في السلك والعربيه اشتغلت وروحت مشواري عادي بس عايز اعرف ده ايه ؟؟؟ وهل لو هغير السلوك اغيرها بنوع ايه ؟؟ ولا اجيب الاصلي وخلاص ؟؟ مع العلم ان الميزانيه دلوقتي مش حمل سلوك سبليت فاير .. لو في نوع تخين شويه زي ما سمعت انه احسن لما يبقى اتخن ايه هو وبكام ؟؟؟؟ ياريت حد يديني التفاصيل دي بسرعه لان مسافر بكره ومش عايز العربيه تعمل الدنيئه معايا .... ومشكورين وتسلمو على المساعده مقدما