باركولى يا جماعه اخيرا بعد طول انتظار ويحث

**eljazeera77** · 30-04-2010 02:16 PM

السلام عليكم يا جماعه اخباركم ايه
اخيرا خلصت فى نوبيرا هى 2001 لونها نبيتى دواخل الفبريكه لكن فيها بعض العيوب علشان كده حبيت اخد رأيكم فيها وتقولولى بناء على الكلام ده تسوى كام علشان اعرف اتغلبت ولا جبتها بحقها محدش يجامل يا جماعه
اولا الدواخ فبريكه لكن العربيه راشه ستاره يعنى الجزئ الى مربوط فيه الردياتير
العربيه حوض وسقف وقوايم الشركه
راشه بره لكن عايزه رش تانى صراحه مفهاش تطبقه ولا خبطه لكن خدوش من الاخر عايزه سمكره ودوكو فى حدود 1500 جنيه احسن حاجه من لسان بتاع الدوكو والسمكرى
وحوالى 500 جنيه عفشه تظبيط
ها قولولى تعملها كام يا جماعه بدون مجامله

**أبو ياسين** · 30-04-2010 02:29 PM

عامله كام كيلو ؟؟؟
و ممكن نقول فى رينج 42 الف

**محمد الشامي** · 30-04-2010 02:43 PM

المشاركة الأصلية كتبت بواسطة أبو ياسين

ممكن نقول فى رينج 42 الف

اظن في الحدود دي , ممكن تزيد حاجه بسيطه

**abo_lamar** · 01-05-2010 07:22 AM

يا شباب دي نوبيرا مش لانوس وبعتقد ان النوبيرا برضه اغلى واحسن من اللانوس وسعرها حيعدي 42 ألف جنيه

**ah-gawad** · 01-05-2010 08:58 AM

نوبيرا 2007 اتباعت قدامي ب 50000 فابريكا برة و جوة شوف انت و احكم 2001 المفروض تعمل كام و عموما طبعا ربنا يبارك لك فيها و يكفيك شرها و طالما اشتريت متفكرش في السعر كتير لانه مفيش منه فايدة و انت اللي بتحكم علي عربيتك تساوي كام و طالما مرتاح فيها يباه الحمد لله و دي اهم حاجة

**hosar** · 01-05-2010 01:01 PM

الف مبروك بس السعر كام مش عارف
وكمان المهم هيا عاملة كام الف كيلوا

**abdo_general** · 01-05-2010 02:01 PM

نصيحة مني ما تقعدش تفكر اتغلبت ولا غلبت
دا لو انت لسه ما اشترتش
لكن قدام اشتريت مش هيفيد التفكير في حاجة اوي وعامة اعتقد انها المفروض تزيد عن 42
فكر بقي انك تظبها علشان تمشي معاك كويس
المهم الف مبروك
وربنا يباركلك فيها ويديك خيرها ويكفيك شرها

**faron525** · 01-05-2010 04:09 PM

الف مبروك وبلاش تفكر في السعر لان كل الناس مع احترامي للجميع هتقولك ياه ده كتير اوي ده انا عندي واحدة فبريكة بحالة المصنع بخمسة جنيه ههههههههه ووقت الجد يقولك اتباعت توكل علي الله وظبطها

**eljazeera77** · 01-05-2010 06:11 PM

والله يا جماعه انا جبتها ب41الف ولكن رجعتها امبارح
انا صراحه والله كان قلبى مش مستريح للعربيه وكان قلبى مقبوض وقلت اكلمكوا واخد رأيكوا بس بصراحه مقدرتش استنى ورجعتها وسبحان الله وانا قاعد مستنى الراجل صاحبها فوجئت من ناس كانت مستنياه ان العربيه كانت ايجار
ورجعتها والراجل خد 500 جنيه
والله يا جماعه كان قايلى مغير السيور كلها واول ما اخد العربيه ومشى 500متر سير الكاتينه اتقطع والماتور باظ قدامى والله حمدت ربنا والله وقلت احكيلكم
وانا راجع كلمنى واحد زميلى ان فى قدامه عربيه بتاعت دكتور فالجامعه نوبيرا موديل 2001 العربيه يا جماعه ماشيه30الف كيلو بس ودهان المصنع مفيش خربوش لونها اسود ما شاء الله انا بقا المرادى جبتها ب43الف يا جماعه والعربيه راااااااااائعه ما شاء الله باركولى
والله ربنا كريم كنت هشرب العربيه الاولانيه لكن ربنا كريم ياجماعه
انا هرفعلكم الصور بس لما اصورها
انا دلوقتى سايبها عند الميكانيكى علشان اغير السيور كلها هههههههه انتو عارفين احسن يقع المحظور