السلام عليكم
عندى سؤال وهو ملى الاطارات بالهواء احسن ولا النتيروجين احسن
عرض للطباعة
السلام عليكم
عندى سؤال وهو ملى الاطارات بالهواء احسن ولا النتيروجين احسن
النيتروجين احسن وافضل وأغلى
لان النيتروجين بيدي ثبات للعربيه اكتر
وكمان مش بتحتاج تزود العجل كل اسبوعين مثلا , النتيروجين كثافته اعلى من الهواء العادي تقريبا وكمان مفيش فيه بخار ميا
وبالتالى نسبه انكماش الهواء داخل الأطار بتكون معدومه تقريباً , وكمان بتحافظ على الكاوتش نفسه من الداخل
لكن عيوبه انك يوم ما تزود العجل لازم تزوده نيتروجين
وده مش متاح الا في اماكن معينه
أسمح لي أختلف معاك شويةاقتباس:
لكن عيوبه انك يوم ما تزود العجل لازم تزوده نتيروجين
ولو عجله نامت منك لازم تزودها نيتروجين بردو
أيه اللي يمنع أنك تزود هوا لو عجلة نامت و مافيش مكان تزود منه نتروجين ؟؟
تقدر تزود هواء طبعا و بعد كده لما توصل لأقرب مكان فيه نتروجين بيقوموا بسحب الهواء من الاطار و اعادة ملئه بالنتروجين
أما أيهما أفضل ؟؟
الاثنين كويسين و مش هاتحس بفرق جوهري أوي ألا لو كنت أنت شخصيا مرتاح نفسيا لأحدهما
مع خالص تحياتي
م/ سمير الشهاوي
مشكور يا باشمهندس على تعليقك ولكن مش معنى كلامي انه مستحيل يزود غير النيتروجين
لكن انا اقصد انه مينفعش يخلط الاتنين ببعض , الا لو في حاله طارئه مثلا
لأن الخلط لمجرد الخلط هو كأنه بيفقد النتيروجين بعض خواصه من خلال مزجه بالهواء العادي
ولا ايه يا باشمهندس ؟؟ انا طبعا مش عارف المعلومات بشكل علمي دقيق , لكن انا باخد رأيك في كلامي
لو النتروجين متوفر اكيد هزود العجل بيه بس للاسف مش موجود عندى وبعدين لو الطرق المصرية كويسة عمر العجل مهيحصله حاجة ولو حتى نتروجين دى عربياتنا محتاجة عجل دبابات عشان نطلع بيها الجبال اللى فى الطرق
من اهم عيوب موضوع النيتروجين هو قلة الورش اللي بتزود نيتروجين عشان كده مش كل الناس بتحب تستخدم النيتروجين .
كلامكم زى الفل بس انا سمعت ان النتيروجين بيسخن الكوتش بتاع العربيه
أطلاقا و لكن الاحتكاك بين الكاوتش و الطريق بالاضافة الي أستخدام الفرامل اثناء السرعات العالية بيكون سبب رئيسي و مباشر في ارتفاع درجة حرارة الكاوتش
و لا تنسي ان النتروجين ماهو ألا غاز تسري عليه قوانين الغازات مثله مثل الهواء
هو الخلط في حد ذاته لن يفقد النتروجين خواصه و ألا كان فقدها اثناء وجوده الطبيعي بالهواء الجوي و لكنه يقلل من وجوده كنتروجين نقي داخل الاطار و تصبح الغلبة للهواء الجوي , أليس هذا هو ماتقصده ؟؟
الموضوع بسيط جدا و مش محتاج شكل علمي و لا حاجة و كلنا بنستفيد مع بعض من خلال المناقشات الحلوة اللي بتميز منتدانا عن غيره
مع خالص تحياتي
م/ سمير الشهاوي