حد يعرف الفلتر العجيب ده في النوبيرا

عندي مشكلة عجيبة في عربيتي النوبيرا..... اما اجي أفتح غطاء تنك البنزين بيحصل شفط هوا جامد أوي... المهم رحت لواحد راح فاككلي فلتر اسود قدام الاكصدام الخلفي من ناحية غطاء التنك
الفلتر ده داخلة 3 خراطيم
2 منهم شبة خراطيم البنزين و واحد مكتوب علية Air أكبر منهم
المهم راح فاكة فالوضع اتظبط و ماعدش فية الشفط ده
رحت جبت واحد أخوة مستعمل ب 100 جنية و ركبتة و الدنيا اشتغلت تمام
بعدها بأسبوع رجعت المشكلة تاني !!!
أنا عاوز اعرف فايدتة ايه الفلتر ده و خراطيمة التلاتة دي جاية منين و المشكلة فين !!
علما بأني اتحرقلي طلمبتين بنزين في سنة !!
شكرا

ده ياسيدى مش فلتر ولا غيره

دى علبة الكانستر ووظيفتها التخلص من الهواء الموجود فى أبخرة البنزين الموجوده فى كل الخطوط وخصوصا بخار البنزين اللى بيبقى فى التنك

والخراطيم التلاته كا لأتى

1- من التنك للعلبه محملا بالأبخره ( بنزين وهواء )

بيتمص البنزين على قطعة فحم نباتى زى نظام السفنجه

2- الخرطوم التانى طالع من العلبه ورايح لمجمع الهواء بهدف تفريغ البنزين اللى أتجمع جوه العلبه بتاعة الكانستر (علشان العلبه لها سعه وحجم محدد تقدر تجمع فيها بنزين )

أول لما العلبه بتتملى على آخرها بيروح الخرطوم ده مودى البنزين اللى فيها لمجمع الهواء (علشان يخش جوه غرف الحريق مع الهواء )


3- خرطوم صغير ومفتوح على الجو الخارجى للتخلص بصفه دوريه من الهواء اللى كان فى أبخرة البنزين

حيث أن الفحم النباتى اللى جوه العلبه مص البنزين وتشربه وساب الهواء
بيروح الهواء طالع من الخرطوم المفتوح ده ومتهرب تحت العربيه


__________________________


وبالنسبه لموضوع تلف طلمبتين بنزين عندك ( وحرق مواتيرهم )

فالعلبه دى السبب فعلا



وأكيد عربيتك تقفيل كورى مش مصرى

شكرا ياباشمهندس / سمير علي الشرح الوافي ده

بس هو اللانوس فيها الفلتر ده و لا لأ ؟؟
و هل موجود بالنوبيرا المصري (اقصد تقفيل مصري) ؟؟

مع خالص تحياتي
م/ سمير الشهاوي

اقتباس:

---

المشاركة الأصلية كتبت بواسطة samirayad

ده ياسيدى مش فلتر ولا غيره

دى علبة الكانستر ووظيفتها التخلص من الهواء الموجود فى أبخرة البنزين الموجوده فى كل الخطوط وخصوصا بخار البنزين اللى بيبقى فى التنك

والخراطيم التلاته كا لأتى

1- من التنك للعلبه محملا بالأبخره ( بنزين وهواء )

بيتمص البنزين على قطعة فحم نباتى زى نظام السفنجه

2- الخرطوم التانى طالع من العلبه ورايح لمجمع الهواء بهدف تفريغ البنزين اللى أتجمع جوه العلبه بتاعة الكانستر (علشان العلبه لها سعه وحجم محدد تقدر تجمع فيها بنزين )

أول لما العلبه بتتملى على آخرها بيروح الخرطوم ده مودى البنزين اللى فيها لمجمع الهواء (علشان يخش جوه غرف الحريق مع الهواء )


3- خرطوم صغير ومفتوح على الجو الخارجى للتخلص بصفه دوريه من الهواء اللى كان فى أبخرة البنزين

حيث أن الفحم النباتى اللى جوه العلبه مص البنزين وتشربه وساب الهواء
بيروح الهواء طالع من الخرطوم المفتوح ده ومتهرب تحت العربيه


__________________________


وبالنسبه لموضوع تلف طلمبتين بنزين عندك ( وحرق مواتيرهم )

فالعلبه دى السبب فعلا



وأكيد عربيتك تقفيل كورى مش مصرى

---

شرح وافي
بس يا ريت تشرحلنا ازاي العلبة دي السبب فى تلف طرمبة البنزي
وانا عندي لانوس كوري موجود فيها العلبة دي
وهل التقفيل المصري غير موجود فيه العلبة دي

اقتباس:

---

شكرا ياباشمهندس / سمير علي الشرح الوافي ده

بس هو اللانوس فيها الفلتر ده و لا لأ ؟؟
و هل موجود بالنوبيرا المصري (اقصد تقفيل مصري) ؟؟

مع خالص تحياتي
م/ سمير الشهاوي

---

السلام عليكم ورحمة الله وبركاته أولا

أخى الفاضل : مهندس / سمير

____________________

النوبيرا المصرى عندى مفيهاش المنظومه دى

وتم الأستعاضه عن هذا للضروره الفنيه بعمل خرطوم فائظ من أعلى تنك البنزين ورايح لأعلى خط التموين بحيث يتم أبعاد الأبخره عن منطقة عمل الطلمبه بأستمرار

منعا لحدوث تكهف cavetation كما هو معروف فى شغل الطلمبات وتعرض الآداء لوضع غير مقبول
ومصحوب بقدره عاليه على موتور الطلمبه وتعرض الموتور للسخونه والتلف وخلافه من الآثار الغير مرغوبه فنيا
عند عمل الطلمبات تحت تأثير مائعين two phase flow ( هواء + بنزين )

ومعروف أن وجود مائعين ( زى الهواء والبنزين ) على منطقة سحب الطلمبات ضار جدا على كفاءة الطلمبه للأسباب التاليه

1- زنه فى الطلمبه وهى تعمل

2- أنخفاض فى قدرة الطلمبه

3- أرتفاع قيمة القدره الازمه لأدارة الطلمبه كهربيا ( مما يعنى سحب أمبير زائد عن المقنن من خلال فيوز وكتاوت موتور الطلمبه )

مما يعنى سخونة جسم الموتور

مما يعنى تعرض العازل الكهربى لملفات الموتر الكهربيه للسخونه والتلف
مما يعنى فرصه أكبر لحرق الموتور

4- أنخفاض قيمة خرج الطلمبه فى صورة نقصان ضغط الطرد للبنزين
مما يعنى أنهيار عملية الحرق داخل أطوانات المحرك تدريجيا
ممل يعنى نقص سحب السياره


_______________________________

بالنسبه للانوس

المصرى أكيد زيه زى النوبيرا المجمعه مصريا

إلا أنه قد تجد علبة الكانستر فى السيارات الانوس الكورى الموجوده فى مصر

بين الطرازات أو الموديلات 1999 & 2000

اقتباس:

---

المشاركة الأصلية كتبت بواسطة mahmoudysf

شرح وافي
بس يا ريت تشرحلنا ازاي العلبة دي السبب فى تلف طرمبة البنزي
وانا عندي لانوس كوري موجود فيها العلبة دي
وهل التقفيل المصري غير موجود فيه العلبة دي

---

أنظر عاليه

ولو لك ملاحظه أخرى نتناقش فيها

انا بصراحه الكلام ده اول مره اسمعه او اعرفه مع انى معايا نوبيرا موديل2007:dontudear:

[QUOTE=samirayad;3872596610]ده ياسيدى مش فلتر ولا غيره

دى علبة الكانستر ووظيفتها التخلص من الهواء الموجود فى أبخرة البنزين الموجوده فى كل الخطوط وخصوصا بخار البنزين اللى بيبقى فى التنك

والخراطيم التلاته كا لأتى

1- من التنك للعلبه محملا بالأبخره ( بنزين وهواء )

بيتمص البنزين على قطعة فحم نباتى زى نظام السفنجه

2- الخرطوم التانى طالع من العلبه ورايح لمجمع الهواء بهدف تفريغ البنزين اللى أتجمع جوه العلبه بتاعة الكانستر (علشان العلبه لها سعه وحجم محدد تقدر تجمع فيها بنزين )

أول لما العلبه بتتملى على آخرها بيروح الخرطوم ده مودى البنزين اللى فيها لمجمع الهواء (علشان يخش جوه غرف الحريق مع الهواء )


3- خرطوم صغير ومفتوح على الجو الخارجى للتخلص بصفه دوريه من الهواء اللى كان فى أبخرة البنزين

حيث أن الفحم النباتى اللى جوه العلبه مص البنزين وتشربه وساب الهواء
بيروح الهواء طالع من الخرطوم المفتوح ده ومتهرب تحت العربيه


فعلا عربيتي كوري..... بس انا مالقتش ولا خرطوم مفتوح علي الهواء..... الخرطوم اللي مكتوب علي فتحتة AIR رايح لفتحة تشوفها اول ما تفتح غطاء التنك

و فين مجمع الهواء ده؟؟

و السدد عندي ممكن يكون فين؟؟؟ فية Suction عالي اوي في التنك؟!!

و شكرا

شكرا يا هندسة على الشرح الجامد ده

شكرآ يا بشمهندس سمير.. وازادك الله من علمه

الله يكرمكم جميعا

وبالنسبه للأخ / صاحب الموضوع

وبناء على استفساره

ممكن يصورلنا السيستم ده من تحت العربيه وهو رافعها فى أى وقت

وأحنا نفكر معاه فى مقصوده

اقتباس:

---

الخرطوم اللي مكتوب علي فتحتة air رايح لفتحة تشوفها اول ما تفتح غطاء التنك

---

واضح أن عندك تصميم مختلف ووسط بين النوع أبو سولونيد والنوع المصرى
من التخلص من أبخرة البنزين

وأنا متخيل مقصودك الى حد ما ( بس مش بصوره أكيده )

بس محتاج دعم منك من خلال صوره ترفعها لنا

وبرضه حراجع مع نفسى
أحتمال ألاقى دايره بتعبر عن مقصودك لعمل علبة الكانستر بتكنيك هندسى آخر

وبالمناسبه عندك فيشه كهرباء على العلبه ولا لا
لعمل السولونيد الخاص بالعلبه.............؟

شكرا يا هندسة علي الشرح الوافي وجزاك الله خيرا
بس سؤال صغير هل حل المشكلة بيبقي بتغيير الخراطيم ولا علبة الكانستر كلها وهل الموضوع ده هو الي ممكن يخلي في ريحة بنزين في العربية ؟
وشكرااااااا

ده حيتوقف على نظام ال evaporative emition control

عندك ....لأن الأخ صاحب الموضوع أنا توهت منه شويه الصراحه

وحوزن الكلام وتفسيره مع نفسى لما تروق الأمور

___________________________

بس لو حبينا نتكلم عن وضع طبيعى لمكونات دايرة التحكم فى أبخرة البنزين

يبقى أيه الأعطال المتوقعه

_ سدد خرطوم التنفيس الى الجو

- تعطل سولونيد فتح البنزين المتحوش جوه العلبه الى مجمع الهواء

هو ده اللى باين حاليا معايا الصراحه

وسأقوم بعمل موضوع عن هذه القصه قريبا إن شاء الله
بعد الدراسه الدقيقه لهذا الموضوع ودايرته الهندسيه الدقيقه

لوضع الأمور فى نصابها الدقيق

لأننى الى الآن حاسس أن الموضوع مفحكش منى شويه

وعاوز شوية ترتيب صح

وهذا ما سأفعله قريبا بأذن الله

شكرا يا بشمهندس سمير
وفي انتظار موضوعك الهام
وجزاك الله خيرا

لا هام ولا حاجه يا أخى

دا أحنا غلابه

وبإذن الله النيه موجوده

لعمل موضوع حول هذا المعنى فى التعليمى

العلبة ده عندى وكويس انك عرفتنى ده بتاعة ايه

أى خدمه ياباشا

وربنا يصلح لك الأحوال

معلش داوشك حبتين....
- اولا علبة الفلتر (كانستر) مافيهاش اي فيش ولا حاجة ... مجرد 3 خراطيم

- انا تقريبا توصلت للمشكلة و شرح للنظام

- اول خرطوم جاي من تنك البنزين لسحب الأبخره
- تاني خرطوم جاي من عند المكنة بعد المانفول علي طول و قبل ما يوصل الخرطوم للمكان بتاعة فية بلوك صغير بفيشة اعتقد انة سولينويد.
و الخط ده هوا اللي بيعمل فاكيوم للتنك لأني بعد ما فصلتة راح الضغط السالب اللي في التنك بس ضبط المكنة مابقاش كويس فرجعتة.
-الخرطوم التالت بتاعة الهواء جاي عند فتحة تشوفها اول ماتشيل غطاء التنك

فكرة العمل اللي انا فهمتها ان خرطوم المكنة بيسحب أبخرة التنك لغاية ما الضغط يقل داخل التنك لدرجة معينة فيقوم ال saftey valve اللي في غطا التنك نفسة يسحب هوا من بره يرجع الضغط تاني داخل التنك.
لو جبت غطا التنك و سيبتة يتهوا و حطيتة علي بقك و سحبت بالراحة مش هيحيب هوا بس لو سحبت سحبة جامده هتحس ان فية حاجة فتحت و دخلت هوا
المهم انا فكيت غطا التنك لقيت الجلدة اللي تحت سوستة ال saftey valve لازقة ة مش بتفتح اصلا.... نضفتها و خفيت السوستة شويه الدنيا اتحسنت كتير بس هجرب لو ما ظبطتش هجيب غطا تنك جديد

و شكرا للاهتمام و منتظر تعليقك يا باشمهندس سمير لأني مهندس كهرباء فبجتهد في الميكانيكا مش اكتر فممكن بعض الكلام ما يكونش مظبوط

سلام عليكم

اقتباس:

---

و شكرا للاهتمام و منتظر تعليقك يا باشمهندس سمير لأني مهندس كهرباء فبجتهد في الميكانيكا مش اكتر فممكن بعض الكلام ما يكونش مظبوط

---

متقولش كده يازميلى الفاضل

وفعلا أنت أجتهدت بطريقه ممتازه فى التعرف على شكل تقريبى للدايره

ومفيش فرق كبير فى الفكر الهندسى لأى منظومات هندسيه

ومش شرط التعمق الكبير فى الداتا الفنيه للمنظومات الهندسيه

لأنها كبيره جدا على أستيعاب العقل الواحد

فعندك أنا مثلا مليش علاقه بالسيارات ولا الكهرباء
بس دايما عندى شغف للتعرف على كل المعانى الهندسيه بقدر طاقتى

وحاليا سأقوم برفع صوره لمكونات الدايره للمحركات طراز لانوس
المتاحه لدى لكى نتناولها سويا من خلال القطع الهندسيه
وأنا متابع معاك من أجل تناوب الأفكار

وحكون سعيد طبعا بأى تعديل يصدر من حضرتك لوجهة نظرى على ال drawing الجارى تجهيزه حاليا

مكونات الدايره حسب الرسم المرفوع حاليا كما بالشكل للمخطط الهندسى

1- vapor rollover tube

ماسوره تجميع لأبخرة البنزين والهواء المتواجده بتنك البنزين وأعتقد قابله للدوران القطرى
3- ماسورة دخول الأبخره (هواء + بنزين ) لعلبة الكانستر رقم 19

7- ماسورة حمل البنزين الذى تم تطهيره من الهواء

9- ماسورة الكانستر الوسطى ( تحمل بنزين مطهر أيضا )

10 - ماسورة البنزين المطهر الأماميه والحامله لبنزين أيضا خالى من الهواء وفى طريقها للدخول لبلف التحكم فى السماح للبنزين المجمع فى الخطوط بالعبور والدخول الى المحرك

11- بلف pvc للتحكم فى عمليات السماح للبنزين المطهر من المرور خلاله ثم الى المحرك من خلال أثارته وفتحه كهربيا من خلال سولونويد كهربى

15- ماسوره ذاهبه الى المحرك بالبنزين المطهر أيضا بعد فتح بلف ال pvc كهربيا

20- واقى علبة الكانستر من تعرضها للتلف أو الأصابات والذى ينجم عنه سقوط بنزين تحت السياره وعدم الأستفاده منه فى عمليات الحريق داخل المحرك

22- هو ده بأه الخرطوم الصغير اللى بأقول عليه وشبه مفتاح حرف L
اللى لازم يبقى سالك ومفتوح علشان يهرب الهواء من خلاله الى أسفل السياره ....بعد ماشفطنا البنزين بالسفنجه ( الفحم النباتى وحوشناه فى العلبه ) أو علبة الكانستر


لو أتكتم الخرطوم الصغير ده ..........باظت الدنيا .....وباظت عمليات سحب البنزين فى المكنه
وزاد ضغط الأبخره فى التنك

وممكن متعرفش تمون التنك كاملا فى محطة البنزين والمسدس بتاع البنزينه كل شويه يفصل من عامل البنزينه

دا غير أن سحب المكنه وشغل طلمبة البنزين حيبقى فى الضياع


بالمناسبه كلمة الكانستر بتعنى باللغه العربيه

حق أو وعاء تجميع البنزين اللى سيتم تطهيره وفصله عن الهواء بقطعة الفحم النباتى


http://i728.photobucket.com/albums/w...titled-134.jpg

المهندس الفاضل/ سمير

الرسم تمام بس فية اختلاف بسيط علي ما شفت عندي

- الماسورة 9 داخلة للسيلونويد 11 ده تمام
- الماسورة 15 داخلة للسولينويد 11 ده تمام بردة

هما دول الماسورتين فقط اللي داخلين السولينويد و اعتقد المنظومة دي أبخرة فقط ما فيش فيها بنزين سايل خالص
الماسورة 10 دي انا مالقتش ليها اتصال بالمنظومة دي خالص

-الماسورة 22 حرف L دي رايحة للفتحة اللي ورا غطاء التنك و ده انا متاكد منة
- الهواء بيدخل للماسورة حرف L عن طريق ال saftey valve اللي موجود في غطاء التنك.

- علي فكرة انا فتحت ال سكاتر القديم .. هوا فية حبيبات فحم مدورة مضغوطة علي بعض عن طريق سوستتين بيضغطو علي قطعة بلاستيك بتضغط الفحم

اتمني اكون قلت كلام مفيد

وشكرا للاهتمام

شكرا جزيلا

اقتباس:

---

المشاركة الأصلية كتبت بواسطة amr_shaaban

المهندس الفاضل/ سمير

الرسم تمام بس فية اختلاف بسيط علي ما شفت عندي

- الماسورة 9 داخلة للسيلونويد 11 ده تمام
- الماسورة 15 داخلة للسولينويد 11 ده تمام بردة

هما دول الماسورتين فقط اللي داخلين السولينويد و اعتقد المنظومة دي أبخرة فقط ما فيش فيها بنزين سايل خالص
الماسورة 10 دي انا مالقتش ليها اتصال بالمنظومة دي خالص

-الماسورة 22 حرف l دي رايحة للفتحة اللي ورا غطاء التنك و ده انا متاكد منة
- الهواء بيدخل للماسورة حرف l عن طريق ال saftey valve اللي موجود في غطاء التنك.

- علي فكرة انا فتحت ال سكاتر القديم .. هوا فية حبيبات فحم مدورة مضغوطة علي بعض عن طريق سوستتين بيضغطو علي قطعة بلاستيك بتضغط الفحم

اتمني اكون قلت كلام مفيد

وشكرا للاهتمام

---

ياريت لو تحاول تجيب لنا صوره حيه

بالكاميرا لكل ماتعنيه علشان أقدر أتعايش معاك فى الفكر شويه

عن الوضع عندك ماشى أزاى

__________________________

عموما المنظومه اللى أنا رفعتلك صورتها خاصه بالدايو

وأعتقد كل المنظومات بتاعة التحكم فى بخار البنزين وفصله عن الهواء مش حتبعد كتير عن كده

________________________________________

بالنسبه للتقفيل المصرى فالوضع مختلف فى عملية التحكم فى أبخرة البنزين

وبالفعل ده منفذ عندنا فى التقفيل المصرى بصوره سهله جدا عن اللى أنت شوفته ده

ولا فيها حق تجميع بنزين (كانستر )

ولا سولونويد ولا غيره

وكانستر الكلمه المكلكعه دى جايه وشبه كلمة كانز بتاعة الحاجه الساقعه

النوبيرا الأوتوماتيك المصرى فيها السيستم ده و علبه الكانيستر مكانه عند العجله الخلفيه يمين و السولينويد عند الموتور تحت فلتر البنزين.
+ طبعا كل الى قاله الباشمهندس سمير