الميجان حبيبتى تأبى ان لا تتحفنى كل شهر بحاجه تتعمل
دلوقتى المرايا لما بتفتح بتاخد المشوار لاخره مش بتقف
حد يعرف ليه العصبيه ديه من المرايا عليا؟ زعلانه من ايه؟ و ايه الحل
عرض للطباعة
الميجان حبيبتى تأبى ان لا تتحفنى كل شهر بحاجه تتعمل
دلوقتى المرايا لما بتفتح بتاخد المشوار لاخره مش بتقف
حد يعرف ليه العصبيه ديه من المرايا عليا؟ زعلانه من ايه؟ و ايه الحل
أسف يا باشا إنى أنقلك الخبر الوحش ده....
كده المراية تعيش إنت...و طلعت من الtrack بتاعها اللى كان فيه دليل بتقف عنده.
ترجيعها لمكانها يكاد يكون من المستحيلات لوجود سوستة رهيبة داخلها.
أعتقد فى حلول بلدى زى وضع مسمار لتوقيفها و في ناس بتربطها برباط بلاستيك و.....بس إحظر كمبيوتر العربية لو إدت error.
الحلول الأصلية هى مرايه جديدة من التوكيل ضم ب2500 جنيه أو غير ضم ب800 جنيه.
نصحتى بلاش التيوانى أبو 400 جنيه اللى فى السوق لأنها زى مراية الحمام بالضبط ملهاش أى فايدة.
كل الإستعمال اللى فى السوق مش ضم.
أسف مرة أخرى على الأخبار السيئة دى على الصبح.
الحل ده هو اللى بيتعمل و ملهوش دعوة بكمبيوتر العربية فى حاجة.
القصة دى يا طارق بتحصل من سببين.....يا أما أنت أو حد تانى ( سايس مثلاً ) متعود تقفل المرايا بأيدك مش من الزرار بعد لما تركن أو المراية حد خبطهالك خبطة جامدة شوية.
حاول تشوف العقيد خالد لو يعرف حد يعملها أو أيمن مومو و تروحله مشوار للهرم و امرك لله
أيمن يعرف حد يظبطها أنا متأكد.
بس بعد فترة ممكن ترجع تانى......و تحتاج تتعمل تانى و هى بسيطة وسهلة.....يعنى بيجيب مسمار قلاووظ صغير مش كبير و يركبه فى المراية من تحت فى حتة معينة.
لو مش عارف الحتة دى ممكن لو فتح ال cover بتاع المراية يشوف الدليل اللى بتقف عنده مكانه فين و يحط المسمار فى نفس المكان من تحت المراية.
[QUOTE=Ahmed A.Maksoud;3872597699]
الحل ده هو اللى بيتعمل و ملهوش دعوة بكمبيوتر العربية فى حاجة.
أنا طبعا عارف إن الحل ده ملهوش دعوة بكمبيوتر العربية فى حاجة لأنه مسمار دليل للمراية.. لكن المراية كده بتلف فى تراك مائل لأنها طلعت من ماكنها خلاص... مش بس دليل الوقوف اللى إتكسر فإنت بتعوضه بمسمار... لو موتور المرايه الكهرباء اللى متوصل على ضفيره الكهرباء فى العربية حصله مشكله نتيجة الدوران المائل و دليل الوقوف اللى مش مضبوط اللى مع مرور الوقت بيتحرك من مكانه و يحتاج ضبط ممكن و بقول ممكن يأثر على الضفيرة اللى هتأثر على الكمبيوتر.
أنا مرايتى حصل لها كده نتيجة خبطة مهولة من سايس غشيم و هو راجع بظهره...طبعا فكيت المرايه و فصفصتها ميت حتة و من المستحيل إنك ترجع الدوران فى التراك بتاعه.
طبعا فكرة إن الكمبيوتر يبوظ دى كانت حصلت قبل كده و أنا فى التوكيل عندما حاول أحد الزبائن تضبيط المراية بره فالموتور بتاعها عمل شورت و طير لوحة الكمبيوتر.
أنا عارف إن فى وحوش كتير عملوا حكاية المسمار دون مشاكل لكن وجب التحذير برده.
شكرا للتحذير
انا هسيبها زى ما هيا
كده كده المرايه قريبه مش بعيده يعنى لما تفتح هبقى ارجعها
المهم الضم برضه
في حد عامل موضوع المسمار ده بالفعل ؟ ولو المسمار ده موجود المراية كده مش هتنثني لبره صح؟
[
أحمد باشا ، تسلم ايدك ، هو دة الكلام المضبوط ، الطبيعي إن الموتور و الكنترول لا يتأثر من حركة ذي دي خالص ، حتى لو الموتور فضل يلف حوالين نفسه 3 ساعات ، انما المشكلة لو حد لعب في توصيلات الموتور أو عمل عليها قافلة (ذي أغلب الكهربائية المصريين ما بيعملوا )، ساعتها النتيجة هتكون مؤذية على وحدة الكنترول ، و لكن حتى دي مش خطر لأن النوع دة من الاعطال في الكنترول يمكن إصلاحه ، بس طبعاً التوكيل بيغير على طول