المرايه الكهربا بتاخد المشوار للاخر

**human** · 27-04-2010 10:50 AM

الميجان حبيبتى تأبى ان لا تتحفنى كل شهر بحاجه تتعمل

دلوقتى المرايا لما بتفتح بتاخد المشوار لاخره مش بتقف

حد يعرف ليه العصبيه ديه من المرايا عليا؟ زعلانه من ايه؟ و ايه الحل

**Hany Saad** · 27-04-2010 11:17 AM

المشاركة الأصلية كتبت بواسطة human12

الميجان حبيبتى تأبى ان لا تتحفنى كل شهر بحاجه تتعمل

دلوقتى المرايا لما بتفتح بتاخد المشوار لاخره مش بتقف

حد يعرف ليه العصبيه ديه من المرايا عليا؟ زعلانه من ايه؟ و ايه الحل

أسف يا باشا إنى أنقلك الخبر الوحش ده....

كده المراية تعيش إنت...و طلعت من الtrack بتاعها اللى كان فيه دليل بتقف عنده.

ترجيعها لمكانها يكاد يكون من المستحيلات لوجود سوستة رهيبة داخلها.

أعتقد فى حلول بلدى زى وضع مسمار لتوقيفها و في ناس بتربطها برباط بلاستيك و.....بس إحظر كمبيوتر العربية لو إدت error.

الحلول الأصلية هى مرايه جديدة من التوكيل ضم ب2500 جنيه أو غير ضم ب800 جنيه.

نصحتى بلاش التيوانى أبو 400 جنيه اللى فى السوق لأنها زى مراية الحمام بالضبط ملهاش أى فايدة.

كل الإستعمال اللى فى السوق مش ضم.

أسف مرة أخرى على الأخبار السيئة دى على الصبح.

**Ahmed Selim** · 27-04-2010 01:45 PM

المشاركة الأصلية كتبت بواسطة Meggieboy

أعتقد فى حلول بلدى زى وضع مسمار لتوقيفها و في ناس بتربطها برباط بلاستيك و.....بس إحظر كمبيوتر العربية لو إدت error.

الحل ده هو اللى بيتعمل و ملهوش دعوة بكمبيوتر العربية فى حاجة.

القصة دى يا طارق بتحصل من سببين.....يا أما أنت أو حد تانى ( سايس مثلاً ) متعود تقفل المرايا بأيدك مش من الزرار بعد لما تركن أو المراية حد خبطهالك خبطة جامدة شوية.

حاول تشوف العقيد خالد لو يعرف حد يعملها أو أيمن مومو و تروحله مشوار للهرم و امرك لله

أيمن يعرف حد يظبطها أنا متأكد.

بس بعد فترة ممكن ترجع تانى......و تحتاج تتعمل تانى و هى بسيطة وسهلة.....يعنى بيجيب مسمار قلاووظ صغير مش كبير و يركبه فى المراية من تحت فى حتة معينة.

لو مش عارف الحتة دى ممكن لو فتح ال cover بتاع المراية يشوف الدليل اللى بتقف عنده مكانه فين و يحط المسمار فى نفس المكان من تحت المراية.

**Hany Saad** · 27-04-2010 02:06 PM

[QUOTE=Ahmed A.Maksoud;3872597699]
الحل ده هو اللى بيتعمل و ملهوش دعوة بكمبيوتر العربية فى حاجة.

أنا طبعا عارف إن الحل ده ملهوش دعوة بكمبيوتر العربية فى حاجة لأنه مسمار دليل للمراية.. لكن المراية كده بتلف فى تراك مائل لأنها طلعت من ماكنها خلاص... مش بس دليل الوقوف اللى إتكسر فإنت بتعوضه بمسمار... لو موتور المرايه الكهرباء اللى متوصل على ضفيره الكهرباء فى العربية حصله مشكله نتيجة الدوران المائل و دليل الوقوف اللى مش مضبوط اللى مع مرور الوقت بيتحرك من مكانه و يحتاج ضبط ممكن و بقول ممكن يأثر على الضفيرة اللى هتأثر على الكمبيوتر.

أنا مرايتى حصل لها كده نتيجة خبطة مهولة من سايس غشيم و هو راجع بظهره...طبعا فكيت المرايه و فصفصتها ميت حتة و من المستحيل إنك ترجع الدوران فى التراك بتاعه.

طبعا فكرة إن الكمبيوتر يبوظ دى كانت حصلت قبل كده و أنا فى التوكيل عندما حاول أحد الزبائن تضبيط المراية بره فالموتور بتاعها عمل شورت و طير لوحة الكمبيوتر.

أنا عارف إن فى وحوش كتير عملوا حكاية المسمار دون مشاكل لكن وجب التحذير برده.

**Ahmed Selim** · 27-04-2010 03:07 PM

المشاركة الأصلية كتبت بواسطة human12

فيه واحد خبط فيها من كام يوم خبطه متوسطه

و مش هروح الهرم :)

هشوف الاخ العقيد لو فاضيلى :)

طيب يا عم ما تزقش

[QUOTE=Meggieboy;3872597763]

المشاركة الأصلية كتبت بواسطة Ahmed A.Maksoud

الحل ده هو اللى بيتعمل و ملهوش دعوة بكمبيوتر العربية فى حاجة.

طبعا فكرة إن الكمبيوتر يبوظ دى كانت حصلت قبل كده و أنا فى التوكيل عندما حاول أحد الزبائن تضبيط المراية بره فالموتور بتاعها عمل شورت و طير لوحة الكمبيوتر.

أنا عارف إن فى وحوش كتير عملوا حكاية المسمار دون مشاكل لكن وجب التحذير برده.

الراجل ده أكيد كان حد مش فاهم لعبله فى الموتور نفسه....بس الحل بتاع المسمار ده ملهوش علاقة بكهربة الموتور خالص