السلام عليكم ورحمة الله
عاوز حد ينصحنى أعمل إيه يا جماعة الخير
أنا بأعانى من كام شهر كده من شوية أعراض غريبة بالرأس على سبيل المثال صداع مستمر ودائم وغير منقطع - تشويش فى الرؤية والتفكير - همدان بالجسم وإرتفاع معدلات ضربات القلب - تنميل بالرأس - إحساس بسخونة فى الرأس ربما لا يحس بها أحد غيرى - إعتلال بالمزاج العام
رحت أولا لطبيب مخ وأعصاب وماكملتش معاه لأنى اتحسنت شوية
رحت بعد كده لطبيب قلب ربما تكون دى أعراض ضغط مرتفع فنصحنى بالعرض على طبيب مخ وأعصاب وقاللى قلبك كويس وضغطك كويس
لما رجعت لى الأعراض تانى رحت مرة تانية لطبيب مخ وأعصاب بس كلامه ماعجبنيش وحسيت إنه إستهان بالحالة .
ممكن الإخوة ينصحونى بإيه فى المسألة دى
أنا فعلا تعبان جدا وخايف لتكون حاجة خطيرة
ملحوظة : عندى سكر بالدم غير منضبط وعندى مشاكل بالقلب
أرجو من الأخوة إللى عندهم خلفية بمثل هذه الموضوعات المساعدة بالرأى
ولكم جزيل الشكر