الموضوع: رجة في العربية

المشاركة الأصلية كتبت بواسطة mashaly

أ/سمير
نفس المشكلة عندي لما بشيل رجلي مرة وحده واجي ازود بتحصل الرجة دي لكن لو شلتها بالتدريج مش بتعمل لكن لما اجي ازود تاني بتحصل الرجه مش هتفرق الا لما بهدي لكن في التزويد لازم تحصل الرجة انا كنت احسب من قواعد الماتور او حاجه في الفتيس عشان بسمع صوت في الفتيس لما بترج لانها كانت بترج في اول تشغيل لها المكانيكي قلي القواعد كويسة والدبرياج ممكن يمشيك سنة انا استنتجت ان الدبرياج تعبان من المطالع الجامدة بحس ان العربية بتطلع بالعافية لان الرجه اللي مع المشي دي ظهرت من كام يوم ومديقاني جدا
قرات في مواضيع الأخوة والردود وعرفت ان الرجة اللي في بداية التشغل وريحة البنزين والكربون اللي حولين الشكمان زائد انها ممكن ماتشتغلش من اول مرة وهي سخنة دا من الرشاشات
ظهر صوت أيضا من كام يوم زي سسسس جاي من التنك لحد الماتور بصيت تحت العربية لقيت تلات خراطيم صغيرة وقرأت موضوع لأخ كريم وحضرتك رديت عليه انها علبة الكونستر
اللي عايز اعرفة دلوقتي الرجه اللي مع المشي دي من ايه بظبط مع العلم ان البطارية كمان بتنتهي
ممكن هي السبب في الموضوع دا ولا الدبرياج كدا هو اللي انتهى مع انه مش مدايقني في النقل في الغيارات ولا في السحب الا زي ماقلتلك في المطالع الجامدة بس وصوت خشونة بسمعه بعد الغيار الاول مش عارف برضه من الدبرياج ولا بلي العجل الامامي
وصوت الماتور عالي شويا عن ماجبتها

*النوبير بطاريتها مقاسها كام؟واحسن نوع جاف؟ والسعر
*سعر الاسطوانة والدسك والبلية؟ومصناعيتهم كام؟
*سعر بلي العجل؟
*طلمبة البنزين اعرف ازاي انها سليمة ولا بايظه ؟والمفروض تتغير كل كام كيلو؟وسعرها؟
*الصوت بتاع خراطيم علبة الكونستر طبيعي ولا فيه خلل؟ سعرها ؟
*سعر طقم المساعدين امامي وخلفي الاسباني؟مصنعيتهم؟
*سعرطرمبة المية؟ ومصنعيتها؟

ليها معايا تقريبا 7شهور 2003 ماشية80000الف
ماغيرتش فيها من وقت الشراء إلا العقربة والسيور وبلية كاتينه واحدة والتانيه المكانيكي قال كويسة والتيل والبوجيهات كتر خيرها.
وناوي ابدأ في صيانتها الاهم في المهم وإذا كان فيه حاجه انا نسيتها فكرني بيها ابص عليها وانا بشتغل فيها وألف شكر لك وللأخ محمد ممدوح استفد كثير من ردودكم وردود الاخوة الكرام حيث اني كنت اقود بدون اي اهتمام بالسيارة كان والدي هو من يقوم بصيانة عندما كنت بالخارج ام الان انا المسؤل عن موضوع السيارة بالكامل وخبرتي في موضوع المكانيكه والكهرباء قليلة

قبل مانفتح فى أى حوارات

شوف موضوع البطاريه الأول
وأطمن كمان على الدينامو بالمره


ومينفعش نفتح فى أى كلام وعندنا ملحوظه هامه زى ملاحظة خلل فى آداء الدايره الكهربيه بالسياره